وفاقی وزیر اورنگزیب کھچی ءَ نیشنل لائبریری ءَ انڈونیشین  کتاب کارنر ءِ بنگیج کتگ

اسلام آباد۔27نومبر  (اے پی پی):راجی مڈیءُ دود ءُ ربیدگ ءِ وفاقی وزیر اورنگزیب خان کھچی ءَ پنچ شمبے ءِ روچ ءَ پاکستان ءِ راجی کتابجاہ ءَ انڈونیشیا ءِ کتاب کارنر ءِ بنگیج کت کہ پاکستان ءُ انڈونیشیا ءِ نیام ءَ دود ءُ ربیدگی کمک ءَ را مھکم کنگ ءِ ھاترا یک ھاسیں گامگیج اِنت۔ مراگش ءِ تہ ءَ نیشنل لائبریری آف پاکستان ءُ نیشنل لائبریری آف انڈونیشیا ءِ نیام ءَ یک مفاہمت نامہ ءِ سر ءَ ھم دستخط کنگ بوت۔ مراگش ءَ گشتانک دیان ءَ وفاقی وزیر اورنگزیب کھچی ءَ گوشت کہ انڈونیشیا کارنر ءِ بنگیج ھم المی اِنت پرچا کہ دوئیں ملک آنی تہ ءَ اے سال ءَ 75سال ءِ سفارتی سیادی ءِ مراگش برجم دارگ بوھگ ءَ اِنت۔ آئی ءَ گوشت کہ پاکستان ءُ انڈونیشیا ءِ نیام ءَ دود ءُ ربیدگ ءُ وانگ ءُ زانگ ءَ ھوار میاں اوستمانی فورم آنی تہ ءَ وت مہ وتی احترام، یکجائی اقدار ءُ دیریں وھد ءِ کمک ءِ بنیات ءَ مھکمیں سیادی است انت۔ انڈونیشیا ءِ کونے دوئیں ملک آنی اُلس ءِ نیام ءَ سیادی ءَ را گیش مھکم کنگ ءِ وسیلگ ثابت بیت ءُ پاکستان ءَ انڈونیشیا ءِ لبزانک، دود ءُ ربیدگ ءُ فکری دود ءُ ربیدگ آناں رسائی ءِ وسیلگ جوڑ بیت۔ وفاقی وزیر ءَ گوشت کہ دوئیں لائبریری آنی نیام ءَ دستخط بوتگیں مفاہمت نامہ ءَ چہ کتاب آنی مٹ ءُ بدلی، یکجائی ثقافتی چست ءُ ایر، تربیت ءُ پٹ ءُ پولی کمک ءَ را دیمروئی رسیت۔ آئی ءَ انڈونیشیا ءِ سفارت خانہ ءِ کمک ءُ میاں اوستمانی دود ءُ ربیدگی سیادی ءَ را دیمروئی دیگ ءِ واستہ راجی کتابجاہ آف پاکستان ءِ کوشست آناں ساڑات۔ انڈونیشیا ءِ سفیر لیفٹیننٹ جنرل (ریٹائرڈ) چندر ویرسیانٹو سکچو ءَ مراگش ءَ گوں تران کنان ءَ گوشت کہ انڈونیشیا ءِ کارنر دوئیں دوستیں ملک آنی الس آنی نیام ءَ وت مہ وتی ءِ تہ ءَ گیشی ءِ تہ ءَ کمک رسیت۔ آئی ءَ گوشت کہ اے کونے ءَ انڈونیشیا ءِ سیاست، معیشت، ایمنی، دود ءُ ربیدگ، سیل ءُ سواد، دری پالیشی، وردن ءُ وراک ءِ دود ءُ ربیدگ ءُ راجی دیمروئی ءَ گوں سیادی داروکیں کتاب ءُ مواد ھوار انت۔ آئی ءَ گوشت کہ دوئیں راجی کتابجاہ آنی نیام ءَ دستخط کتگیں منوگری ادارگی کمک ءِ نوکیں دور ءِ بندات انت۔ آئی ءَ اے امیت سہرا کت کہ اے کمک ءَ چہ وت مہ وتی سیادی ءَ را گیش مھکم بیت۔ سفیر چندر ویرسیانتو سکو ءَ وزارت راجی میراث ءُ دود ءُ ربیدگ ءُ پاکستان ءِ راجی کتابجاہ ءِ شگر ءُ منت گپت ءُ کتابجاہ ءِ پیسریگیں ءُ استیں سروکی ءِ ازمت آناں ساڑات۔ مراگش ءَ آسیان کمیٹی ءِ چیئرمین   ءُ سفیر تھائی لینڈ رونگ وڈی ویرابتر، آسیان ممالک کے سفیر و ہائی کمشنرز، نیشنل لائبریری آف انڈونیشیا کے پرائم سیکرٹری جوکو سانتوسو، نیشنل لائبریری آف پاکستان کے ڈائریکٹر جنرل محمد علی شہزاد مظفرءُ ایندگر مہمان آں بہر زرتگ ات۔