پی ٹی ڈی سی ءِ چترال ویلی ءَ 5 لانچنگ یونٹ خیبر پختونخوا حکومت ءَ را دیم دیگ بوتگ ،  ڈاکٹر طارق فضل چوہدری

اسلام آباد۔28نومبر  (اے پی پی): پارلیمانی کارانی بنجاھی وزیر ڈاکٹر طارق فضل چوہدری ءَ گوشت کہ چترال ویلی یک نامداریں سیل ءُ سواد ءِ جاہ اِنت، پی ٹی ڈی سی ءِ 5 لانچنگ یونٹ چترال ویلی ءَ سرگرم بوتگ اَنت بلے نوں 18می ترمیم ءَ پد آ خیبر پختونخوا حکومت ءَ را دیم دیگ بوتگ اَنت۔ جمعہ ءِ روچ ءَ ایوان بالا ءِ دیوان ءَ جست ءُ پرس ءِ وھد ءَ سینیٹر طلحہ محمود ءِ جست ءِ پسو ءَ آئی ءَ گوشت کہ چترال ویلی یک نامداریں سیل ءُ سواد ءِ جاہ اِنت، پی ٹی ڈی سی ءِ 5 لانچنگ یونٹ چترال ویلی ءَ سرگرم بوتگ اَنت بلے نوں 18می ترمیم ءَ پد سیل ءُ سواد صوبائی معاملہ اِنت ءُ اے یونٹاں کھونبر حکومت ءَ ٹرانسفر کتگ۔ پی ٹی ڈی سی سیل ءُ سواد ءِ دیمروئی ءِ واستہ لوٹ ءِ رد ءَ ھرچ وڑیں کمک ءَ کنت، ما صوبگ آنی نیام ءَ رابطہ ءِ دیمروئی ءِ واستہ کار کنگ ءَ ایں ۔