مزن وزیر ءَ بحرین ءِ سرمایہ کار آناں معدنیات، قابل تجدید توانائی ءُ ایندگر شوبگ آنی تہ ءَ سرمایہ کاری ءِ دعوت داتگ، درائی کارانی کارگس

اسلام آباد۔28نومبر  (اے پی پی): درئی کارانی کارگس ءِ جارکش طاہر حسن اندرابی ءَ گوشت کہ مزن وزیر ءَ بحرین ءِ سرمایہ کار آناں پاکستان ءُ بحرین ءِ نیام ءَ گیش اقتصادی کمک ءِ واستہ فوڈ سیکیورٹی، آئی ٹی، تعمیراتی، کان کنی ءُ کان کنگ، جان سلامتی، قابل تجدید توانائی ءُ انفراسٹرکچر ءِ شوبگ آنی تہ ءَ سرمایہ کاری ءِ دعوت داتگ۔ جمعہ ءِ روچ ءَ ادا ہفتگی پریس بریفنگ ءَ گوں تران کنان ءَ دری کارانی کارگس ءِ جارکش ءَ گوشت کہ مزن وزیر ءَ 26ءَ چہ 27نومبر ءَ بحرین ءِ سرکاری تر ءُ تاب کتگ آئی ءَ گوشت کہ مزن وزیر ءَ بحرین ءِ ولی عہد سلمان بن حمد الخلیفہ ءَ گوں ھم گند ءُ نند کتگ۔ مزن وزیر ءَ دو نیمگی تجارت ءَ را گیش کنگ ءِ امکانات آنی سر ءَ زور پر دات کہ اے وھد ءَ 550 ملین ڈالر ءَ چہ گیش اِنت ءُ آیوکیں سئے سال آنی تہ ءَ یک ارب ڈالر ءَ سر بہ بیت۔ جارکش ءَ گوشت کہ تر ءُ تاب ءِ ساھت ءَ مزن وزیر ءِ ھمراھی ءَ نائب مزن وزیر سر محمد اسحاق ڈار ءَ بحرین ءِ ھزانگ ءُ راجی معیشت ءِ وزیر شیخ سلمان بن خلیفہ الخلیفہ ءَ گوں گند ءُ نند کت۔