تحریک انصاف ءِ سیاست جمہوری نہ اِنت، آشوب ءِ شنگ کنگ اِنت، ورنائیں نسل ءَ را چاگرد دوستیں دیمروئی ءِ تہا فعال کرد پیلو کنگی اِنت، وفاقی وزیر احسن اقبال LUMS ءَ کانفرنس ءَ گوں تران کنان ءَ، میڈیا ءَ گوں گپ ءُ تران

لاہور۔29نومبر  (اے پی پی):منصوبگ بندی، دیمروئی ءُ ھاسیں گامگیج آنی وفاقی وزیر احسن اقبال ءَ گوشت کہ بھارت ءُ پی ٹی آئی ملک ءِ یکوئی ءِ ھلاپ ءَ یکیں تاک ءَ اَنت، پی ٹی آئی ءِ سیاست جمہوری نہ اِنت، آشوب ءِ شنگ کنگ اِنت، اودان پاکستان ءِ منصوبگ راجی دیمروئی ءِ مرکز ءُ محور اِنت ءُ ورنا راجی دیمروئی ءِ رنگ ءَ گوازی کنگ ءَ اَنت۔ چاگرد دوستیں دیمروئی ءِ تہ ءَ تانکہ موسمیاتی ھترہ آناں چہ رکگ بہ بیت، گرین پروڈکٹیوٹی 2.0 وژن ءِ مول ءُ مراد ایوک ءَ پاکستانی صنعت ءَ را چاگرد دوست جوڑ کنگ نہ اِنت بلکیں ایشی ءَ را جھان ءِ مارکیٹ ءَ مقابلہ ءِ ھاترا ھم جوڑ کنگ اِنت، حکومت سبز منصوبگ آناں سرجم کنگ ءِ ھاترا ٹھوس گامگیج زورگ ءَ اِنت۔ آئی ءَ اے ھیالانی درشانی شمبے ءِ روچ ءَ لومس یونیورسٹی ءَ دو روچی "گرین پروڈکٹیوٹی 2.0 ءِ سر ءَ میاں اوستمانی کانفرنس” ءَ گوں تران کنان ءَ ءُ میڈیا ءَ گوں گپ ءُ تران کنان ءَ کت۔ میڈیا ءَ گوں گپ ءُ تران کنان ءَ وفاقی وزیر آئی ءَ گوشت کہ اے ملک خدا ءِ نیمگ ءَ مئے لوگ اِنت اگاں مئے ملک نہ اِنت گڑا اے مئے سیاست ھم نہ اِنت۔ اختلاف رائے جمہوریت ءِ زیبائی انت ءُ ملک ءِ سیاست چو کہ یک خاندانے ءَ انت ۔ انچو کہ یک ھاندان ءِ تہ ءَ ھر مردم ءِ وتی ھیال ءُ لیکہ ھست ھمے پیم ءَ درستیں سیاسی گلاں ھم اختلاف کنگ ءِ ھک ھست۔ اگاں وت ماں وت ءَ اختلاف بنت گڑا جمہوریت ءِ زیبائی ہمیش انت کہ ملک ءِ توک ءَ نندگ ءَ ہمے اختلاف ہلاس بہ بنت۔ مسلم لیگ ءُ پیپلز پارٹی ءَ را سک باز سختیں مارشل لاء ءِ دیمپانی کنگ بوتگ بلے بانی تحریک انصاف ءِ دور ءَ مارا دوئیں مارشل لاء ءَ چہ گیش زلم ءُ زوراکی ءِ دیمپان بوتگ ۔ ما ھم دروگیں کیسانی تہا جیل ءَ شتیں، رسانکدر ءِ سرا بندش جنگ بوت۔ اے درستیں گپانی باوجود ما اے سیاسی جنگ ءَ ریاست ءِ سیمسراں کتگ۔ تاں روچ ء مرچی ھچ پارٹی درملک ءَ شتگ ءُ پاکستان ءِ ھلاپ ءَ پروپیگنڈا شنگ نہ کتگ ءُ پاکستان ءَ را میان استمانی آمیدگسانی گودی ءَ نہ داتگ۔ احسن اقبال ءَ گوشت کہ تحریک انصاف ءِ حکومت پاکستان ءِ سیاسی راجدپتر ءِ تہ ءَ سیاہ تریں دور زانگ بیت کہ ایشی ءِ تہ ءَ ورنا آناں دیمروئی، وانگ ءُ زانگ ءُ ہنر ءِ بدل ءَ ایوک ءَ گستاخی ءِ زبان ءِ سیاست دیگ بوتگ۔ وانینگ بوتگ ات، یک اناڑی مردمے ملک ءِ سرا مسلط کنگ بوتگ ات کہ آئی ءَ پاکستان ءِ معیشت ءُ ادارہاں مزنیں تاوان داتگ ات، ما ہم سیاسی بدلہ ءِ آماچ بوتگ اتیں، بدقسمتی ءَ پاکستان تحریک انصاف ءِ سروکی سیاسی بدلہ ءِ سبب ءَ کور انت ءُ ملک ءِ وتی ھاسیں مول ءُ مراد ءِ ھاترا میان استمانی تک ءَ بدنام کنگ ءَ انت۔ آئی ءَ گوشت کہ ھندوستان ءُ تحریک انصاف ملک ءِ یکوئی ءِ ھلاپ ءَ یکیں پج ءَ اَنت، کجام وھد ءَ پاکستان میاں اوستمانی براتی ءَ گوں جوانیں سیادی ءِ جوڑ کنگ ءِ کوشست کنت گڈا اے تحریک انصاف ءُ ھندوستان ءَ را تاوان دنت، وھدے کہ ملک دیمروئی ءِ راہ ءَ انت گڈا تحریک انصاف ءُ ھندوستان ءَ را تاوان دنت، آئی ایم ایف ءِ پروگرام بہ بیت گڈا پی ٹی آئی یا ھندوستان ءَ را تاوان دنت۔ آئی ءَ گوشت کہ پاکستان ءِ سیاست ءَ را میاں اوستمانی تک ءَ برگ ءُ ایشی ءَ را بدنام کنگ ھاسیں رنگ ءَ یک ملکے ءَ را کہ پاکستان ءِ دژمن اِنت آئی ءَ را پارٹی جوڑ کنگ بے دروریں شرمناکیں کارے، آ گْوش اَنت ما مزنیں راج دوستیں، امریکی کانگریس ءِ تہ ءَ راج دژمنیں لابی آنی شانک آنی سر ءَ سوار ایں ءُ پاکستان ءِ ھلاپ ءَ قرارداد ءِ منظوری دیگ ءَ ایں، اے کجام راج دوستی اِنت؟ پرچا آیاں مظلومیں فلسطینیانی حق ءَ قرارداد ءِ منظوری نہ رسیت؟ پرچا آ ڈاکٹر عافیہ صدیقی ءِ یلہ کنگ ءِ ھاترا امریکی مراکز ءِ نیمگ ءَ چہ منظوریں قراردادے نہ رس اَنت؟ آئی ءَ گوشت کہ ایشانی سیاست نیشنلزم ءِ بنیات ءَ انت، اگاں کسے ریاست ءِ نپ آنی گوما لیب کنت گڈا ایشی ءَ گوں سکی ءَ دیم پہ دیم بنت۔ احسن اقبال ءَ گشتگ کہ خیبر پختونخوا ءَ تحریک انصاف ءِ سرکار سک ناکام بوتگ۔ تحریک انصاف ءِ سروکی عمران خان ءَ وتی نااہلی ءِ شموشگ ءِ ھاترا کارمرز کنگ ءَ اِنت ءُ صوبہ ءِ تہا وتی انتظامی ذمہ واریانی تہا ناکام بوھگ ءَ پد نوں آ برے بے سوبیں سیاسی بیانیہ ءِ پُشت ءَ شموشگ ءِ جہد ءَ اَنت ءُ برے اسلام آباد ءِ سرا اُرش کنگ ءِ ڈرامہ جوڑ کنگ ءَ اَنت۔ منی ھیال ءَ لس مھلوک ءَ نوں تحریک انصاف ءِ بابت ءَ راستی زانتگ ءُ آ ایشاں چہ رکّینگ لوٹ اَنت۔ ایشی ءَ چہ پیسر منصوبگ بندی ءِ وفاقی وزیر ءَ کانفرنس ءَ گوں تران کنان ءَ گوشت کہ حکومت وتی نیشنل گرین پروڈکٹیوٹی 2.0 وژن ءَ را عملی رنگ ءَ سرجم کنگ ءُ ملک ءَ را پائیدار دیمروئی، ساپیں توانائی ءُ نوکیں صنعتی رجحان آنی نیمگ ءَ برگ ءِ واستہ یک جامع حکمت عملی ءِ سر ءَ کار کنگ ءَ اِنت، ایشی ءِ مول ءُ مراد ایوک ءَ نہ ایوک ءَ پاکستانی صنعت ءَ را گلوبل دوست جوڑ کنگ اِنت۔ اے وژن ءِ چیر دستی ءَ حکومت وسیلگ آناں جوانیں رنگ ءَ کارمرد کنگ، توانائی ءِ جوانیں بندوبست، کاربن ءِ کشگ ءِ تہ ءَ کمی ءُ سرکلر اکانومی ءِ دیمروئی ءِ وڑیں ھاسیں مول ءُ مراد آنی سر ءَ دلگوشی دیگ ءَ اِنت۔ وفاقی وزیر ءَ گوشت کہ قابل تجدید توانائی ءِ منصوبگ آنی دائرہ کار ءَ را ترندی ءَ گوں گیش کنگ بوھگ ءَ اِنت، صنعتی یونٹ آناں نوکیں ٹیکنالوجی ءُ توانائی ءِ بچت ءِ گیواری ءِ واستہ کمک کنگ بوھگ ءَ اِنت، حکومت سبز ہائیڈروجن، ساپیں ایندھن ءُ چاگرد دوستیں ٹیکنالوجی آنی کارمرد کنگ ءَ را ھم دیم ءَ برگ ءَ اِنت تانکہ 2019 ءَ کم کاربن ءِ ملک ءِ بنیات جوڑ کنگ بہ بیت۔ احسن اقبال ءَ گوشت کہ حکومت جندی شوبگ، اکیڈمک ادارگ، چاگردی زانتکار ءُ میاں اوستمانی گل آنی گوما ھما گامگیج جوڑ کنگ ءِ واستہ کار کنگ ءَ انت کہ ایشی ءَ چہ پاکستان ءِ صنعتی پیداوار، برآمد ءُ اقتصادی مقابلہ ءِ تہ ءَ گہتری کیت۔ آئی ءَ گوشت کہ برجمیں دیمروئی ءِ مول ءُ مراد آنی سر ءَ سر بوھگ ایوک ءَ حکومتی کوشست آنی وسیلگ ءَ ممکن نہ اِنت، بلکینگ ءَ صنعت، اکیڈمی ءُ سول سوسائٹی ءِ ھوار بوھگ ھم المی اِنت۔ آئی ءَ اے امیت ءِ درشان کت کہ گرین پروڈکٹیوٹی 2.0 ءِ چیر دستی ءَ اصلاحات ءَ چہ آیوکیں سال آنی تہ ءَ ملکی معیشت ءِ سر ءَ جوانیں اثر کپ ایت، نوکیں روزگار ءِ موہ پیداک بنت ءُ پاکستان چاگرد دوستیں دیمروئی ءِ جھان ءِ سفر ءَ جوانیں کرد پیلو کنگ ءِ اہل بیت۔ احسن اقبال ءَ توان ءِ جوانیں کارمردی ءُ نوکیں ٹیکنالوجی ءِ دیمروئی ءِ سر ءَ زور پر دات ءُ گوشت کہ موسمی بدلی ءِ چیلنج آنی گیواری ءِ واستہ جھان ءِ کوشست آنی ضلورت اِنت۔