امریکہ ءَ جاہ منندیں پاکستانی ڈاکٹرانی ڈل ءَ مزن وزیر شہباز شریف ءَ گوں گند ءُ نند

اسلام آباد۔8دسمبر  (اے پی پی):امریکہ  ءَ جاہ منندیں پاکستانی ڈاکٹر آناں مزن وزیر محمد شہباز شریف ءِ سروکی ءَ پاکستان ءِ جان سلامتی ءِ شوبگ ءِ دیمروئی ءِ واستہ ساڑاتگ ءُ پاکستان ءَ سرمایہ کاری ءِ واستہ سک باز واھشت ءِ درشان کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ امریکہ ءَ جاہ منندیں پاکستانی ڈاکٹر آنی ڈل ءَ مزن وزیر ءَ گوں گند ءُ نند کتگ۔ ڈاکٹر سمیر شفیع  سروکی ءَ   ڈاکٹر جواد شاہ، ڈاکٹر تجمل حسین، ڈاکٹر نعمان حیدر اور معروف سماجی شخصیت رانا زاہد امیر  ھوار اتنت۔ گند ءُ نند ءِ ساھت ءَ چیئرمین مزن وزیر ءِ ورنا پروگرام رانا مشہود احمد خان ءُ ڈاکٹر سعید اختر   ھم ساڑی ات۔ اے موہ ءِ سر ءَ مزن وزیر ءَ اقتصادی کارانی ڈویژن ءَ را ہدایت کت کہ آ امریکہ ءَ بنجاہی پاکستانی ڈاکٹر آنی نیمگ ءَ پاکستان ءِ طبی شوبگ ءَ سرمایہ کاری ءِ ھوالگ ءَ جیڈھ آناں گیواری بہ کنت ءُ پاکستان ءِ جان سلامتی ءِ شوبگ ءَ سرمایہ کاری ءِ واستہ کار لائکیں روڈ میپ ءِ تیار کنگ ءِ واستہ ڈاکٹر آنی ڈل ءِ گوما کار بہ کنت۔