وفاقی دارالحکومت ءَ ہوا ءِ آلودگی ءِ ھلاسی ءُ چاگرد ءِ رکھینگ ءِ ھاتر ءَ سرجمیں گامگیج چست کنگ بوھگ ءَ انت،  پارلیمانی امور ءِ وفاقی وزیر ڈاکٹر طارق فضل چوہدری

اسلام آباد۔27نومبر  (اے پی پی): پارلیمانی امور ءِ وفاقی وزیر ڈاکٹر طارق فضل چوہدری ءَ گشتگ کہ وفاقی دارالحکومت ءَ ہوا ءِ آلودگی ءِ ھلاسی ءُ چاگرد ءِ رکھینگ ءِ ھاتر ءَ سرجمیں گامگیج چست کنگ بوھگ ءَ انت۔ کوشست کنگ بوھگ ءَ انت کہ گاڑی آنی دود ءِ کشگ ءِ کساس ءَ را کم کنگ ءُ الیکٹرک ٹرانسپورٹ ءِ دیمروئی کنگ بہ بیت۔ پنچ شمبے ءِ روچ ءَ راجی اسمبلی ءِ دیوان ءَ الہ کامران، شاہدہ باگمیک، نعیمہ کشور خان ءُ محمد عثمان بادیہ ءِ نوٹس ءِ سر ءَ اسلام آباد ءَ ھوا ءِ آلودگی ءِ ھوالگ ءَ ایوان ءَ را گوشت کہ اسلام آباد سرجمیں ملک ءَ وتی موسم ءُ سبزی ءِ سبب ءَ زانگ بیت۔ حکومت وفاقی دارالحکومت ءَ چاگرد ءِ ھوالگ ءَ سرجمیں کوشست کنگ ءَ اِنت۔ وزارت موسمیاتی بدلی ءُ اسلام آباد دارالحکومت ءِ سرزمین انتظامیہ اے درگت ءَ گامگیج زورگ ءَ انت۔ اسلام آباد ءِ ھوا ءَ را ساپ ءُ پلگار دارگ ءِ واستہ یک سلسلہ ءِ گامگیج برجاہ دارگ بنت۔ الہ کامران ءَ گوشت کہ اسلام آباد ءَ ائیر انڈیکس گوستگیں سال ءِ مقابلہ ءَ گیش بوتگ ۔ آئی ءَ گوشت کہ نگرانی ءِ نظام ءَ را گہتر جوڑ کنگ ءِ ضلورت انت۔ وفاقی وزیر ءَ گوشت کہ اسلام آباد ءَ آبادی ءِ رجحان سک باز انت، آبادی ءِ تہ ءَ گیشی، ٹرانسپورٹ ءِ گنجائش ءُ لھتیں دگہ سبب آنی سبب ءَ ھوا ءِ آلودگی گیش بوھگ ءَ انت۔ اے درگت ءَ دُھون کشوکیں گاڑی آناں کم کنگ بوھگ ءَ اِنت، الیکٹرک ٹرانسپورٹ ءِ دیمروئی ءِ واستہ دگہ گامگیج کنگ بوھگ ءَ اِنت، حکومت اے گپ ءِ پک کنگ ءِ کوشست کنگ ءَ اِنت کہ راستیں ڈیٹا ایوان ءَ پیش کنگ بہ بیت۔ ماحولیات تحفظ ءِ ادارگ وتی سختی ءَ چہ زانگ بیت، ما اسلام آباد ءَ را ساپ ءُ پلگار کنگ ءِ کوشست ءَ کنگ ءَ ایں، اسلام آباد ءَ اینٹانی کوٹھے ءِ ھوالگ ءَ گامگیج چست کنگ بوتگ، پنجاب حکومت ھم ایشی ءِ تہ ءَ وتی کرد ءَ پیلو کنگ ءَ اِنت۔