سائبر شیلڈ پالیسی ءَ چہ ای گورننس، مالیاتی نظام ءُ جان سلامتی ءِ ڈیٹا ءِ سرا مھکمیں رکھینگ ءِ وسیلہ جوڑ بیت، بنجاھی وزیر شزہ فاطمہ خواجہ

اسلام آباد۔28نومبر  (اے پی پی): انفارمیشن ٹیکنالوجی ءُ ٹیلی کمیونیکیشن ءِ بنجاھی وزیر شزہ فاطمہ خواجہ ءَ گوشت کہ سائبر شیلڈ پالیسی ءَ چہ ای گورننس، مالیاتی نظام ءُ جان سلامتی ءِ ڈیٹا ءِ مھکمیں رکھینگ ءِ وسیلگ ءَ دیم ءَ کیت، ڈیجیٹل نیشن پاکستان ءَ نجی شوبگ ءِ سرمایہ کاری ءِ دلبڈی دیگ بوھگ ءَ اِنت۔ آئی ءَ اے ھیالانی درشانی ’’سائبر سیکورٹی، سائبر شیلڈ پالیسی ءُ آیوکیں وھد‘‘ ءِ بنگپ ءِ سر ءَ مراگش ءَ گوں تران کنان ءَ کت۔ آئی ءَ گوشت کہ سائبر شیلڈ پالیسی پاکستان ءِ ڈیجیٹل سیکورٹی ءِ تہ ءَ یک ھاسیں سنگ میل اِنت، سائبر شیلڈ پالیشی ءِ بندات ءَ گوں پاکستان ءِ ڈیجیٹل دفاع نوکیں دور ءَ داخل بوتگ، نوکیں پالیشی ءَ چہ سرکاری ءُ نجی ادارگ آنی واستہ یکجاھیں سیکورٹی فریم ورک ءِ پجارینگ بیت۔ آئی ءَ گوشت کہ گیش بوھوکیں ڈیجیٹل ھترہ آنی رد ءَ سائبر سیکورٹی ءِ ارزشت ءَ را یلہ کنگ نہ بیت، سائبر شیلڈ پالیسی ءَ چہ ای گورننس، مالیاتی نظام ءُ جان سلامتی ءِ ڈیٹا ءَ را مھکمیں رکھینگ ءِ وسیلگ ءَ رس ایت۔ آئی ءَ گوشت کہ ایس آئی ایف سی سرجمیں کمک ءَ کنگ ءَ اِنت، راستی ءِ جنگ ءِ وھد ءَ ورنا آنی نیمگ ءَ ٹیکنالوجی ءِ پڑ ءَ وتی مہارت ءَ گوں ملک ءِ ڈیجیٹل سیم سر آنی دفاع کنگ بوتگ ءُ جنگ ءَ سوبمند بوتگ، سرجمیں دگنیا ءَ مئے ورنا آنی توانائی آناں من اِتگ ءُ نوکیں ٹیکنالوجی ءِ گوما ملک آنی تہ ءَ مئے ملک ءِ شرپ گیش بوتگ، سائبر سیکورٹی راجی سلامتی ءَ گوں بندوکیں جیڈھ اِت،   ایشی ءَ چہ پیسر یک دگہ مراگشے ءَ گوں تران کنان ءَ شزہ فاطمہ خواجہ ءَ گوشت کہ پاکستان ءِ آئی ٹی شوبگ ءَ گوں ترندی ءَ دیمروئی کنگ ءَ اِنت، آئی ٹی شوبگ ءَ سرمایہ کاری ءِ مزنیں موہ است اَنت، ڈیجیٹل نیشن پاکستان ءِ مول ءُ مراد ملک ءَ سرجمیں ڈیجیٹلائزیشن ءِ ھاترا اِنت، مزن وزیر محمد شہباز شریف ڈیجیٹل ویژن ءِ سر ءَ ذاتی نگرانی ءَ کنگ ءَ اِنت۔ آئی ءَ گوشت کہ ڈیجیٹل نیشن پاکستان ءَ پرائیویٹ سیکٹر ءِ سرمایہ کاری ءَ را دلبڈی دیگ بوھگ ءَ انت، اے آئی کمپنی ءُ پروڈکٹ آنی کمک ءِ واستہ راجی آرٹیفیشل انٹیلی جنس پالیشی آرگ بوتگ۔ آئی ءَ گوشت کہ آئی ٹی شوبگ ءَ ورنا آناں آسراتی پجاری ءِ واستہ ھمک رنگ ءِ گام گیج کنگ ءَ آں۔ حکومتی گامگیج آنی سبب ءَ آئی ٹی ءِ برآمدات ءِ تہ ءَ گیشی بوتگ۔