اپوزیشن ءِ سینیٹر ءُ ایم این اے ءِ اسپیکر راجی اسمبلی سردار ایاز صادق ءَ گوں گند ءُ نند کتگ، پارٹی ءِ اختلافات ءِ ابید پارلیمانی براتی ءُ مفاہمت ءِ روح ءَ را مھکم کنگ ءِ سر ءَ زور دیگ بوتگ

اسلام آباد۔28نومبر  (اے پی پی): اپوزیشن ءِ سینیٹرز ءُ راجی اسمبلی ءِ باسک آں گوں اسپیکر راجی اسمبلی سردار ایاز صادق ءَ گند ءُ نند کتگ، ایشی ءِ تہ ءَ پارٹی ءِ تپاوت آنی ابید پارلیمانی براتی ءُ تپاکی ءِ جزبگ ءِ مھکم کنگ ءِ سر ءَ زور پر داتگ۔ گند ءُ نند ءِ تہا اپوزیشن ءِ نمائندگ علامہ راجہ نصیر عباس، فیصل جاوید، پیسریگیں اسپیکر اسد قیسر ءُ اسمبلی ءِ باسک بیرسٹر گوہر علی خان، اقبال آفریدی، عاطف خان، ڈاکٹر امجد علی خان، سردار لطیف خوسہ ءُ محمد جمال احسن خان ہوار بوتگ انت۔ اسپیکر ایاز صادق ءَ اپوزیشن ڈل ءَ را وتی چیمبر ءَ وش آتک کنان ءَ گوشت کہ سیاست ایوک ءَ یک عارضی پشت نہ انت بلکینگ ءَ دراجیں مدت ءِ سیادی انت کہ ایشی ءِ بنیات براتی براتی، رواداری ءُ بھروسہ ءِ سر ءَ بہ بیت۔ آئی ءَ گوشت کہ من گوں شما براتاں 2014 ءَ چہ رابطہ ءَ آں، سیاست یک زندمانے نہ بیت، آ ھلاس بیت، اسمبلی ءِ باسک آنی تہ ءَ یک انچیں سیادی یے بہ بیت کہ آ یک زندمانے ءَ بہ مان ایت، من ھر موہ ءَ گپ ءُ تران ءِ گپ جتگ، درستیں جیڈھ گپ ءُ تران ءِ وسیلگ ءَ گیش ءُ گیوار بنت۔ بانی پارٹی پی ٹی آئی ءَ را وتی ھاندان ءِ مردماں گوں گند ءُ نند کنگ ءِ اجازت دیگ ءَ ڈل ءَ اپوزیشن ءُ حکومت ءِ نیام ءَ آسراتی ءِ ھاتر ءَ اسپیکر ءِ کوشست آناں ستا کرتگ ءُ اے اُمیت ءِ درشانی کتگ کہ اے وڑیں گند ءُ نند آیوکیں وھد ءَ ھم برجاہ بنت تانکہ پارلیمانی شریکداری ءُ پارلیمنٹ ءِ مھکمی ءَ را گیش کنگ بہ بیت۔