2025نا آخیریکو مچ آملک پولیو مہم 15 آن 21 دسمبر اڈتننگک، 4 کروڑ50 لکھ چناتے مچ آ زند انا معذوری آن رکھ کننگک، این ای اوسی

اسلام آباد۔ 08 دسمبر (اے پی پی) 2025نا آخیریکو ملک گیر پولیو مہم 15آن 21 دسمبر اسکان اڈتننگک۔ قومی ایمرجنسی آپریشن سینٹر (این ای اوسی) نا کنڈآن جاری بیان نا رداٹ پولیو مہم اٹی 4 کروڑ 50 لکھ آن زیات چناتے مچ آ زند انا معذوری آن رکھ کننگک، مہم اٹی 4 لکھ آن زیات فرنٹ لائن پولیو ورکرز تینا زمواری تے سرایترہ۔ پنجاب اٹی 2 کروڑ 30 لکھ آن زیات، سندھ اٹی 1 کروڑ 6 لکھ آن زیات ، پختونخواٹی 72 لکھ آن زیات، بلوچستان اٹی 26 لکھ آن زیات، اسلام آباد اٹی 4 لکھ 60 ہزار آن زیات، گلگت بلتستان اٹی 2 لکھ 28 ہزار آن زیات و آزاد جموں وکشمیر اٹی 7 لکھ 60 ہزار آن زیات چناتے پولیو نا پڑی کنفنگک۔ این ای اوسی نا کمامدارآک خواست کرینو کہ لمہ و باوہ پولیوورکرآتون کمک کیر و تینا چناتا ویکسی نیشن ءِ پک کیر و پیدائش آن 15 تُواسکان نا غٹ چناتا رکھی ٹیکہ غاتا کورس ءِ ہم وخت آ پورو کرفر۔