منامہ۔ 27 نومبر (اے پی پی) بنجائی وزیر داخلہ و انسداد منشیات محسن نقوی بحرین نا ہم منصب جنرل شیخ راشد بن عبداللہ آل خلیفہ تون اوڑدہی کرے ہراٹی ہڑتوم آ کنڈآتا تعلقداری،علاقائی سلامتی و تین پہ تینی است خواہی نا امور نا بارواٹی سرجمی اٹ گپ وتران کرے۔ ترجمان وزارت داخلہ نا رداٹ ہڑتوم آ وزیرداخلہ غاک انسداد منشیات نا بشخ اٹی خڑکی کمکاری، کانود نافذ کروک آ …
بنجائی وزیرداخلہ محسن نقوی نا بحرینی ہم منصب جنرل شیخ راشد بن عبداللہ آل خلیفہ تون اوڑدہی
گیشتریں ھال
منامہ۔ 27 نومبر (اے پی پی) بنجائی وزیر داخلہ و انسداد منشیات محسن نقوی بحرین نا ہم منصب جنرل شیخ راشد بن عبداللہ آل خلیفہ تون اوڑدہی کرے ہراٹی ہڑتوم آ کنڈآتا تعلقداری،علاقائی سلامتی و تین پہ تینی است خواہی نا امور نا بارواٹی سرجمی اٹ گپ وتران کرے۔ ترجمان وزارت داخلہ نا رداٹ ہڑتوم آ وزیرداخلہ غاک انسداد منشیات نا بشخ اٹی خڑکی کمکاری، کانود نافذ کروک آ ادارہ غاتا کاریم نا کچ ءِ ودفنگ و معلومداری نا ہل و تس ءِ پین گچین کننگ آامناکریر۔ وزیر داخلہ محسن نقوی بحرینی ہم منصب نا گرم جوشی اٹ مہمانداری آ منت واری ءِ ہرفے و پاکستان تون سیکورٹی و سوگوی نا بشخ آتیٹی کمکار ءِ ودفنگ نا عزم انا ستاءِ کرے۔ محسن نقوی پارے کہ پاکستان و بحرین نا نیام اٹ ایلمی تعلقداری تین پہ تینی پت و شرف نا سوگو بنداوتیاٹی ءِ، ہڑتوم آملک آتا ادارہ غاتا نیام اٹ خڑکی رابطہ ڈیہہ اٹی امن وسلامتی کن المی ءِ۔ اوڑدہی ٹی ہڑتوم آملک آتا الس نا تین پہ تینی فائدہ و رکھ آخبت کن شریداری پین سوگو کننگ نا عزم انا درشانی ءِ کننگا۔
