پی ٹی آئی و وزیراعلیٰ خیبرپختونخوا سہیل آفریدی نا مچ آ چکار کرپشن کیس اٹی اڈیالہ زندان اٹی سزا کاٹوک آ بانی آن ہی سیاسی راہشونی ہلنگ نا غیرکانودی خواست آتیا ٹی ءِ ہرا زندان رولز انا برخلاف ءِ، عطاء اللہ تارڑ

اسلام آباد۔ 28 نومبر (اے پی پی) بنجائی وزیر حوالکاری وشینکاری عطاء اللہ تارڑ پارینے کہ پی ٹی آئی و وزیراعلیٰ خیبرپختونخوا سہیل آفریدی نا مچ آ چکار اسہ غیرکانودی خواست اسے آ ٹی ءِ کرپشن نا کیس اٹی اڈیالہ زندان اٹی سزاکاٹوک آ بانی آن ہی سیاسی راہشونی ہلنگے ہرا زندان رولز انا برخلاف ءِ۔ جمعہ نادے آ راجی رابطہ نا پلیٹ فارم ’’ایکس‘‘ آ تینا اسہ پوسٹ اسے ٹی بنجائی وزیر حوالکاری پارے کہ پاکستان تحریک انصاف بشمول خیبرپختونخوا نا وزیراعلیٰ سہیل آفریدی ہندن ءُ طرز عمل اس تینا کرینو ہراٹی صوبہ نا الس کن گورننس نا فراوانی پد پشت ہنانے و مچ آ چکار اسہ غیرکانودی خواست اسے آ ٹی ءِ کہ کرپشن نا کیس اٹی اڈیالہ زندان اٹی سزا کاٹوک آ بانی آن ہی سیاسی راہشونی ہلنگے ہراکہ زندان رولز انا برخلاف ءِ۔ اوپارے کہ دہشت گردی نا برخلاف پاکستان نا اسہ اہم صوبہ اس مننگ ناجاگہ غا اونا صوبائی حکومت تینا اولیت آتے امن، شونداری و السی ریلیف آ تخوسس، جماعتی سرکڑدہ دے ونن اسلام آباد اٹی ہندا غیرکانودی بیانیہ نا دامون ایمون سیاست کرساکرے، دااف، مبینہ وڑاٹ تحریک انصاف نا اسہ زالبول سیاست دان اس بھلو منفی حکمت عملی اسے نا رداٹ اوغانستان آن چلینگوک آ پاکستان دشمن اکاؤنٹ و بھارتی میڈیا غاخان صاحب نا بابت اسہ گھٹیا مہم اس چلیفے ہراڑآن مچ آ دنیا ٹی پاکستان نا بدنامی نا کوشست ءِ کننگا۔ اوپارے کہ داطرزعمل پاش آن پاش پاکستان دشمنی ءِ انتئے کہ داڑآن ملک انا ساکھ ءِ نسخان تننگ نا کوشست کننگا۔ تحریک انصاف ءِ مرے کہ ملک دشمن بیانیہ و غلط اولیت آتے ہلسا داسہ ریاست و الس نا فائدہ غاتے مقدم تخے۔