پشاور، بنجاھی وزیر داخلہ محسن نقوی ءَ گوں بنجاھی کانسٹیبلری ءِ افسر ءُ مردماں گند ءُ نند کتگ ءُ ایف سی ءِ ہیڈ کوارٹر ءَ سر بوتگ

پشاور۔ 28 نومبر (اے پی پی): بنجاھی تہی کارانی وزیر محسن نقوی ءَ بنجاھی کانسٹیبلری ءِ افسر ءُ مردم آنی گوما گند ءُ نند کتگ ءُ بنجاھی کانسٹیبلری ءِ ہیڈ کوارٹر ءَ وت کُش تراک ءَ پد پشاور ءَ ایف سی ہیڈ کوارٹر ءَ سر بوتگ۔ وزیر داخلہ محسن نقوی ءَ شہید آنی یادگار ءِ تر ءُ تاب کت ءُ فاتحہ پیش کت۔ تہی کارانی وزیر محسن نقوی ءَ اُرش ءِ جاہ ءِ چار ءُ تپاسی کتگ۔ آئی ءَ فیڈرل کانسٹیبلری ءِ افسر ءُ مردیناں گوں گند ءُ نند کتگ ءُ یک ھاسیں دیوان ءِ سروکی کتگ۔ فتنہ الخوارج ءِ ارش ءِ ناکام کنگ ءِ ھوالگ ءَ تہی کارانی وزیر محسن نقوی ءَ را سرپد کنگ بوت۔ وزیر داخلہ محسن نقوی ءَ فتنہ الخوارج ءِ اُرش ءَ را ناکام کنگ ءِ ھاتر ءَ بنجاھی کانسٹیبلری ءِ کارندہ آنی جرات ءُ جزبگ ءَ را داد دات۔ بنجاھی تہی کارانی وزیر محسن نقوی ءَ گوشت کہ شھیدیں سپاھیگ آنی قربانی ءَ را سلام پیش کناں۔ ناشرکارانی بدیں رھبندانی ناکام کنگ ءِ ھاترا شھیداں وتی جان ندر کتگ اَنت۔ آئی ءَ گوشت کہ ایف سی ءِ کانسٹیبل آں بھادری ءَ گوں جنگ کتگ ءُ 3 منٹ ءِ تہ ءَ 3 وتکش اُرشکار کشگ بوتگ۔ شھیدیں سرمچارانی کربانی بے سوب نہ بیت۔ شہیدانی کھول چو وتی کھول ءِ وڑا تہنا ءُ تہنا ماندارگ بنت۔ آئی ءَ گوشت کہ شھید آناں بہادری ءِ ابدمانیں مثال داتگ ءُ دژمن ءِ اُرش ءَ را پد کش کتگ۔ فیڈرل کانسٹیبلری ءِ افسر ءُ مرداں ہندوستان ءِ سرپرستی ءَ ناشرکارانی ھلاپ ءَ جنگ ءِ ھما جرات ستا کرز ایت۔ اے موہ ءِ سر ءَ آئی جی خیبر پختونخوا پولیس ذوالفقار حمدل، کمانڈنٹ فیڈرل کانسٹیبلری نذیر گڈا ءُ اے دگہ مزنیں کارندہ ھم ساڑی بوتگ انت۔