روس ءِ ھال رسانکی ادارگ ”روسیا سیگودنیا“ ءِ میان استمانی کمک ءِ ڈائریکٹر ویسیلی پیشکوف ءِ سروکی ءَ مزن تک ءِ ڈل ءَ اے پی پی ءِ بنجاھی کارگس ءِ تر ءُ تاب کتگ، ایم ڈی اے پی پی محمد عاصم کھچی ءَ ڈل ءِ وش آتک کتگ

اسلام آباد۔ 28 نومبر (اے پی پی): روس ءِ ھال رسانکی ادارگ ”روسیہ سیگودنیا“ ءِ میاں اوستمانی کمک ءِ ڈائریکٹر یسیلی پیشکوف ءِ سروکی ءَ مزنیں تک ءِ ڈل ءَ جمعہ ءِ روچ ءَ ایسوسی ایٹڈ پریس آف پاکستان ءِ بنجاہی کارگس ءِ تر ءُ تاب کتگ۔ ڈل ءِ ہمراہی ءَ روسی سفارتخانہ ءِ پریس اتاشی ایگور کولیسنیکوف ہم بوتگ ات کہ آئی ءَ را اے پی پی ءِ منیجنگ ڈائریکٹر محمد عاصم کھچی ءُ ایگزیکٹو ڈائریکٹر جنرل ایکسٹرنل پبلسٹی ونگ رئیسہ عادل ءَ وش آتک کتگ ات۔ گند ءُ نند ءِ ساھت ءَ ایم ڈی محمد عاصم کھچی ءَ اے پی پی ءِ کارانی بابت ءَ ڈل ءَ را سرپد کت ءُ ایجنسی ءِ کارانی سر ءَ دستاویزی فلم پیش داشت کہ ایشی ءَ را روسی ڈل ءِ نیمگ ءَ سک باز ساڑاھگ بوت۔ دوئیں ادارگ آنی نیمگ ءَ دستخط ءِ مراگش ءَ اے پی پی ءُ سپوتنک نیوز ایجنسی ءِ نیام ءَ راجدپتری تپاک نامہ ءِ سر ءَ دستخط کنگ بوتگ ایشی ءَ چہ میڈیا ءِ پڑ ءَ کمک ءِ راہ پچ بیت۔ اے پی پی ءِ کار آنی تہ ءَ سک باز دلگوشی ءِ درشان کنان ءَ پشکوف ءَ نجی میڈیا ءَ ھوار میڈیا ءِ شوبگ ءَ دوئیں ملک آنی نیام ءَ کمک ءَ را گیش کنگ ءِ وعدہ کتگ تانکہ دوئیں ملک گیش فائدگ مندیں شریکداری جوڑ بہ کن اَنت۔ آئی ءَ ریڈیو، زیمل، دود ءُ ربیدگ، آرٹ، لبزانک ءُ راجی سیادی ءِ پڑ ءَ کمک ءِ امکانات آنی سر ءَ ھم زور پر دات۔ آئی ءَ گوشت کہ پاکستان سکیں مہمان نوازیں ملکے ایشی ءِ تہ ءَ بوھگ ءَ چہ وشی ءِ گپ انت۔ ایم ڈی اے پی پی محمد عاصم کھچی ءَ اے پی پی ءِ سیادی داروکیں شوبگ آنی تہ ءَ کمک ءِ ڈل ءَ را دل یکیمی دات ءُ میڈیا ءِ شوبگ ءَ کمک ءَ را گیش کنگ ءِ واستہ وتی جزم ءِ درشان کت۔ دیوان ءِ تہ ءَ کمک ءِ شوبگ آنی سر ءَ گپ ءُ تران کنگ بوت کہ ایشی ءِ تہ ءَ وزارت ءِ اھوالکاری ءِ کارندہ ءُ نجی رسانکدر ءِ نمائندگ ھم بھر زوری کنگ بوت اَنت۔ اے تر ءُ تاب پاکستان ءُ روس ءِ نیام ءَ میڈیا ءِ سیادی ءَ را مھکم کنگ ءِ نیمگ ءَ یک ھاسیں سنگ میل ءِ انت، ایشی ءِ تہ ءَ پریک آں میڈیا ءَ ھوار ایندگر شوبگ آنی تہ ءَ کمک ءَ را گیش کنگ ءِ واستہ وتی جزم ءِ درشان کت۔