سرمایہ کاری بورڈ ءِ وفاقی وزیر ءَ پاکستان ءِ دمگی اقتصادی فورم ءِ ڈل ءَ گوں گند ءُ نند

اسلام آباد۔27نومبر  (اے پی پی): وفاقی وزیر سرمایہ کاری بورڈ قیصر احمد شیخ  ءَ پنچ شمبے ءِ روچ ءَ اسلام آباد ءَ پاکستان ءِ دمگی اقتصادی فورم ءِ ڈل ءَ گوں گند ءُ نند کت۔ ڈل ءِ تہ ءَ وائس ایڈمرل (ر) ہشام خان، معروف ماھمک معاشیات ءُ  پیسریگیں  چیئرمین بی او آئی ہارون شریف  ءُ  خالد منصور، سابق سی ای او حبکو و تھر کول پراجیکٹس  ءِ ھوار بوتگ اَنت۔ پی آر ای ایف گروپ  ایس ای سی پی  ءَ    رجسٹرڈ پلیٹ فارم  انت۔ گند ءُ نند ءَ سرمایہ کاری ءِ دیمروئی، سیاسی گہتری ءُ اقتصادی کمک ءِ بابت ءَ سرجمیں رنگ ءَ گپ ءُ تران کنگ بوت۔ وفاقی وزیر ءَ ڈل ءِ پنت ءُ شون آناں ساڑات ءُ گوشت کہ حکومت سرمایہ کار آنی آسراتی ءُ کاروباری چاگرد ءَ را گہتر کنگ ءِ واستہ گہتری آنی سر ءَ مُدام کار کنگ ءَ اِنت۔ ایشانی تہ دمگی تک ءَ اقتصادی سیادی ءَ را گیش مھکم کنگ ءُ پاکستان ءَ نوکیں سرمایہ کاری ءِ موہ پیداک کنگ ءِ سر ءَ تپاک کنگ بوت۔ آئی ءَ بی او آئی ءُ پی آر ایف ءِ نیام ءَ استیں سرکاری ءُ جندی  شراکت داری ءَ را گیش موثر جوڑ کنگ ءِ سر ءَ ھم زور پر دات۔ وفاقی وزیر ءَ گوشت کہ بورڈ آف انویسٹمنٹ سرمایہ کار دوستیں پلیٹ فارم جوڑ بوھگ ءِ واستہ کوشست کنگ ءَ انت ءُ ملک ءَ سرمایہ کاری ءَ را دیمروئی دیگ ءِ واستہ جزمیگ انت۔