نائب مزن وزیر ءُ وزیر ءِ درئی کار ءُ سٹیئرنگ کمیٹی ءِ چیئرمین سینیٹر محمد اسحاق ڈار ءَ ایس ڈی جیز اچیومنٹ پروگرام (ایس اے پی) ءِ 49می دیوان ءِ سروکی

اسلام آباد۔28نومبر  (اے پی پی): نائب مزن وزیر ءُ وزیر ءِ درئی کار ءُ سٹیئرنگ کمیٹی ءِ چیئرمین سینیٹر محمد اسحاق ڈار ءِ سروکی ءَ ایس ڈی جیز اچیومنٹ پروگرام (ایس اے پی) ءِ 49می دیوان ءَ پروگرام ءِ جتا جتائیں جیڈھ آنی سر ءَ چار ءُ تپاسی کنگ بوت ءُ ھاسیں پیسلہ کنگ بوت۔ جمعہ ءِ روچ ءَ درئی کارانی کارگس ءِ نیمگ ءَ چہ جاڑی بوتگیں بیان ءِ رد ءَ نائب مزن وزیر سینیٹر اسحاق ڈار ءَ دیوان ءَ گوں تران کنان ءَ بنجاھی چاگرد آنی سرجمیں بھر زوری ءَ را المی لیک اتگ ءُ گوشت کہ اولویت ءِ بنیاتی ڈھانچہ ءِ منصوبگ آناں الس ءِ شور ءُ سلاھ ءِ وسیلگ ءَ پجارینگ بہ بیت۔ آئی ءَ اے گپ ءِ سر ءَ زور پر دات کہ ایس اے پی ءِ فنڈز ءَ را سرجمیں شفافیت ءِ گوما السی وشھالی ءِ واستہ کارمرد کنگ بہ بیت تانکہ دیمروئی ءِ کار آنی میوہ براہ راست عام شہری آناں سر بہ بنت۔ اے موہ ءِ سر ءَ وفاقی وزیر برائے منصوبگ بندی، بین صوبائی ہم آہنگی (آئی پی سی)، مذہبی کار، پارلیمانی کار، مزن وزیر ءِ ھاسیں کمکار، کابینہ سیکرٹری، ایچ آر ڈی سیکرٹری ءُ صوبائی حکومت آنی نمائندگ ھم ھوار اتنت۔