معاون مزن وزیر ءُ دری کارانی وزیر سینیٹر محمد اسحاق ڈار ءَ گوں انٹرنیشنل فیڈریشن آف اکاؤنٹنٹس ءِ صدر ژاں بوکو ءَ گند ءُ نند

اسلام آباد۔28نومبر  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ انٹرنیشنل فیڈریشن آف اکاؤنٹنٹس ءِ صدر ژاں  بوکو ءَ گوں گند ءُ نند ءِ ساھت ءَ مالیاتی انتظامی، شفافیت ءُ موثر اقتصادی پالیشی سازی ءِ دیمروئی ءِ تہ اکاؤنٹنس ءِ شوبگ ءِ کلیدی کرد ءِ سر ءَ زور پر دات۔ جمعہ ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر اسحاق ڈار ءَ جین کلاڈ بوکیٹ ءِ پاکستان ءَ آیگ ءِ سر ءَ وش آتک کتگ ءُ گوشت کہ پاکستان ءَ را نوکیں جھان ءِ لوٹ آنی گوما گر ءُ چیل بوھگ ءِ واستہ پیشہ وارانہ مہارت آنی یک مھکمیں نظام ءِ ضلورت اِنت ھاسیں رنگ ءَ آرٹیفیشل انٹیلی جنس ءِ سر ءَ بنیات ءَ بوھوکیں ترندیں بدلی آنی ضلورت اِنت۔ آئی ءَ جنوبی ایشیائی فیڈریشن آف اکاؤنٹنٹس ءِ ازمت آناں ساڑات ءُ آڈٹ ءِ معیار ءَ را گہتر کنگ، کسان ءُ میاں اوستمانی ادارگ آناں کمک کنگ ءُ اخلاقی ءُ پائیدار رپورٹنگ ءِ دیمروئی ءِ واستہ آئی اے ایف سی ءِ گوما برجاھیں کمک ءَ را وش اتک کت۔ آئی ءَ اے گپ ءِ سر ءَ ھم زور پر دات کہ نوکیں جھان ءِ سٹینڈرڈ ءُ ٹیکنالوجی ءِ بدلی ءِ واستہ پاکستانی ماہرین آناں تیار کنگ وھد ءِ ضلورت اِنت، ایشی ءِ واستہ آئی ایف اے سی ءِ گوما شریکداری ءَ را گیش مھکم کنگ بیت۔