سینیٹ ءِ چیئرمین سید یوسف رضا گیلانی ءَ الجزائر ءِ سفیر ڈاکٹر براہیم رومانی ءَ گوں گند ءُ نند

اسلام آباد۔28نومبر  (اے پی پی): سینیٹ ءِ چیئرمین سید یوسف رضا گیلانی ءَ پارلیمنٹ گس اسلام آباد ءَ الجزائر ءِ سفیر ڈاکٹر براہیم رومانی ءَ گوں گند ءُ نند کت۔ جمعہ ءِ روچ ءَ سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ گند ءُ نند ءَ پاک ءُ الجزائر ءِ سیادی ءُ وت مہ وتی مفاد ءِ جیڈھ آنی سر ءَ تفصیل ءَ گپ ءُ تران کنگ بوتگ۔ اے موہ ءِ سر ءَ سینیٹ ءِ چیئرمین سید یوسف رضا گیلانی ءَ الجزائر ءِ پارلیمانی ڈل ءِ انٹر پارلیمانی اسپیکر کانفرنس ءَ بھر زوری ءِ سر ءَ شگر ءُ منت گپت۔ گند ءُ نند ءَ پاکستان ءُ الجزائر ءِ نیام ءَ راجدپتری سیادی آناں گیش مھکم کنگ ءِ ضلورت ءِ سر ءَ زور پر دات، وھدیکہ مزن تک ءِ ڈل ءِ مٹ ءُ بدلی ءِ سر ءَ ھم گپ ءُ تران کنگ بوت۔ ڈاکٹر براہیم رومانی ءَ الجزائر ءِ تر ءُ تاب ءِ ھاتر ءَ الجزائر ءِ سینیٹ ءِ صدر ءِ نیمگ ءَ چہ چیئرمین سینیٹ ءَ را دعوت نامہ پیش کت۔ سفیر ءَ پاکستان ءِ گوما کمک ءَ را گیش کنگ ءِ واستہ الجزائر ءِ سروکی ءِ جزم ءِ درشان کت ءُ چیئرمین سینیٹ ءِ سروکی ءِ ہنر آنی توسیپ کت۔ ایشانی تہ ءَ بین پارلیمانی تک ءَ پاکستان ءُ الجزائر ءِ کمک ءَ را دیمروئی دیگ ءِ سر ءَ ھم تپاک کنگ بوتگ۔