پاکستان ءَ واشنگٹن ڈی سی ءِ تیرگواری ءَ را ایراد گپت

اسلام آباد۔28نومبر  (اے پی پی): پاکستان ءَ امریکی بنجاھی شھر واشنگٹن ڈی سی ءَ تیرگواری ءِ وئیل ءِ سک باز مذمت کتگ کہ ایشی ءِ تہ ءَ اوگان راج دپتر ءِ ھوار بوھگ ءِ گمان اِنت۔ جمعہ ءِ روچ ءَ درئی کارانی کارگس ءِ جارکش ءِ نیمگ ءَ جاڑی بوتگیں بیان ءِ تہ ءَ بیران بوتگیں سپاھیگ ءِ کھول ءِ گوما دلپدردی ءِ درشانی کنگ بوتگ ءُ ٹپیگ آنی زوت ءُ سرجمیں جان سلامتی ءِ نیکیں واھگ آنی درشان کنگ بوتگ۔ بیان ءِ تہ ءَ آماچیں ھاندان ءِ ھوار امریکہ ءِ حکومت ءُ الس ءِ گوما ھمدردی ءِ درشانی کنگ بوتگ۔ بیان ءِ رد ءَ اے نشانگ جوڑ کتگیں اُرش بے شک ءَ ناشرکاری ءِ کارے ءُ امریکی سرزمین ءِ سر ءَ زھرناکیں اُرش اِنت۔ گوستگیں دو دہائی آنی تہ ءَ پاکستان ءَ را ھمے وڑیں ناشرکاری ءِ بازیں وئیل آنی دیمپان بوتگ کہ آھانی گوں اوگانستان ءَ ھاسیں سیادی ھست۔ دری کارانی کارگس ءِ جارکش ءَ وتی بیان ءَ گیش گوشت کہ اے وئیل ءَ چہ میاں اوستمانی ناشرکاری ءِ دیم ءَ اوشتاتگیں چیلنج آناں پدر کنگ بیت ءُ اے ھترہ ءِ ھلاپ ءَ جنگ ءِ واستہ جھان ءِ کمک ءَ را گیش کنگ ءِ ضلورت ءِ سر ءَ زور پر دیگ بیت۔ اے واقعہ جھان ءِ تک ءَ ناشرکاری ءِ پریشان کنوکیں رجحان ءِ پدا آیگ ءِ نشانی اِنت پمیشکا میاں اوستمانی براتی اے جاور ھال ءِ سر ءَ دلگوش بہ دنت ءُ ناشرکاری ءِ ھلاپ ءَ یکجائی کوشست آناں مھکم بہ کنت۔ بیان ءِ رد ءَ پاکستان ناشرکاری ءِ یکجائی چیلنج ءِ گیواری ءِ واستہ امریکا ءُ گیشیں میاں اوستمانی براتی ءِ گوما کار کنگ ءِ واستہ جزمیگ انت۔