صدر آصف علی زرداری ءَ زر ءَ 1500 کلوگرام منشیات ءِ کامیابی ءِ پد ءَ پاک بحریہ ءَ را توسیپ ءُ ستا

اسلام آباد۔7دسمبر  (اے پی پی):صدر آصف علی زرداری ءَ پاک بحریہ ءِ نیمگ ءَ چہ زر ءَ 1500 کلوگرام منشیات ءِ سوبمندیں گر ءُ دار ءَ را شگر ءُ منت گپت ءُ گوشت کہ اے آپریشن پاک بحریہ ءِ مزن پیشہ ورانہ ازم ءِ گواہی انت۔ یک شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ پاک بحریہ ءِ وھد ءُ پاس ءِ سر ءَ جوانیں آپریشن نہ ایوک ءَ منشیات ءِ اسمگلنگ ءِ مزنیں جیڈھ ءِ گر ءُ دار ءَ یک ھاسیں گامگیج اِنت بلکینگ ءَ ناجائزیں کار آنی ھلاسی ءِ واستہ ریاست ءِ کوشست آناں گیش مھکم جوڑ کنت۔ آئی ءَ گوشت کہ پاک بحریہ ءِ دمگی ءُ میاں اوستمانی شریک آنی گوما کمک یک ایمنیں میری ٹائم چاگرد ءِ واستہ پاکستان ءِ سنگینیں کرد ءِ درشان انت۔ صدر ءِ مملکت ءَ گوشت کہ ریاست ءُ ایشی ءِ ادارگ سمندری سیم سر آنی تہ ءَ ھمک رنگ ءِ ناجائزیں کار آناں سرجمی ءَ ھلاسی ءِ واستہ جزمیگ اَنت۔