پاکستان سوڈانی طبی عملہ نا تربیت، چاہندار علم و آزموندہ غاتا ہل و تس نا مون آدننگ کن تیار ءِ، سید مصطفیٰ کمال

اسلام آباد۔ 08 دسمبر (اے پی پی) بنجائی وزیر جان جوڑی سید مصطفیٰ کمال پارینے کہ پاکستان سوڈان تون برادرانہ تعلقداری تے بے کچ قدر انا نظر اٹ ہرک، جان جوڑی نا بشخ اٹی پاکستان تون کمکاری ءِ سوگو کننگ اٹ سوڈان نا است خواہی نا ستاءِ کینہ۔ داخیال آتا درشانی ءِ او دوشنبے نادے آ سوڈان نا بڑزکو کہولی ڈل اتون اوڑدہی ٹی کرے۔ بنجائی وزیر جان جوڑی سوڈان تون جان جوڑی نا بشخ اٹی کمکاری ءِ پین سوگو کننگ کن پاکستان نا عزم انا درشانی ءِ کرے، پاکستان سوڈانی طبی عملہ نا تربیت، چاہندار علم و آزموندہ غاتا ہل وتس نا مون آ دننگ کن تیار ءِ، پاکتان کمکاری ءِ خاص ءُ بشخ اسکان محددود تخنگ خواپک۔ اوپارے کہ فارماسیوٹیکل، میڈیکل ڈیوائسز و ریگولیٹری باندات ڈریپ نا دنگ اٹی بریرہ۔ پاکستان ڈبلیو ایچ او نا ریگولیٹری میچورٹی لیول 3 نا دوئی کننگ نا کنڈا پیش رفت کننگ ءِ، پاکستان اٹی میڈیکل ٹورازم نا مون آ دننگ کن سنبرینگوک ءِ۔ اوپارے کہ ویزاسہولت کاری نا باندات پاکستانی سفارت خانہ تون سلابت اٹ مون آدننگک، وزارت خارجہ گچین و وخت آ پیش رفت کن تین پہ تینی کمکاری نا یات داشت نا عمل ءِ ترند کیک۔ اوپارے کہ پاکستان ہلہلہ ئی ردعمل، بحالی، کاریم نا کچ اٹی ودکی و مریس مدی شریداری کن پبی کمکاری ءِ برجاتخک۔ اوڑدہی ٹی سوڈانی ڈل ملک اٹی برجا جان جوڑی نا بشخ اٹی چیلنج آتا بارواٹی بنجائی وزیر جان جوڑی ءِ معلومدار کرساپارے کہ سوڈان بروک آ پنچ سال آتیاتالان اسہ جوان حکمت عملی اس تیارکرینے ہراٹی کم و ود 45 جان جوڑی ڈٹ اوار ءُ۔ اوجان جوڑی نا بشخ انا بحالی و تعمیر نو، طبی ازباب و ٹیکنالوجی تا فراوانی ٹی پاکستان آن کمکاری نا خواست کرے۔ جان جوڑی ہند آتیٹی سولر توانائی نا بحالی و تعمیر نو، طبی ازباب وٹیکنالوجی تا فراوانی ٹی پاکستان آن کمکاری نا خواست کرینے۔ جان جوڑی ہند آتیٹی سولر توانائی نا بحالی و ادارہ جاتی کمکاری نا مون آ دننگ اٹ پاکستان آن کمکاری نا خواہندار ءِ۔ سوڈانی ڈل پاکستان نا پدریسہ کمکاری نا ستاءِ کرساپارے کہ دا دورہ ہڑتوم آملک آتا نیام اٹ گچین ہم گرنچی و زیات گچین شریداری نا سوب جوڑمریک۔ داوخت آ بنجائی سیکرٹری جان جوڑی حامد یعقوب و وزارت نا سینئر آفیسر آک ہم ساڑی ئسر۔