وزیر مملکت داخلہ طلال چوہدری ءَ ترکی ءِ صدر ءَ گوں گند ءُ نند کتگ، قانون نافذ کنوکیں ادارہانی مراگش ءَ بہر زرتگ

استنبول ۔29نومبر  (اے پی پی):تہی کارانی وزیر ءِ مملکت طلال چوہدری ءَ گوں ترکی ءِ صدر رجب طیب اردوان ءَ گند ءُ نند کتگ۔ آئی ءَ شمبے ءِ روچ ءَ پاکستان ءِ ھاسیں نمائندہ ءِ بستار ءَ ترکی ءِ کانود نافذ کنوکیں ادارگ آناں ھزاراں نوکیں سیکورٹی گاڑی آنی پجاری ءِ ھاسیں مراگش ءَ بھر زوری کت۔ اے موہ ءِ سر ءَ ترکی ءِ تہی سیکورٹی ءِ نظام ءَ را مھکم کنگ ءِ ھاترا ترکی ءِ کانود ءِ نفاذ ءِ ادارگ آنی تہ ءَ جندارمری، پولیس ءُ کوسٹ گارڈ ءَ را 9200 نوکیں سیکورٹی گاڑی داتگ اَنت۔ ترکی ءِ صدر رجب طیب اردوان ءَ ھم اے مراگش ءَ بھر زرتگ ءُ نوکیں گاڑی ءِ بیڑے ءَ را ملک ءِ تہی ایمنی ءِ نظام ءِ واستہ ”مھمیں سنگ میل“ لیک اِتگ۔ نوکیں گاڑی ءِ بیڑے ءَ را باقاعدہ رنگ ءَ سروس ءَ ھوار کنگ بوتگ ءُ امیت انت کہ ایشی ءَ چہ ترکی ءِ سیکورٹی ءُ ایمرجنسی رسپانس ءِ صلاحیت آناں مزنیں کساسے ءَ مھکم کنگ بیت۔ پاکستان ءِ وفاقی وزیر تہی کار محسن نقوی ءِ ہدایت ءِ سرا تہی کارانی وزیر طلال چوہدری ءَ پاکستان ءِ ھاسیں نمائندہ ءِ بستار ءَ اے ھاسیں مراگش ءَ بہر زرتگ۔ طلال چوہدری ءَ صدر اردوان ءَ گوں گند ءُ نند کتگ، ایشی ءِ ساھت ءَ دوئیں سروک آں مزن وزیر شہباز شریف ءِ واستہ نیکیں واھگ آنی درشان کتگ ءُ دوئیں ملک آنی نیام ءَ برجاھیں کمک ءِ جیڈھ آنی سر ءَ ھیال ریچی کتگ۔