آئی ٹی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ سیکٹر جی 9 ءِ چیر دستی ءَ پاکستان آسن خدمت سنٹر ءِ تر ءُ تاب

اسلام آباد۔27نومبر  (اے پی پی): آئی ٹی ءُ ٹیلی کمیونیکیشن ءِ وفاقی وزیر شزہ فاطمہ خواجہ ءَ سیکٹر جی 9 ءِ چیر دستی ءَ پاکستان آسن خدمت سنٹر اسلام آباد ءِ تر ءُ تاب کتگ۔ پنچ شمبے ءِ روچ ءَ آئی ٹی ءُ ٹیلی کمیونیکیشن ءِ وزارت ءِ نیمگ ءَ جاڑی بوتگیں بیان ءِ رد ءَ اے مرکز آذربائیجان ءِ کمک ءُ مزن وزیر ءِ تفصیلی وژن ءِ چیر دستی ءَ نوکیں رنگ ءَ جوڑ کنگ بوھگ ءَ اِنت کہ اے وھد ءَ سرجمی ءِ گڈی بھر ءَ اِنت۔ وفاقی وزیر ءَ را شھمکی مرکز ءِ سروسز ءِ پجارینگ، یکجاھیں سرکاری ازمت ءُ ٹیکنالوجی ءِ سر ءَ بنیات ءِ سر ءَ آسراتی ءِ ماڈل ءِ ھوالگ ءَ سرجمیں بریفنگ دیگ بوت۔ شزہ فاطمہ ءَ برجاھیں دیمروئی کار آنی سر ءَ دل یکیمی ءِ درشانی کت ءُ منصوبگ ءَ را زوتاں چہ زوت سرجم کنگ ءِ ہدایت کت۔ اے موہ ءِ سر ءَ وزیر ءَ گوشت کہ اے مرکز الس ءُ حکومت ءِ نیام ءَ براہ راست رابطہ کاری ءَ را موثر، آسان ءُ شفاف کنگ ءِ واستہ یک ھاسیں سنگ ءِ انت۔ آئی ءَ گوشت کہ اے مرکز ءَ مزن وزیر ءِ ڈیجیٹل وژن ءِ رد ءَ میاں اوستمانی معیار ءِ رد ءَ شھمکی ازمت پجاری کنگ بیت۔ وفاقی وزیر ءَ گوشت کہ اے منصوبگ ءِ وسیلگ ءَ سرکاری ازمت یکیں بام ءِ چیر ءَ الس ءِ واستہ رسائی ءِ آماچ بنت۔ شزہ فاطمہ ءَ گوشت کہ اے وڑیں آسراتی ءِ مراگش پاکستان ءِ ڈیجیٹل گورننس ماڈل ءَ را مھکم کنگ ءَ المی کرد پیلو کن اَنت۔ اے منصوبگ سرکاری ھزمت، ڈیجیٹل گہتری ءُ نوکیں سرکاری ھزمت ءِ دیم دیگ ءِ نوکیں دور ءِ بُن ھشت ایر کنگ ءَ اِنت۔