دمگی امن ، دیمروئی ءُ وشھالی ءِ ھاترا ناشرکاری مستریں رکاوٹ اِنت، اقتصادی کمک ءِ گل ءَ را گیش مھکم کنگ ءِ ضلورت اِنت، نائب مزن وزیر سینیٹر اسحاق ڈار

اسلام آباد۔28نومبر  (اے پی پی): نائب مزن وزیر ءُ درئی کارانی وزیر سینیٹر اسحاق ڈار ءَ گوشت کہ دمگی امن، دیمروئی ءُ وشھالی ءِ ھاترا ناشرکاری ءِ مستریں اڑاند انت۔ ناشرکاری ءِ گوما موسمیاتی بدلی ھم دمگی ھمگرنچی ءِ واستہ یک مشترکہ چیلنج اِنت۔ اے پیسر ءَ چہ گیش المی اِنت کہ یکجائی رنگ ءَ مشترکہ چیلنج آنی دیم ءَ دارگ بہ بیت، اقتصادی فرق ءَ را پُل کنگ بہ بیت ءُ مشترکہ وشھالی ءِ امکانات آناں پچ کنگ بہ بیت۔ مارا اقتصادی کمک ءِ گل ءَ را گیش مھکم کنگ لوٹ ایت تانکہ اے مول ءُ مراد سرجم بہ بنت۔ درئی کارانی کارگس ءِ جارکش ءِ نیمگ ءَ جاڑی بوتگیں پریس ریلیز ءِ رد ءَ نائب مزن وزیر ءُ دری کارانی وزیر اسحاق ڈار ءَ اقتصادی کمکی گل ءِ وزیرانی کونسل ءِ 29می دیوان ءِ ورچوئل بھر زوری ءِ موہ ءَ وتی بیان ءِ تہ ءَ اے ھیالانی درشانی کتگ۔ آئی ءَ جمہوریہ قازقستان ءِ درئی کارانی وزیر ، اقتصادی کمک ءِ گل ءِ وزیرانی شورا ءِ انوگیں سروک ، دری کارانی وزیر یرمک کوچاربایف ، ءُ جمہوریہ اسلامی ایران ءِ درئی کارانی وزیر ، کونسل ءِ اقتصادی کمک ءِ پیسریگیں سروک ( وزیر ءِ درئی کار سید عباس اراغچی، ایکو ءِ سیکرٹری جنرل، سفیر ڈاکٹر اسد مجید خان ءَ وزیرانی کونسل ءِ سوبمندیں 29می دیوان ءِ میزبانی ءِ سر ءَ یرمک کوچاربایف ءَ را جمہوریہ قازقستان ءِ درئی کارانی وزارت ءِ پورٹ فولیو ءِ زمہ واری ءِ سر ءَ مبارکی دات۔ نائب مزن وزیر ءُ وزیر ءِ درئی کار ءَ گوشت کہ ما قازقستان ءِ صدارت ءِ وھد ءَ ایکو ءِ کرد ءَ را ارزشت دئیں۔ اسحاق ڈار ءَ گوشت کہ اے گند ءُ نند ءَ ترندی ءَ گوں بدل بوھوکیں گلوبل ءُ دمگی جیوپولیٹکل بدلی ءُ ٹیکنالوجی ءِ دیمروئی ءِ تہ ءَ بوھگ ءَ انت ایشی ءَ چہ دمگی کمک ءَ را تاوان رسیت۔ مرچیگیں غیر یقینی دنیا ءِ تہا، اے پیسر ءَ چہ گیش المی انت کہ یکجائی ءَ مشترکہ چیلنج آناں گیش ءُ گیوار کنگ بہ بیت، معاشی فرق ءَ را پُل کنگ بہ بیت ءُ مشترکہ وشحالی ءِ صلاحیت ءَ را پچ کنگ بہ بیت۔ اے رد ءَ مارا اقتصادی کمک ءِ گل ءَ را گیش مھکم کنگ لوٹ ایت تانکہ آ وتی مول ءُ مراد آناں پیلو بہ کنت۔ اسحاق ڈار ءَ گوشت کہ اقتصادی کمک ءِ گل ءِ دمگ ءَ وتی مزنیں جغرافیائی دمگ ءُ طبیعی وسیلگ آنی سبب ءَ تجارت ءُ اقتصادی نظام آنی یکجا کنگ ءِ واستہ مزنیں موہ است انت۔ پاکستان یک بانی باسک ءِ بستار ءَ اقتصادی کمکی گل ءَ را یک کارآمدیں پلیٹ فارم ءِ لیک ایت کہ ایشی ءِ تہ ءَ کثیر جہتی ھوار بوھگ ءِ وسیلگ ءَ باسکیں ملک آنی نیام ءَ سیادی ءَ را گیش مھکم کنگ بیت۔ ایکو وژن 2025 ءِ ھاترا پاکستان یکجاھیں ءُ کارآمدیں ٹرانسپورٹ ءِ راہ آنی وسیلگ ءَ دمگی رابطہ ءِ مول ءُ مراد آناں دیم ءَ برگ ءِ ھاترا وتی کوشست آنی تہ ءَ مھکم اِنت۔ آئی ءَ گوشت کہ بیست ءُ نومی ایکو کام ءِ بنجاہی بنگپ ’’ دمگی ٹرانسپورٹ ءِ ھمگرنچی ءُ برجمیں دیمروئی ءَ را دیم ءَ برگ‘‘ وھد ءِ سر ءَ گامگیج کنگ ءُ ایکو ءِ وژن ءِ رد ءَ اِنت۔ نائب مزن وزیر ءُ دری کارانی وزیر اسحاق ڈار ءَ گوشت کہ پاکستان ءَ ملٹی موڈل ٹرانسپورٹ ءِ راہ آناں وتی دیمروئی ءِ حکمت عملی ءِ مرکز جوڑ کتگ۔ آئی ئَ گوشت کہ اے رنگیں روٹ مئے راجی دیمروئی ئِ یک ھاسیں استون اَنت ایش خطہ ئِ اندر ئَ دمگی یکجاھی ئِ بنیات اَنت ایشی ئِ تہ ئَ سڑک، ریل، دریائی، ھوائی ئُُ ایندگر نیٹ ورک ھوار اَنت۔ آئی ءَ گوشت کہ راجی ٹرانسپورٹ پالیشی ءِ رد ءَ ما فریم ورک آناں نوک جوڑ کنگ ءَ آں، کسٹم ءِ کارروائی آناں ھمگرنچ کنگ ءَ آں ءُ ٹی آئی آر سسٹم ءَ ھوار میاں اوستمانی ٹرانسپورٹ کنونشن آناں منگ ءَ آں تانکہ پاکستان ءُ ایکو ءِ ایندگر باسکیں ملک آنی نیام ءَ سامان ءُ مردم آنی روگ ءُ آیگ ءَ را ھچ وڑیں رکاوٹ ءِ رد ءَ برجاہ بہ بیت۔ اسحاق ڈار ءَ گوشت کہ پاکستان وتی ٹرانسپورٹ ءِ نظام ءَ را ایکو ءِ ایندگر باسکیں ملک آنی گوما ھمگرنچ کنگ ءَ انت تانکہ ھمگرنچیں دمگی یکوئی ءَ را دل یکیمی کنگ بہ بیت۔ نائب مزن وزیر ءُ درئی کارانی وزیر ءَ گوشت کہ ما اسلام آباد تہران ءُ استنبول ریل راہداری ءَ را سرجمی ءَ کار کنگ ءِ واھشت مند ایں ءُ ایشی ءِ زوتیں زندگ بوھگ ءِ واستہ ایران ءُ ترکی ءِ گوما کار کنگ ءَ ایں، ما یوریشیائی ملٹی موڈل ءَ ھم ھوار بوتگیں کہ مئے بندرگاہاں یوریشین ہارٹ لینڈ ءِ یوریشین ہارٹ لینڈ ءِ روٹاں گوں ھمگرنچ کنگ ءَ اِنت ءُ ما ھم چہ ازبکستان ءَ چہ اوگانستان ءَ پاکستان ءَ روگ ءَ انت کہ ایشی ءَ چہ میاں اوستمانی دمگ ءَ را سک باز لوٹوکیں ٹرانزٹ ءِ موہ رس ایت ءُ دیمروئی ءُ دمگی استحکام ءَ را گیش کنگ بیت۔ مزن وزیر ءَ گوشت کہ انچوش کہ شما شری ءَ سرپد اِت، دمگی ٹرانسپورٹ ءِ وزیر آنی کانفرنس اکتوبر 2025ءَ اسلام آباد ءَ برجم دارگ بوتگ ات۔ایکو سیکرٹریٹ ءَ ھوار دو درجن ءَ چہ گیش ملک ءُ مزنیں میاں اوستمانی ادارگ آنی وزیر ءُ مزنیں کارندہ یکجا بوتگ اَنت ءُ ایشی ءِ تہ ءَ دمگی ٹرانسپورٹ ءِ وزیر آنی کانفرنس ”  اے کانفرنس ءَ مارا حکمت عملی جوڑ کنگ، اولویت ءِ راہ آنی پجارینگ ءُ سڑک، ریل، میری ٹائم ءُ ڈیجیٹل ٹرانسپورٹ ءِ نظام ءِ تہ ءَ کمک ءَ را مھکم کنگ ءِ اہل کت۔ آئی ءَ پاکستان ءِ کرد ءَ را یک پُل ءِ بستار ءَ مھکم کت کہ آ جنوبی ایشیا، میاں اوستمانی ایشیا، میاں اوستمانی ءُ چین ءَ را یکجا کنت۔ رابطہ کاری مارا یک موہ یے دنت کہ ما وتی جغرافیائی جاہ ءَ را سرجمیں دمگ ءِ دیمروئی ءِ موٹر ءَ بدل بہ کنیں۔ نائب مزن وزیر ءُ دری کارانی وزیر اسحاق ڈار ءَ گوشت کہ من ءَ را شمئے ھال دیگ ءَ وشی اِنت کہ 14اگست 2024 ءَ چہ پاکستان ءَ 126 ملک آنی واستہ کاروبار ءُ سیل ءُ سواد ءِ مول ءُ مراد آنی واستہ ’’ویزا آن ارائیول‘‘ ءِ نظام ءِ بندات کنگ ءَ لبرل ویزہ پالیشی ءِ سر ءَ عمل درآمد کتگ۔ نتیجہ ءِ تہا مئے دمگی شریک آنی تاجر، کارکن ءُ سیل ءُ سواد کنوک اے آسراتی ءَ چہ نپ چست کنگ ءَ انت کہ اے مئے مردم آنی نیام ءَ رابطہ ءِ عزم ءِ درشان انت۔ نائب مزن وزیر ءُ درئی کارانی وزیر اسحاق ڈار ءَ گوشت کہ برز ءَ ھواریں کوشست آنی باوجود ما درستاں اے گپ ءِ منگ لوٹ ایت کہ ایکو ءِ دمگ ءِ ملک آنی نیام ءَ ٹرانسپورٹ ءُ ٹرانزٹ ءِ تجارت ءِ برجائی ءَ را گہتر کنگ ءِ واستہ انگت ءَ مزنیں توانائی است انت۔ مئے دمگ ءِ زبردستیں توانائی ءَ را سرجمی ءَ کارمرز کنگ ءِ ھاترا مارا اے چاریں کلیدی پڑ آنی تہ ءَ کمک ءَ را گیش کنگ لوٹ ایت: ٹرانزٹ ٹرانسپورٹ فریم ورک ایگریمنٹ (ٹی ٹی ایف اے) ءِ سرجمیں نفاذ، یک ھمگرنچیں کثیر موڈل ٹرانسپورٹ نیٹ ورک ءِ دیمروئی، گمرک ءُ سیمسر ءِ رھبند آناں سادہ ءُ ھمگرنچ کنگ ءِ وسیلگ ءَ ٹرانزٹ ٹرانسپورٹ ءِ نظام ءِ دیمروئی ءُ ٹیکنالوجی ءِ ٹرانسفر ءِ نظام ءِ تہ ءَ دیمروئی کنگ۔ آئی ءَ گوشت کہ مئے میاں اوستمانی چاگردی ذمہ واری آنی گوما۔ نائب مزن وزیر ءَ گوشت کہ پاکستان نوکیں سب میرین کیبل سسٹم ءِ کارمرد کنگ ءَ گوں وتی ڈیجیٹل کنکٹیویٹی ءَ را مھکم کنگ ءِ واستہ جزمیگ اِنت ایشی ءِ چیر دستی ءَ پاکستان ءَ را کل ءَ 13.2 ٹی بی پی ایس بینڈوڈتھ ایر کنگ بوتگ ایشی ءَ چہ کلاؤڈ سروسز، ڈیٹا سینٹر، فن ٹیک، ای کامرس ءُ ایکنومائیڈر وائی اسٹریمنگ ءِ واستہ کمک ءَ را گیش کنگ بوھگ ءَ اِنت۔ ما ڈیجیٹل راہ ءِ دیمروئی ءِ وسیلگ ءَ اے گامگیج ءِ آسراتی ءَ را ایکو ءِ دگہ باسکیں ملک آنی گوما بھر ءُ بانگ کنگ ءِ واستہ تیار ایں ۔ آئی ءَ گوشت کہ دمگی رابطہ ءِ واب ءِ پیلو کنگ ءِ واستہ امن ءُ ایمنی ءِ چاگرد ءِ جوڑ کنگ المی انت۔ دمگی اتصال ءِ ایکو وژن ءِ ھاتر ءَ مئے دمگ ءِ دیم ءَ اوشتاتگیں سنگینیں سیکورٹی چیلنج آناں گیش ءُ گیوار کنگ ءِ ھاتر ءَ باسکیں ملک آنی اجتماعی کوشست لوٹ ایت۔ ایکو ءِ باسکیں ملک آناں دمگ ءَ اقتصادی کمک ءِ واستہ مھکمیں بُن ھشت ایر کنگ ءِ واستہ ناشرکاری ءِ ھلاپ ءَ یکجاھیں رنگ ءَ جنگ کنگی اِنت۔ آئی ءَ گوشت کہ اے یکجائی ھترہ ءَ را جوانیں رنگ ءَ گیش ءُ گیوار کنگ ءَ ابید مئے بے رکاوٹیں دمگی رابطہ کاری ءِ واب یک چیلنج ءِ رنگ ءَ مانیت۔ اسحاق ڈار ءَ گوشت کہ دمگی امن، دیمروئی ءُ وشھالی ءِ ھاترا ناشرکاری مستریں اڑاند انت۔ ناشرکاری ءِ گوما موسمیاتی بدلی ھم دمگی یکجاھی ءِ واستہ یک مشترکہ چیلنج اِنت۔ نائب مزن وزیر ءُ دری کارانی وزیر ءَ گوشت کہ مارا سبزیں بنیاتی ڈھانچگ ءِ تہ ءَ سرمایہ کاری، زوتیں ھال ءِ نظام ءَ را گہتر کنگ ءُ دمگی موسمی بدلی ءِ رد ءَ ردوم ءِ حکمت عملی ءَ را دیمروئی دیگ ءَ چہ موسمیاتی لچک ءَ را وتی اقتصادی کمک ءِ نظام ءَ را یکجا کنگ لوٹ ایت کہ مئے یکجائی آیوکیں وھد ءِ واستہ کمکی انت۔ آئی ءَ گڈسرا یک رندے پدا درستیں باسکیں ملک آنی منت گپت کہ آ لاہور ءَ را سال 2027 ءِ واستہ سی اور ٹورازم  سیل ءُ سواد ءِ دارالحکومت ءِ جار جنگ ءَ پاکستان ءِ کمک ءَ کن اَنت ءُ گوشت کہ من شمارا دل یکیمی کن آں کہ پاکستان ءِ دود ءُ ربیدگ ءِ دل لاہور مئے تر ءُ تاب ءَ آیوکیں درستیں مہمان آناں گرمیں رنگ ءَ وش آتک کنت۔ آئی ءَ درستیں بھر زوروک آناں تر ءُ تاب ءِ واستہ گرمیں دعوت ھم دات ءُ گوشت کہ ما آیوکیں سال ءَ 30می ایکو کام دیوان ءِ واستہ شمئے درستاں پاکستان ءَ وش آتک کنگ ءِ ودار ءَ ایں ۔ بیا اِت کہ ما یکجاہ بہ بئیں کہ درستیں چیلنج آنی سر ءَ چہ دیم ءَ بہ کپیں ءُ وتی سرجمیں دمگ ءُ چہ ایشی ءَ دریں دمگ آنی واستہ امن، دیمروئی ءُ وشھالی ءِ جوانیں آیوکیں وھد ءِ جوڑ بہ کن ایں ۔