صدر آصف علی زرداری نا سری لنکا ٹی نوکاپ و لینڈ سلائیڈنگ آن نہادی جون تا زیان آ است ہسونی نا درشان

اسلام آباد۔ 28 نومبر (اے پی پی) صدر مملکت آصف علی زرداری سری لنکاٹی ترند پِرانا سوب بروک آ نوکاپ و لینڈ سلائیڈنگ آن نہادی جون تا زیان و ماڑی تے ملوک آ نسخان آ ڈکھیائی وا ست ہسونی نا درشانی ءِ کرینے۔ جمعہ نادے آ ایوان صدر پریس ونگ آن جاری بیان نا رداٹ صدر مملکت کہوک آتا خاہوت آتون ہمدردی و زہمی الس تون یکجہتی نا درشانی ءِ کرے۔ اوپارے کہ پاکستان دامشکل ساہت اٹی سری لنکا نا الس تون سلوک ءِ۔ صدر مملکت پارے کہ موسمیاتی بدلی اسہ ناقابلِ تردید حقیقت اسے ہرا گلوبل ساؤتھ نا ملک آتے زیات زہمی کننگ ءِ، باوجودا دانا کہ دابدلی ٹی اوفتا کڑد نسبتاََ کم ءِ۔ صدر مملکت پارے کہ پاکستان تینٹ موسمیاتی بدلی تا سنگین اثرآتون مون تننگ ءِ و دارداٹ زہمی ملک آتا نیام اٹ تین پہ تینی کمکاری و اسیجائی حکمت عملی نا سخت گرج ءِ۔ اوتنکی نا وخت اسہ ایلو نا کمک تون اوار اوار موسمیاتی ریزیلیئنس ، تیاری و تخفیف نا بابت اسیجائی گام گیج آتیا زورشاغا۔ صدر مملکت سری لنکا نا صدر انوراکماراڈ سانائیکے نا پن ہڑزخواہی کلہو اٹی حکومت و سری لنکا نا الس تون ہمدردی نا درشانی ءِ کرے۔ صدر مملکت ٹھپی تا زوت دراخ جوڑی کن نیک است خواہی نا درشانی ءِ ہم کرے۔