پاکستان بالی پٹ اتھارٹی ءِ نیمگ ءَ جناح انٹرنیشنل بالی پٹ کراچی ءَ نوکیں اے ٹی سی ٹاور، فائر اسٹیشن ءِ جوڑیشت ءِ منصوبگ ءِ بندات

کراچی۔28نومبر  (اے پی پی): پاکستان بالی پٹ اتھارٹی ءَ جناح انٹرنیشنل بالی پٹ کراچی ءَ بالی پٹ ءِ بندوبست، آپریشنل سیفٹی ءُ بالی پٹ ءِ تہ ءَ گیش گہتری ءِ مول ءُ مراد ءَ چہ جناح میاں اوستمانی بالی پٹ کراچی ءَ نوکیں بالی ٹریفک کنٹرول ٹاور ءُ ریسکیو ءُ فائر فائٹنگ اسٹیشن ءِ جوڑیشت ءِ منصوبگ بندات کتگ۔ جمعہ ءِ روچ ءَ پی اے اے ءِ نیمگ ءَ جاڑی بوتگیں بیان ءِ رد ءَ اے منصوبگ ءِ ڈیزائن ءُ جوڑیشت ایم ایم پاکستان ءُ ہسپانوی کمپنی کیموسیا اینڈ فیئر بینکس آرکیٹیکٹس ءِ یکجائی کمک ءِ رد ءَ کنگ بیت۔ روچی ورکشاپ ءِ وھد ءَ میاں اوستمانی ماہرین ءِ دو باسکی ٹیم – سینئر آرکیٹیکٹ ‘بروس فیئر بینکس’ ءُ کمیونیکیشن ءُ نیویگیشن / ایئر ٹریفک مینجمنٹ (CNS) / (ATM) ءِ ماہر خوان کروز کینیبات ءَ منصوبہ ءِ لوٹ ءُ گزر ءُ ڈیزائن ءِ پیرامیٹرز ءَ را گڈی رنگ ءَ دیگ ءِ ھاتر ءَ دمگی ماہرین ءَ گوں گند ءُ نند کتگ۔ سئے پیش کرتگیں جاہ آنی سر ءَ سرجمیں چار ءُ تپاسی ءَ پد (A ٹی سی) ٹاور ءُ فائر اسٹیشن ءِ دوئیں جاہ آنی سر ءَ ھلاسی کنگ بوتگ کہ آ آپریشنل لوٹ ، سیفٹی ءِ رہبند ءُ آیوکیں ہوابازی ءِ دیمروئی ءِ رد ءَ اَنت۔ اے دیمروئی پی اے اے ءِ پاکستان ءِ ہوابازی ءِ بنیاتی ڈھانچہ ءَ را میاں اوستمانی معیار ءِ رد ءَ نوک کنگ ءِ جزم ءِ درشان اِنت۔