پاکستان وتی فلسطینی برات ءُ گہاراں ہر وڑیں سیاسی، سفارتی، انسانی ءُ اخلاقی کمک ءَ برجاہ دار ایت، فلسطین ءِ گوما یکوئی ءِ میاں اوستمانی روچ ءِ سر ءَ صدر آصف علی زرداری ءِ کلوہ

اسلام آباد۔29نومبر  (اے پی پی): صدر ءِ مملکت آصف علی زرداری ءَ گوشت کہ پاکستان ءِ وھد ءَ چہ فلسطین ءِ راج ءِ گوما مھکمیں رنگ ءَ اوشتاتگ۔ مئے فلسطینیانی حمایت انسانیت، انصاف ءُ برابری ءِ بنیاتی ارزشتانی سرا انت۔ پاکستان ءُ فلسطین ءِ الس ءِ نیام ءَ مہر، احترام ءُ براتی ءِ سیادی است انت۔ گران تریں جاوراں ھم پاکستانی راج ءَ مدام وتی فلسطینی برات ءُ گھارانی کمک کتگ۔ صدر ءِ مملکت ءِ پریس ونگ ءِ رد ءَ صدر ءَ فلسطین ءِ گوما یکوئی ءِ میاں اوستمانی روچ ءِ سر ءَ وتی کلوہ ءِ تہ ءَ گوشت کہ فلسطین ءِ حمایت پاکستان ءِ پجار ءِ بھر بوتگ، پاکستان ءِ جوڑ بوھگ ءَ چہ ھپت سال پیسر ھم 1940 ءِ لاہور قرارداد ءَ فلسطین ءِ وت مہ وتی ءِ ھک ءِ ھاسیں حمایت ھوار بوتگ۔ آئی ءَ گوشت کہ مرچی فلسطین ءِ گوما یکوئی ءِ میاں اوستمانی روچ ءِ موہ ءَ من فلسطین ءِ دلبندیں راج ءَ را دل ءِ جہلانکی ءَ سلام پیش کن آں ایشاں بے دروریں دلیری، مھکمی ءُ بے دروریں جزم ءِ گوما راجدپتر ءِ یک بابے نبشتہ کتگ۔ صدر ءِ مملکت ءَ گوشت کہ پاکستان فلسطین ءِ گوما وتی دیریں ءُ براتی سیادی ءَ را سک باز ارزشت ءَ دنت ۔ صدر آصف علی زرداری ءَ گوشت کہ پاکستان ءَ غزہ ءَ اسرائیل ءِ قبضہ فوج ءِ ظلم ءُ زوراکی آنی مذمت سک باز کتگ ءُ ھمک میاں اوستمانی دیوان ءَ فلسطینی آنی واستہ وتی توار چست کتگ۔ ما مدام زوت ءُ دائمی جنگ بندی، انسانی کمک ءِ بے رکاوٹیں دسترس، شہری آنی رکھینگ ءُ اسرائیل ءِ جنگی جرم آنی سرجمیں احتساب ءِ لوٹ کنگ ءَ بوتگیں ۔ آئی ءَ گوشت کہ پاکستان فلسطینی الس ءِ بنیاتی ءُ ناگزیریں ھک آنی واستہ اقوام متحدہ، او آئی سی، آئی سی جے ءُ ایندگر میاں اوستمانی دیوان آنی تہ ءَ مدام سرگرم بوتگ۔ صدر ءِ مملکت ءَ گوشت کہ غزہ ءِ امن معاہدے ءِ تہ ءَ پاکستان ءَ ھم جوانیں ءُ جوڑیشت ءِ کرد پیلو کتگ، اے امیت ءِ گوما کہ اسرائیل ءِ زلم ءُ زوراکی ءَ چہ فلسطین ءِ الس ءِ سر ءَ بوتگیں ناقابل تصوریں تکلیف آناں ھلاس کنگ بوت کنت۔ آئی ءَ گوشت کہ پاکستان وتی فلسطینی برات ءُ گھار آناں ھمک رنگ ءِ سیاسی، سفارتی، انسانی ءُ اخلاقی کمک ءَ برجاہ دار ایت۔ ما وتی موقف ءَ پدا پدر کنیں کہ فلسطین ءَ را جون 1967 ءَ پیسر ءِ سیمسر ءِ رد ءَ یک آجوئیں، وت واجہ ءُ مھکمیں ریاستے ءِ بستار ءَ جوڑ کنگ بہ بیت کہ آئی ءِ دارالحکومت القدس الشریف بہ بیت۔ صدر ءِ مملکت ءَ دعا کت کہ فلسطینی اُلس ءِ جہد ءُ دلیری ءَ چہ اُلس ءِ وابیں روح ءَ را آگاہ بہ کنت ءُ انصاف ءُ امن ءِ جہد ءِ نیمگ ءَ برگ بہ بیت۔ آئی ءَ گوشت کہ اے منی دل ءِ واھشت ھم انت کہ یک روچے من ءَ وتی فلسطینی برات ءُ گہار آنی گوما مسیت الاقصیٰ ءَ نماز وانگ ءِ شرپ رس ایت۔