وزیر داخلہ محسن نقوی ءَ اسلام آباد ءِ بالی پٹ ءِ تر ءُ تاب ءِ وھد ءَ گوشت کہ سرجمیں ءُ جائزیں سفری دستاویزات ءِ گوں ھچ مسافر ءَ را سفر ءَ چہ بند کنگ نہ بیت، ءُ فراڈ ءَ ھواریں ویزا ایجنٹ آنی سر ءَ کارروائی ءِ پرمان داتگ

اسلام آباد۔29نومبر  (اے پی پی):وفاقی تہی کار ءُ منشیات ءِ کنٹرول ءِ وفاقی وزیر محسن نقوی ءَ گوشت کہ سرجمیں ءُ جائزیں سفری کاگد ءِ واھندیں ھچ مسافر ءَ را سفر ءَ چہ بند کنگ نہ بیت، وھدیکہ درملک ءَ روزگار ءِ دروگیں وعدہ ءِ وسیلگ ءَ شہری آناں دھوکہ دیگ ءِ ھلاپ ءَ سکیں کارروائی کنگ بیت۔ اے ھیالانی درشانی وفاقی وزیر داخلہ ءَ شمبے ءِ روچ ءَ اسلام آباد میاں اوستمانی بالی پٹ ءِ حیرانی ءِ تر ءُ تاب ءِ ساھت ءَ کت۔ آئی ءَ دو کلاک بالی پٹ ءَ گوازینتگ ءُ امیگریشن ءِ عمل ءِ چار ءُ تپاسی کتگ ءُ درملک ءَ روگ ءَ مسافراں ​​گوں گپ ءُ تران کتگ۔ تر ءُ تاب ءِ ساھت ءَ محسن نقوی ءَ دھاندلی ءِ تہ ءَ ھواریں ویزا ایجنٹ آنی سر ءَ ترندیں کارروائی ءِ ھاترا سکیں پرمان داتگ ءُ ھشدار داتگ کہ درملک ءَ روزگار ءِ بہانہ ءَ شہری آناں دھاندلی کنوکیں مردمانی سر ءَ ھچ وڑیں نرمی ءِ درشان کنگ نہ بیت۔ آئی ءَ 7 نومبر ءَ یک مسافر ءِ نیمگ ءَ امیگریشن کاؤنٹر آنی تہ ءَ کارندہ آنی کمی ءِ بابت ءَ شکایت ءِ سر ءَ ھم سنجیدگی ءِ سر ءَ چمشانک داتگ ءُ ذمہ واریں واکدار آناں پرمان داتگ کہ آ سی سی ٹی وی فوٹیج ءِ وسیلگ ءَ سرجمیں جاور ھال آنی چار ءُ تپاسی ءَ بہ کن اَنت ءُ باقاعدہ انکوائری بہ کن اَنت۔ وزیر داخلہ ءَ مسافر ءُ بالی پٹ ءِ واکدار آناں دل یکیمی دات کہ آیوکیں وھد ءَ اے وڑیں شکایت آنی ھچ وڑیں جواز نہ بیت۔ آئی ءَ گوشت کہ سرجمیں ءُ جائزیں سفری کاگد ءِ واھندیں ھچ مسافر ءَ را سفر ءَ چہ بند کنگ نہ بیت، البت جعلی یا غیر تصدیق شدہ کاگد آنی سر ءَ سفر کنوک ملک ءِ نام ءَ را تاوان دنت۔ چوشیں جاور ھال ھچ وڑیں جاوراں منّگ نہ بنت۔ محسن نقوی ءَ گوشت کہ لالچی ایجنٹ بے گناہیں مردم آنی آیوکیں باندات ءَ گوں لیب کنگ ءَ انت ملک ءِ نام ءُ نام ءَ را ھراب کنگ ءَ انت۔ ملک ءَ را تاوان دیگ ءَ اَنت۔ آئی ءَ گیش کرتگ کہ درملک ءَ روزگار ءِ دروگیں وعدہ آنی وسیلگ ءَ شہری آناں دھوکہ دیگ ءِ ھلاپ ءَ سکیں کارروائی کنگ بیت۔ وزیر داخلہ ءَ یک رندے پدا گوشت کہ غیر تصدیق شدہ دستاویزات ءِ سر ءَ سفر کنگ ءِ اجازت نہ بیت ءُ حکومت انسانی سوداگری ءُ دستاویزات ءِ تہ ءَ ھواریں ایجنٹ مافیا ءِ کاروائی آنی ھلاسی ءِ واستہ جزم انت۔