گلگت بلتستان ءِ مہلوک ءِ وشحالی ءُ اقتصادی دیمروئی وفاقی حکومت ءِ اولی ترجی آنی تہا ھوار انت، مزن وزیر شہباز شریف

اسلام آباد۔8دسمبر  (اے پی پی): مزن وزیر محمد شہباز شریف ءَ گوادر پورٹ سٹی ءَ بجلی ءِ جیڈھ آنی گیواری ءِ واستہ یک سرجمیں منصوبگ ءِ ترندیں رنگ ءَ عمل درآمد ءِ منظوری داتگ ءُ پنت ءُ شون کتگ کہ گلگت بلتستان ءَ چاگردی رد ءَ ساپیں بجلی ءِ بے رکاوٹ ءُ مھکمیں سپلائی ءَ را دل یکیمی کنگ بہ بیت۔ گلگت بلتستان ءِ اُلس ءِ وشھالی ءُ اقتصادی دیمروئی وفاقی حکومت ءِ اولی ترجی آنی تہ ءَ ھوار اِنت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے پنت ءُ شون بجلی ءِ شوبگ ءَ جاری اصلاحات ءِ ھوالگ ءَ چار ءُ تپاسی دیوان ءِ سروکی ءَ کتگ۔ گند ءُ نند ءَ نائب مزن وزیر ءُ درئی کارانی وزیر محمد اسحاق ڈار ، وفاقی وزیر ءِ ھزانگ محمد اورنگزیب، وفاقی وزیر ءِ بجلی سردار اویس احمد خان لغاری، وفاقی وزیر ءِ اھوالکاری ءُ شنگ کاری عطا اللہ تارڑ، وفاقی وزیر اقتصادی کار احد خان چیمہ، وفاقی وزیرپٹرولیم علی پرویز ملک  ءَ شریک بوتگ۔ دگہ سیادی داروکیں سرکاری کارندہ آں چہ ھوار انت۔ مزن وزیر ءَ ھاسیں رنگ ءَ پنت ءُ شون کت کہ گوادر پورٹ سٹی ءَ را بے رکاوٹ، ارزان ءُ جوانیں  بجلی ءِ سپلائی ءِ منصوبگ آنی سر ءَ درستیں سیادی داروکیں ادارگ ھمگامی ءَ کار بہ کن اَنت، گلگت بلتستان ءَ 100 میگاواٹ شمسی توان ءِ منصوبگ ءِ ترندیں رنگ ءَ عملدرآمد بندات کنگ بہ بیت، ءُ 100 میگاواٹ شمسی بجلی ءِ منصوبگ ءَ را بے رکاوٹ ءُ چاگردی بجلی ءِ سپلائی ءَ را دل یکیمی کنگ بہ بیت۔ گلگت بلتستان ءِ سرا بوتگ۔ آئی ءَ گوشت کہ گلگت بلتستان ءِ اُلس ءِ وشھالی ءُ اقتصادی دیمروئی وفاقی حکومت ءِ اولی ترجی آنی تہ ءَ ھوار انت۔ گلگت بلتستان ءَ صنعتی کاروائی، سرمایہ کاری ءُ اقتصادی دیمروئی ءِ ھاتر ءَ درستیں استیں گامگیج کنگ بوھگ ءَ انت۔ احسن اقبال ءِ سروکی ءَ کمیٹی ءُ وزارت توانائی ءِ بجلی ءِ جیڈھ آنی گیواری ءِ واستہ سفارش ءُ گامگیج ستا کرز انت۔ مزن وزیر ءَ پنت ءُ شون کت کہ وزارت توانائی ءَ را جامع حکمت عملی ءِ تہا ہواریں ترندیں، کسانیں مدتی ءُ دراج مدتی منصوبگ آنی جوانیں رنگ ءَ عمل درآمد ءِ ذمہ وار جوڑ کنگ بہ بیت۔ گوادر بندرگاہ ءَ چہ بجلی ءِ بے رکاوٹیں سپلائی ءَ چہ ملکی اقتصادی چست ءُ ایر ءُ سرمایہ کاری ءِ تہ ءَ مزنیں کساسے ءَ گیشی بیت۔ پاکستان ءَ جوڑ بوتگیں صنعت ءُ سرمایہ کار آناں بجلی ءِ سپلائی دمگی ءُ میاں اوستمانی معیار ءِ رد ءَ کنگ بہ بیت۔ آئی ءَ گوشت کہ بے مٹیں بجلی ءُ اے دگہ آسراتی آنی گوما گوادر بندر دگنیا ءِ جوانیں بندر جوڑ بیت ءُ آیوکیں وھد ءَ اقتصادی چست ءُ ایر آنی مرکز جوڑ بیت۔ بجلی ءِ شوبگ ءَ جاری منصوبگ آنی ھوالگ ءَ بریفنگ ءِ ساھت ءَ وفاقی وزیر بجلی ڈویژن سردار اویس احمد خان لگاری ءَ مزن وزیر ءَ را گوشت کہ گوادر ءَ وزارت توان ءِ نیمگ ءَ ترندیں گامگیج آنی سبب ءَ بجلی ءِ سپلائی ءِ رکاوٹ پیسر ءَ چہ 42درسد کم کنگ بوتگ۔ بجلی ءِ رکاوٹ آناں ھلاس کنگ ءَ پد گوادر ءَ آیوکیں 6ماہ ءِ واستہ بجلی ءِ وولٹیج ءَ را مھکم کنگ ءِ واستہ یک جامع منصوبگ ءِ ھم تیار کنگ بوتگ۔ گوادر ءَ ملکی ءُ کاروباری صارف آناں بجلی ءِ سپلائی ءَ را دل یکیمی کنگ ءِ واستہ جوانیں ءُ عملی گامگیج کنگ بوھگ ءَ انت۔ کوتاہ مدتی منصوبگ آنی تہ ءَ آیوکیں 8 ءَ چہ 12ماہ آنی تہ ءَ مزنیں سرکاری ادارگ آنی تہ ءَ 9.7میگاواٹ شمسی توان ءِ توانائی ایر کنگ بیت۔ گوادر ءِ دراجیں مدتی منصوبگ آنی تہ ءَ 40 میگاواٹ ءِ منصوبگ ایر کنگ بیت تانکہ بجلی ءِ مھکمیں سپلائی ءَ را دل یکیمی کنگ بہ بیت۔ گوادر ءِ تہ برجاھیں صنعتی ءُ اقتصادی دیمروئی، گوادر ءِ بندر ءُ شھری دمگ آنی مزن کنگ ءِ سبب ءَ آیوکیں سال آنی تہ ءَ بجلی ءِ لوٹ 30درسد گیش بوھگ ءِ گمان اِنت۔ گلگت بلتستان ءَ 100میگاواٹ ءِ شمسی منصوبہ ءِ دو بہر ھوار انت ایشی ءِ تہ ءَ 18میگاواٹ ءِ روف ٹاپ سولر پروگرام ءُ 82میگاواٹ ءِ یوٹیلٹی اسکیل سولر ھوار انت۔ گلگت بلتستان ءِ تہ ءَ روف ٹاپ ءُ یوٹیلیٹی اسکیل ءِ شمسی توانائی 2027 ءَ تاں سرجمی ءَ کار بندات کن اَنت۔گلگت بلتستان حکومت ءُ وزارت توانائی ءِ یکجائی منصوبگ آنی سبب ءَ حکومت ءَ را سالانہ یک ارب کلدار ءِ بچت بیت۔ گلگت بلتستان ءِ سرکار وھد ءِ سر ءَ بجلی ءِ منصوبگ آنی واستہ زمین، رابطہ، بنیاتی ڈھانچہ ءُ دگہ آسراتی ءِ دات کنت۔