نائب  مزن وزیر سینیٹر  محمد اسحاق ڈار ءَ 29می ایکو ءِ وزیرانی کونسل ءِ دیوان ءَ مجازی رنگ ءَ بہر زرتگ

اسلام آباد۔28نومبر  (اے پی پی): جمعہ ءِ روچ ءَ لس  رنگ ءَ برجم داشتگیں 29می ایکو کونسل ءِ وزیرانی دیوان ءَ نائب مزن وزیر ءُ درئی کارانی وزیر ایس محمد اسحاق ڈار ءَ بھر زوری کت۔ نائب مزن وزیر ءَ وتی گشتانک ءِ تہ ءَ قازقستان ءِ درئی کارانی وزیر یرمک کوشربایف ءَ را ایکو کونسل آف منسٹرز ءِ دیوان ءِ سوبمندیں میزبانی ءِ سر ءَ مبارکی دات۔ آئی ءَ جمہوریہ اسلامی ایران ءِ دری کارانی وزیر صدر عباس اراقچی ءُ ایکو ءِ سیکرٹری جنرل ڈاکٹر اسد مجدی خان ءِ کمک ءَ را ھم ساڑات کہ ایکو ءِ ایجنڈا ءَ را دیم ءَ برگ ءَ انت۔ درئی کارانی کارگس ءِ رد ءَ نائب مزن وزیر ءَ دمگی کمک ءِ ارزشت ءَ را پدر کنان ءَ وشھالی ، اقتصادی یکوئی ءُ رابطہ کاری ءِ دیمروئی ءِ واستہ ایکو ءِ ھاسیں کرد ءِ ذکر کت ، ایکو وژن 2025 ءِ واستہ پاکستان ءِ جزم ءِ سر ءَ یک رندے پدا گوشت ءُ پاکستان ءِ ارادہ ءِ درشان کت کہ آ پاکستان ءِ ارادہ ءِ درشانی کت کہ آ 2020 ءِ تہ ءَ باسکیں ملک آنی گوما گڈی رنگ ءَ کار بہ کنت۔ ایکو ءِ وزیرانی کونسل ءِ آیوکیں چیئرمین ءِ نام ءَ زانگ بیت۔ نائب مزن وزیر ءَ ملٹی موڈل ٹرانسپورٹ راہداری آناں مھکم کنگ، کسٹم فریم ورک ءِ ھمگرنچ کنگ ءُ دمگی یکجاھی ءِ واستہ ٹرانسپورٹ ءِ نظام ءَ را ھمگرنچ کنگ ءِ واستہ پاکستان ءِ اولویت ءِ سر ءَ زور پر دات۔ آئی ءَ اسلام آباد تہران استنبول ریل راہداری، یورانتر ملٹی موڈل راہداری ءُ اوگانستان ءِ وسیلگ ءَ میاں اوستمانی ایشیا ءَ را پاکستان ءَ گوں یکجا کنوکیں نوکیں ریلوے گامگیج آنی وڑیں کلیدی دمگی رابطہ منصوبگ آناں سرجمی ءَ کارمرد کنگ ءِ پاکستان ءِ جزم ءِ سر ءَ زور پر دات۔ اکتوبر 2025 ءَ اسلام آباد ءَ برجم دارگ بوھوکیں گوستگیں دمگی ٹرانسپورٹ ءِ وزیر آنی کانفرنس ءِ حوالہ ءَ آئی ءَ گوشت کہ پاکستان سڑک، ریل، میری ٹائم ءُ ڈیٹا کنکٹیویٹی ءِ تہ ءَ دمگی ٹرانسپورٹ ءِ کمک ءَ را سرگرمیں رنگ ءَ دیمروئی دیگ ءَ اِنت۔ آئی ءَ پاکستان ءِ لبرل ویزا پالیشی ءِ سر ءَ ھم زور پر دات کہ ایشی ءِ تہ ءَ 126 ملک آنی تاجر ءُ سرمایہ کار آناں آسانی ءَ گوں رسگ ءِ موہ رس ایت۔ نائب مزن وزیر ءَ گوشت کہ باسکیں ملک آناں پائیدار ٹرانسپورٹ، ٹرانزٹ ٹریڈ، کسٹم ءِ ھمگرنچی ءُ موسمی مٹ ءُ بدلی ءِ انفراسٹرکچر ءِ تہ ءَ کمک ءَ را گیش کنگ ءِ ضلورت اِنت۔ آئی ءَ ناشرکاری ءِ ھلاپ ءَ جنگ ءِ واستہ یکجائی کوشست کنگ ءِ لوٹ کتگ کہ ایشی ءَ چہ دمگی اقتصادی دیمروئی ءَ را ھترہ اِنت۔ آئی ءَ لاہور ءَ را ایکو ٹورزم کیپیٹل 2027 ءِ رنگ ءَ نامینگ ءِ واستہ باسکیں ملک آنی منت گپت ءُ ایکو ءِ باسک آناں آیوکیں سال ءَ پاکستان ءَ برجم دارگ بوھوکیں سیمی ایکو کونسل آف منسٹرز ءِ دیوان ءَ بھر زوری ءِ دعوت دات۔