بنجاھی وزیر تجارت جام کمال خان ءَ یورپی یونین مانیٹرنگ مشن ءَ گوں گند ءُ نند کتگ، مھکمیں تجارتی شریکداری ءِ جزم ءِ  درشان

اسلام آباد۔28نومبر  (اے پی پی): بنجاھی وزیر تجارت جام کمال خان ءَ جمعہ ءِ روچ ءَ وزارت تجارت ءَ یورپی یونین کمیشن ءِ نگرانی مشن ءَ گوں گند ءُ نند کت۔ گند ءُ نند ءِ تہ ءَ پاکستان ءُ یورپی یونین ءَ مھکمیں بیپاری شری داری ءِ واستہ وتی جزم ءِ پدا زور پر دات۔ اے مشن ءِ سروکی سرجیو بلیبریا  ءَ کتگ ءُ یورپی یونین ءِ سفیر ریمنڈ کاروالہو ءِ ہمراہی ءَ بوتگ۔ اے موہ ءِ سر ءَ بنجاھی وزیر برائے تجارت جام کمال خان ءَ گوشت کہ یورپی یونین پاکستان ءِ مستریں برآمداتی مارکیٹ اِنت، جی ایس پی پلس ءَ تجارت، روزگار، زالبول آناں واک جوڑ کنگ ءُ پائیدار دیمروئی ءَ را مھکم کتگ۔ آئی ءَ گوشت کہ پاکستان 27میاں اوستمانی کنونشنز آنی سر ءَ عمل کنگ ءِ واستہ جزم اِنت، ءُ پنچمی دو سالی چار ءُ تپاسی ءَ پاکستان ءِ دیمروئی  ءِ منگ ءِ امیت اِنت۔ وزیر تجارت ءَ مشن ءَ را اے ھم لوٹ کتگ کہ نوکیں جی ایس پی پلس فریم ورک ءَ بے وسی ءِ شرط ایر کنگ مہ بنت۔ وزیر تجارت ءَ یورپی یونین ءِ نیمگ ءَ ایتھنول ءِ سر ءَ جی ایس پی ءِ آسراتی ءِ کشگ ءِ سر ءَ جیڈھ ءِ درشانی کت۔ جام کمال ءَ گشتگ کہ اے پیسلہ ءَ چہ کشت ءُ کشاری ءِ زندمان ءِ سرا تاوان بوتگ ۔ جام کمال ءَ سفارش کت کہ مشن ءَ سندھی اجرک، گلابی نمک ءُ آم ءَ را جی آئی ءِ تحفظ ھم بہ دنت۔ گند ءُ نند ءَ پاکستان ءُ یورپی یونین ءِ نیام ءَ مھکمیں جی ایس پی پلس شریکداری ءِ برجاہ دارگ ءِ سر ءَ تپاک کنگ بوت۔