بنجاھی وزیر مواصلات عبدالعلیم  خان ءَ گوں ترکی ءِ وزیر تجارت پروفیسر ڈاکٹر عمر بولات ءَ گوں  ھاسیں گند ءُ نند

استنبول۔28نومبر  (اے پی پی): استنبول ءَ برجم داشتگیں 5می ایکو وزیرانی دیوان ءِ ساھت ءَ بنجاھی وزیر مواصلات عبدالعلیم  خان ءَ ترکی ءِ وزیر تجارت پروفیسر ڈاکٹر عمر بولات ءَ گوں گند ءُ نند کت۔ آئی ءَ وزیر برائے تجارت پروفیسر ڈاکٹر عمر بولات ءِ گوما ھاسیں گند ءُ نند کت ایشی ءِ تہ ءَ پاکستان ءُ ترکی ءِ نیام ءَ دیریں براتی سیادی ءُ گیش بوھوکیں دو نیمگی کمک ءِ سر ءَ دل یکیمی ءِ درشان کت۔ گند ءُ نند ءِ ساھت ءَ دوئیں سروکاں اے گپ ءِ سر ءَ تپاک کت کہ آیوکیں سال آنی تہ ءَ پاکستان ءُ ترکی ءِ نیام ءَ دو نیمگی بیپار ءَ را 5 ارب ڈالر ءَ سر کنگ بیت، ایشی ءِ ھاتر ءَ اقتصادی، بیپار ءُ سرمایہ کاری سیادی ءَ را گیش مھکم کنگ ءُ توامیں شوبگ آنی تہ ءَ کمک ءَ را گیش کنگ ءِ واستہ وتی جزم ءِ پدا زور دات۔ بنجاھی وزیر عبدالعلیم  خان ءَ ایکو وزارتی دیوان ءِ سوبمندیں برجم دارگ ءِ سر ءَ ترکی ءَ را مبارک بات دات ءُ گوشت کہ دمگی تجارت ءُ کمک ءِ دیمروئی ءِ واستہ ترکی ءِ کوشست ستا کرز انت۔ آئی ءَ اے واھشت ھم درشان کت کہ ترکی پاکستانی گوشت ءُ برنج ءِ برآمد کنگ ءِ سر ءَ ھیال ءُ لیکہ بہ کنت پرچا کہ پاکستان ءِ کوالٹی ءِ چیز مقابلہ ءِ نرخ آنی سر ءَ دست کپ اَنت کہ ایشی ءَ چہ ترکی ءِ مارکیٹ ءِ واستہ فائدہ مند ثابت بوت کنت۔ گند ءُ نند ءَ وت مہ وتی دلچسپی ءِ جتا جتائیں جیڈھ آنی سر ءَ سرجمیں رنگ ءَ تبادلہ کنگ بوتگ ءُ اے گپ ءِ سر ءَ تپاک کنگ بوتگ کہ دوئیں ملک کمک ءَ را نوکیں بالاد ءَ سر کن اَنت، نہ ایوک ءَ تجارت ءِ تہ ءَ بلکینگ ءَ سرمایہ کاری، ٹرانسپورٹ ءُ ایندگر اقتصادی شوبگ آنی تہ ءَ ھم دیمروئی سیم سر آں بارت ءُ سر کنت۔