محکمہ اسپورٹس 35می راجی لیب ءِ تیاری ءِ ھاتر ءَ تربیتی کیمپ ءَ لیبیانی تربیت ءَ برجاہ دارگ ءَ انت

لاہور۔29نومبر  (اے پی پی):اسپورٹس ڈیپارٹمنٹ پنجاب ءِ چیر دستی ءَ 35می راجی گوازی ءِ تیاری ءِ واستہ تربیتی کیمپ ءَ لیبی آنی تربیت برجاہ اِنت۔ شمبے ءِ روچ ءَ نشتر پارک اسپورٹس کمپلیکس ءَ کوچ لیبیانی تربیت ءَ مصروف اتنت۔ ڈی جی اسپورٹس پنجاب خضرہ فضل چوہدریءَ تربیتی کیمپ ءِ چار ءُ تپاس کت ءُ لیب کنوکاں چہ کیمپ ءَ داتگیں آسراتیانی بابت ءَ جست ءُ پرس کت۔ اے موہ ءِ سر ءَ ڈائریکٹر ایڈمن عابد شوکت ءُ ڈائریکٹر اسپورٹس رانا ندیم انجم ویگر ھم ساڑی بوتگ اَنت۔ پنجاب اسٹیڈیم ءِ رگبی کیمپ ءَ کوچ 20 جنک ءُ بچکاں جتا جتا تربیت دیگ ءَ انت۔ کوچ محمد محسن ءَ لیبیانی نیام ءَ رگبی ءِ مقابلہ برجم داشتگ انت۔ والی بال ءِ لڑکیں کیمپ ءِ جمنازیم ہال ءَ 12 لیبی تربیت کنگ ءَ اَنت۔ کوچ کفیات اللہ ءَ لیبیاں ورزش کتگ ءُ پریکٹس میچ ھم کتگ۔ نیشنل ہاکی اسٹیڈیم ءِ جنکیں ہاکی کیمپ ءَ 18 لیبی آنی تربیت کنگ بوھگ ءَ انت۔ کوچز ءَ لیبیانی نیام ءَ میچ کتگ ءُ لیبیانی کارکردگی ءِ ارزشت داتگ۔ خضرہ فضل چوہدری ءَ اے موہ ءِ سر ءَ گوشت کہ اسپورٹس بورڈ پنجاب ءِ تربیتی کیمپ ءَ لیب کنوک آناں جوانیں آسراتی پجاری کنگ بوھگ ءَ انت۔ لیبیاں جوانیں تربیت، ورگ، جاہ ءُ دگہ آسراتی داتگ انت، من ءَ یقین انت کہ مئے لیبی گولڈ میڈل ءِ کٹگ ءَ انت۔