وزیراعظم شہباز شریف تون امریکہ ٹی رہینگوک پاکستانی نژاد ڈاکٹرز نا ڈل انا اوڑدہی

اسلام آباد۔ 08 دسمبر (اے پی پی) امریکہ ٹی رہینگوک پاکستانی نژاد ڈاکٹرز وزیراعظم محمد شہباز شریف نا کماشی ٹی پاکستان نا جان جوڑی نا بشخ انا شونداری آ اودے خراج تحسین پیش کرسا پاکستان اٹ زرکاری ٹی بھا ز است خواہی نا درشانی ءِ کرینے ۔ دوشنبے نادے آ وزیراعظم آفس نا میڈیا ونگ انا کنڈآن جاری بیان نا رداٹ اوڑدہی ٹی امریکہ ٹی رہینگوک پاکستانی نژاد ڈاکٹرز نا ڈل اوڑدہی کرے۔ ڈل اٹی ڈاکٹر سمیر شفیع نا کماشی ٹی ڈاکٹر جواد شاہ، ڈاکٹر تجمل حسین ، ڈاکٹر نعمان حیدر و پنی آ راجی شخصیت رانا زاہد امیر ئسک اوار ئسر۔ اوڑدہی ٹی چیئرمین وزیراعظم یوتھ پروگرام رانا مشہود احمد خان و ڈاکٹر سعید اخترئسک ہم ساڑی ئسر۔ داوخت آ وزیراعظم اقتصادی امور ڈویژن ءِ پاکستان نا شعبہ طب اٹی امریکہ ٹی رہینگوک پاکستانی فزیشنز نا کنڈآن زرکاری نا بابت ویل آتا توننگ و ڈاکٹرز نا ڈل اتون اواری اٹ پاکستان نا جان جوڑی نا بشخ اٹی زرکاری نا اسہ عمل نا قابل روڈ میپ اس جوڑ کرسا پیش کننگ نا پارت کرے۔