چیئرمین پی سی بی محسن نقوی ٹرائی نیشنل ٹی ٹوئنٹی سیریز ءِ گڈی میچ ءِ موہ ءَ راولپنڈی اسٹیڈیم ءَ سر بوتگ، راجیلیبیانی حوصلہ ءَ را گیش کتگ، میچ ءَ پیسر ٹیم ءِ گوما گروپ فوٹو

راولپنڈی۔29نومبر  (اے پی پی):چیئرمین پی سی بی محسن نقوی ءَ سئے راجی ٹی ٹوئنٹی سیریز ءِ گڈی میچ ءِ موہ ءَ راولپنڈی اسٹیڈیم ءَ سر بوتگ، اودا آئی ءَ راجیلیبی آنی حوصلہ ءَ را گیش کتگ ءُ میچ ءَ پیسر ٹیم ءِ گوما گروپ فوٹو ھم کش اِتگ۔ پی سی بی ءِ رد ءَ محسن نقوی ءَ گوں لیبیاں گپ ءُ تران ءَ ٹیم ءِ واستہ نیکیں واھگ آنی درشانی کتگ۔ اے موہ ءِ سر ءَ اسٹیڈیم ءَ دوئیں ٹیم آنیلیبیءُ تماشائی آں سری لنکا ءَ ھئور ءِ سبب ءَ بوتگیں جانی تاوان ءِ یات ءَ یک منٹ ءِ ھاموشی ءِ درشانی کتگ۔ سری لنکا ءِ ہائی کمشنر فریڈ سریویرتنءُ ڈپٹی ہائی کمشنر ہم گڈی میچ ءِ چارگ ءِ ھاتر ءَ اسٹیڈیم ءَ ھوار بوتگ انت کہ آہانی ھوار بوھگ ءَ را پاکستان ءُ سری لنکا ءِ نیام ءَ اسپورٹس سفارتکاری ءِ دیمروئی ءِ ھاتر ءَ جوانیں گامگیج لیکگ بوتگ۔ میچ ءِ ساھت ءَ پی سی بی ءِ چیئرمین محسن نقوی ءَ سری لنکا ءِ ہائی کمشنر ءِ گوما ھاسیں گند ءُ نند ھم کتگ ات ایشی ءِ تہ ءَ دوئیں ملک آنی نیام ءَ کرکٹ ءِ کمک، دو نیمگی سیادیءُ آیوکیں شریکداری ءِ بابت ءَ گپ ءُ تران بوتگ ات۔ گند ءُ نند ءِ مول ءُ مراد پاکستان ءُ سری لنکا ءِ نیام ءَ کرکٹ ءِ سیادی ءَ را گیش مھکم کنگ بوتگ۔