چین پاکستان  ءِ دومی گس اِنت ءُ پاکستان ھم چنار ءِ دومی گس اِنت، چنار ھمک گرانیں ساھت ءَ پاکستان ءِ ھمراھی ءَ اوشتاتگ، عطا اللہ تارڑ

اسلام آباد۔8دسمبر  (اے پی پی): وفاقی وزیر ءِ ھال ءُ اھوال عطا اللہ تارڑ ءَ گوشت کہ چین پاکستان  وت مہ وت آہنی برات اَنت، چین پاکستان ءِ دومی گس اِنت ءُ پاکستان ھم چنار ءِ دومی گس اِنت، چنار: من ھر گرانیں ساھت ءَ پاکستان ءِ ھمراھی ءَ اوشتاتگ آں، سیلاب ءِ آماچیں مردمانی واستہ چینی کمپنی ءُ ادارگ آنی کمک ستا کرز اِیت۔ اے ھیالانی درشانی آئی ءَ پاکستان ءَ چائنا چیمبر آف کامرس ءِ نیمگ ءَ برجم داشتگیں پاکستان منچ سیلاب ءِ آفت ءِ ریلیف مراگش ءَ ھاسیں مہمان ءِ بستار ءَ ادا یک دمگی ہوٹلے ءَ گشتانک دیان ءَ کت۔ وفاقی وزیر ءَ گوشت کہ پاکستان ءُ چین ءِ نیام ءَ سیادی بے درورین اَنت۔ مارا وتی پیریں مردماں چہ وراثت ءَ رستگ انت، ایشی ءَ را ما ہر قیمت ءَ رکھینگ ءُ ارزشت دیگ ءَ ایں ۔ آئی ءَ گوشت کہ پاکستان ءُ چین ءِ دوستی ءِ سیادی است انت، چین مئے واستہ دومی گس انت ءُ ھمے رنگ ءَ پاکستان چین ءِ واستہ ھم دومی گس انت۔ چین ءِ جتاجتائیں شہر آنی تر ءُ تاب آنی حوالہ ءَ وفاقی وزیر ءَ گوشت کہ پاک چین ءِ دوستی ھمک موسم ءِ واستہ دوستی انت، اے دوستی مدام  مھکم بوتگ، چین ءَ ھمک گرانیں وھد ءَ پاکستان ءِ کمک کتگ۔ وفاقی وزیر ءِ اھوالکاری ءَ گوشت کہ وھدے چین ءِ سروک ژو اینلائی پاکستان ءَ اتکگ گڑا آئی ءِ مات اسلام آباد ءِ سڑک آنی سر ءَ ایندگہ زھگ آنی گوما چین ءِ بیرک دست ءَ آئی ءَ را وش آتک کنگ ءَ بوتگ۔ اے ہما یات اَنت کہ آہانی تہا ما مزن بوتگیں، اے مئے دود ءُ ربیدگ ءُ میراث ءِ بہر اِنت۔ آئی ءَ گوشت کہ استیں دور ءَ مئے ورنائیں پدریچ ءَ ھم پاک چین دوستی ءِ بابت ءَ بازیں سرپدی زرتگ ءُ اے سیادی مرچی راجی، دود ءُ ربیدگی ءُ وانگ ءُ زانگ ءِ تک ءَ گیش مھکم بوتگ انت۔ وفاقی وزیر ءِ اھوالکاری ءَ چین ءِ صدر شی جن پنگ ءُ مزن وزیر لی کی کیانگ ءِ پاکستان ءِ واستہ دلگوشی ءُ کمک ءِ پد ءَ منت گپت۔ وفاقی وزیر برائے اھوالکاری ءَ گوشت کہ موسمی مٹ ءُ بدل یک جھان ءِ جیڈھ اِنت، ما ایشی ءِ شدیدیں آسر دیستگ اَنت، جھان ءِ کاربن ءِ کشگ ءِ تہ ءَ پاکستان ءِ بھر یک درسد ءَ چہ کم اِنت، وھدیکہ ما موسمیاتی مٹ ءُ بدلی ءِ آسر آنی رد ءَ دگنیا ءِ تہ ءَ گیش آماچیں ملک آنی تہ ءَ ھوار ایں ۔ آئی ءَ گوشت کہ وھدے پاکستان ءَ مزنیں سیلاب ءِ آماچ بوت ءُ پنجاب ءِ جتا جتائیں دمگ آنی مردم آماچ بوت انت گڈا چین ءِ نیمگ ءَ چہ کمک ءُ کمک آ وھد ءَ سک باز المی ثابت بوت، چین ءِ کمپنی ءُ ادارگ آناں وتی چاگردی ذمہ واری ءِ چیر دستی ءَ یک گامگیجے دیم ءَ کش ات ءُ کمک کت، ایشی ءَ چہ اے گپ ءِ ثبوت بیت کہ پاک چین ءِ دوستی نا ٹوٹ ایت، ما اے واستہ چین ءِ کمک ءِ منت وار ایں ۔ وفاقی وزیر ءَ گوشت کہ مارا ہر وھد ءَ مشکلیں جاور ھال آنی دیم ءَ کپگ ءَ پد چین مدام مئے گوما اوشتاتگ، چین یک بھروسہ مندیں سنگت اِنت ءُ پاکستان اے دوستی ءِ لوٹ آنی پیلو کنگ ءِ واستہ مدام ساڑی بیت۔ آئی ءَ گوشت کہ وھد ءَ اے گپ ثابت کتگ کہ چین ءُ پاکستان راستی ءَ چہ ’’آہنی برات‘‘ اَنت ءُ مردم ءِ گوما مردم، دود ءُ ربیدگی ءُ وانگی مٹ ءُ بدلی اے دوستی ءَ را گیش مھکم کنگ ءَ انت۔ زانگ بہ بیت کہ پاکستان ءِ چین چیمبر آف کامرس ءَ ستمبر ءَ پاکستان ءِ سیلاب ءَ چہ آماچیں دمگ آنی تہ ءَ کمکی مہم بندات کتگ ات ایشی ءِ تہ ءَ باسکیں کمپنی آنی مھکمیں بھر زوری بوتگ ات۔ انوگ ءَ تاں 32 کمپنی آں امدادی سامان آنی گرگ ءُ بھر ءُ بانگ ءِ واستہ 34 ملین کلدار ءَ چہ گیش زرّ جم کتگ۔ اے کمک ءِ تہ ءَ کمکی چیز چوش کہ ورگ، آپ ءِ ورگ، کمبل، بشانگ  ءُ واٹر پروف ترپال ھوار اَنت کہ آماچیں دمگاں سک باز لوٹ اَنت۔