بنجائی وزیرپارلیمانی امور ڈاکٹر طارق فضل چوہدری نا سیکورٹی فورس آتا کنڈآن دہشت گرد آتا برخلاف  سرسہب کارروائی آ تشکر نا درشانی

اسلام آباد۔ 28 نومبر (اے پی پی) بنجائی وزیر پارلیمانی امور ڈاکٹر طارق فضل چوہدری سیکورٹی فورس آتا کنڈآن دہشت گرد آتا برخلاف سرسہب کارروائی آ منت واری نا درشانی ءِ کرسا پارینے کہ ہرہمودُو ءِ توننگک ہرا وطن عزیز نا امن ءِ خراب کیک۔ جمعہ نادے آ تینا بیان اٹی اوپارے کہ سیکورٹی فورس آک اسہ پین سرسہب کارروائی اس کرینو ہراٹی 22 دہشت گرد جہنمی مسر ہراڑآ نن اللہ تعالیٰ نا شکر ءِ ادا کینہ۔ اوپارے کہ پاکستان نا گل زمین آ دہشت گردی و دہشت گردآتیکن ہچ ءُ جاگہ اس اف، قوم تینا بہادر ورناتے سلام پیش کیک ہرا تینا جون ءِ دلدست آ تخسا ننا آخبت ءِ رکھ کننگ ءُ۔ اوناپاننگ ئس کہ پاکستان امن و سوگوی نا کنڈآ ہِننگ ءِ و انشاء اللہ ہر ہمودُوءِ توننگک ہرا داوطن نا امن ءِ خراب کیک۔ اوپارے کہ پاکستان انشاء اللہ مدام سرسہب مریک۔