سینیٹ ءِ چیئرمین سیدیوسف رضا گیلانی ءَ راجی کرکٹ ٹیم ءَ را فائنل ءِ سوبمندی ءِ سرا مبارک بات داتگ

اسلام آباد۔29نومبر  (اے پی پی):سینیٹ ءِ چیئرمین سیدیوسف رضا گیلانی ءَ راجی کرکٹ ٹیم ءِ جوانیں کارکردگی ءُ گڈی میچ ءِ سوبمندی ءِ پد ءَ مبارک بات داتگ۔ شمبے ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ تہ ءَ چیئرمین سینیٹ ءَ گوشت کہ راجی ٹیم ءِ لیب کنوکاں جوانیں اسپورٹس مین شپ، غیر معمولی جذبہ ءُ ٹیم ورک ءِ درشان کنان ءَ سرجمیں راج ءَ را فخر کتگ۔ آئی ءَ گوشت کہ میدان ءِ سر ءَ لیب کنوک آنی نیمگ ءَ پیش داشتگیں مہارت، یکوئیءُ جزم ءِ آسر ءَ فائنل ءَ یکیاتگاریں سوبمندییے رست۔ سیدیوسفرضا گیلانی ءَ ٹیم ءِ توامیں لیب کنوک، کپتان، کوچ ءُ ٹیم مینجمنٹ ءَ را جوانیں کارکردگی ءِ سرا مبارک بات دات ءُ آہاں شگر ءُ منت وار کت۔ آئی ءَ گوشت کہ پاکستان ءِ سوبمندی اے گپ ءِ اے گپ ءِ ثبوت انت کہ محنت، حکمت عملیءُ راجی جذبہ ءِ گوما لیب کنگ ءَ ھمک چیلنج ءَ را سوبمندی ءِ تہ ءَ بدل کنگ بوت کنت۔ اے سیریز پاکستان، سری لنکا ءُ زمبابوے ءِ ٹیم آنی نیام ءَ گوازینگ بوتگ کہ ایشی ءِ تہ ءَ راجی ٹیم ءَ یک زبردستیں گوازی پیش کنان ءَ فائنل ءِ سوبمندی زرتگ۔ سینیٹ ءِ چیئرمین ءَ اے سوبمندی ءَ را سرجمیں راج ءِ واستہ وشیں ساھت لیک اتگ ءُ گوشت کہ مرچیگیں سوبمندی ءِ آسر لیبی آنی لگن، محنت ءُ مزنیں کارکردگی ءِ آسر انت کہ ایشی ءَ چہ پاکستان ءِ نام سرجمیں دگنیا ءَ نامدار بوتگ۔