دگہ گامگیج ناگزیر انت، ورنا نسل ءَ را چاگرد دوستیں دیمروئی ءِ تہا سرگرمیں کرد پیلو کنگی انت تانکہ پاکستان آیوکیں وھد ءَ موسمیاتی رسک آنی واستہ جوانیں رنگ ءَ تیار بہ بیت۔ وفاقی وزیر ءَ گوستگیں وھد ءَ پاکستان ءَ سیلاب، زمین چنڈ ءُ ایندگر قدرتی آفت آنی سبب ءَ بوتگیں تاوان آنی سر ءَ ھم دلگوش گور کت ءُ گوشت کہ 2022ءَ تباہ کنوکیں سیلاب آنی سبب ءَ ملک ءِ معیشت ءَ را 30ارب ڈالر ءِ تاوان بوتگ۔ احسن اقبال ءَ گیش گوشت کہ اودان پاکستان منصوبگ راجی دیمروئی ءِ مرکز ءُ محور اِنت تانکہ پاکستان ءَ را نوکیں معیشت آنی لڑ آنی تہ ءَ آرگ بہ بیت۔ اودان پاکستان ءُ وژن 2030 ءِ چیر دستی ءَ ہر شوبگ ءَ نوکیں اولیت ھوار کنگ بوتگ انت۔ زانگ بہ بیت کہ اے دو روچی کانفرنس ءِ بندوبست LUMS انرجی انسٹی ٹیوٹ (LEI) ءِ نیمگ ءَ پاکستان ءِ نیشنل پروڈکٹیوٹی آرگنائزیشن (NPO) ءُ جاپان ءِ ایشیائی پیداواری آرگنائزیشن (APO) ءِ کمک ءَ کنگ بوتگ کہ ایشی ءِ تہ ءَ اے پی او ءِ باسکیں ملک آنی 80 ءَ چہ گیش درملکی نمائندہ ھوار اَنت، ھمے رنگ ءَ پاکستان ءِ سرکاری ءُ پاکستان ءِ پرائیویٹ سیکٹر1 ءِ سینئر ماہرین ءِ نمائندگی کنگ بوتگ۔ اٹلی، جاپان، تھائی لینڈ، چین ءُ پاکستان، وزارت صنعت ءُ پیداوار ءِ کارانی سروکیں سروکی، وزارت منصوبہ بندی، دیمروئی ءُ ھاسیں گامگیج، وزارت توانائی (پاور ڈویژن)، وزارت پٹرولیم ءُ وزارت موسمیاتی بدلی ءُ چاگردی ہم آہنگی ءِ تہ ءَ بھر زرتگ، وتی ھیال ءُ لیکہ ءُ تجربگاں شیئر کنگ ءَ موسمیاتی بدلی کانفرنس ءِ مول ءُ مراد صنعتی شوبگ ءَ کاربن ءِ کشگ ءَ را کم کنگ، گرین ہائیڈروجن ءِ کرد، ایشیا ءَ پائیدار وسیلگ آنی کارمردی ءَ را گیش کنگ، پائیدار دیمروئی ءِ واستہ مالیاتی ادارگ آنی ذمہ واری ءُ صنعتی پیداوار ءِ تہ ءَ گیشی ءِ واستہ چاگردی، چاگردی ءُ گورننس ءِ فریم ورک، مقابلہ ءُ برآمدات ءِ تہ ءَ گیشی کنگ بوتگ۔ کانفرنس ءِ مول ءُ مراد کار ءِ سرجم کنگ ءِ تہ ءَ دمگی کمک ءَ را مھکم کنگ، زانت ءِ تبادلہ ءَ را گیش کنگ ءُ کم کاربن ءُ پائیدار صنعتی دیمروئی ءِ نوکیں موہ آنی سر ءَ چمشانک دیگ بوتگ۔ دگہ گشتانک دیوکاں ھم کانفرنس ءَ گوں تران کت۔ گڈسرا بہر زوروکاں سوغات دات انت وھدیکہ لومس انرجی انسٹی ٹیوٹ ءِ سینئر ایڈوائزر ڈاکٹر فیاض چوہدری ءَ وفاقی وزیر ءَ را ڈھال دات۔