صدر آصف علی زرداری ءَ سری لنکا ءَ سیلاب ءُ زمین چنڈ ءِ سبب ءَ گران بہائیں مردم آنی  بیرانی ءِ سرا غم ءِ درشانی

اسلام آباد۔28نومبر  (اے پی پی): سری لنکا ءَ ھور ءُ ھور ءِ سبب ءَ سیلاب ءُ زمین چنڈ ءِ سبب ءَ گران بھائیں جانی بیرانی ءُ مال ءُ مڈی ءِ تاوان ءِ سر ءَ صدر آصف علی زرداری ءَ دلپدرد ءُ رنج ءُ گم ءِ درشانی کتگ۔ جمعہ ءِ روچ ءَ صدر ءِ مملکت ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ بیران بوتگیں مردم آنی کھول آنی گوما دل ءِ جہلانکی ءَ چہ ھمدردی ءِ درشانی کتگ ءُ آماچیں مردم آنی گوما یکوئی ءِ درشانی کتگ۔ آئی ءَ گوشت کہ اے گرانیں وھد ءَ پاکستان سری لنکا ءِ الس ءِ ھمراھی ءَ اوشتاتگ۔ صدر ءِ مملکت ءَ گوشت کہ موسمی بدلی یک ناقابل تردیدیں حقیقت اِنت کہ اے بدلی ءِ تہ ءَ آھانی نسبتا کسانیں کرد ءِ ابید گلوبل ساؤتھ ءِ ملک آناں گیش ءَ چہ گیش تاوان دیگ ءَ اِنت۔ صدر ءِ مملکت ءَ گوشت کہ پاکستان ءِ جند موسمی مٹ مٹ ءِ سنگینیں تاوان آنی تہ ءَ آماچ بوتگ ءُ اے درگت ءَ آماچیں ملک آنی نیام ءَ وت مہ وتی کمک ءُ یکجائی حکمت عملی ءِ زوتیں ضلورت اِنت۔ آہاں بحران ءِ وھد ءَ یکے دومی ءِ کمک ءِ گوما موسمیاتی لچک، تیاری ءُ ھلاسی ءِ ھوالگ ءَ یکجائی کارروائی آنی سر ءَ زور پر دات۔ صدر ءِ مملکت ءَ سری لنکا ءِ صدر انورا کمارا دیسانایکے ءَ را وتی دلپدردی ءِ کلوہ ءِ تہ ءَ سری لنکا ءِ حکومت ءُ الس ءِ گوما دل ءِ جہلانکی ءَ چہ دلپدردی ءِ درشانی کت۔ صدر ءَ ٹپیگ آنی زوتیں جان سلامتی ءِ واستہ ھم نیکیں واھشت آنی درشانی کتگ۔