سینیٹ نا دیوان، انکم خراج (مسٹ میکو ترمیم) بل 2025 آ باسک آتیان سلاہ طلب

اسلام آباد۔ 28 نومبر (اے پی پی) سینیٹ نا دیوان اٹی صدر نشیں سینیٹر شہادت اعوان انکم خراج (مسٹ میکو ترمیم) بل 2025 آ باسک آتیان سلاہ طلب کرے۔ جمعہ نادے آ  سینیٹ نا دیوان اٹی بنجائی وزیر پارلیمانی امور ڈاکٹر طارق فضل چوہدری انکم خراج (ترمیم) بل 2025 نا نقل ءِ ایوان اٹ پیش کرے۔ اوکان پد صدر نشیں سینیٹر شہادت اعوان باسک آتے پارت کرے کہ او دوشنبے اسکان دا بابت تینا سلاہ تے سینیٹ سیکرٹریٹ اٹ جمع کرفر۔ اوپارت کرے کہ قائمہ کمیٹی خزانہ دا بل آ10 دے اٹی تینا رپورٹ ءِ ایوان اٹ پیش کیک۔ سینیٹ آن سلاہ و سوج آتا منظوری آن پد اودے قومی اسمبلی آ گدریفنگک۔