مئے کش ءُ گور ءِ دنیا  ٹوھیں رنگ ءَ مٹ بوھگ ءَ   اِنت،  اے جاوراں مئے سلاہ بندیں اُرداں گیشتر ھمگرنچ، ھمکاری ءُ مول ءُ مراد ءِ رد ءَ یکجا بوھگی اِنت، جنرل ساحر شمشاد مرزا

اسلام آباد۔27نومبر  (اے پی پی): چہ اگدہ ءَ دزکش بوھوکیں چیئرمین جوائنٹ چیفس آف اسٹاف کمیٹی  جنرل ساحر شمشاد مرزا نشان امتیاز، نشان امتیاز (ملٹری) ءَ گشتگ کہ مئے کش ءُ گور ءِ دنیا ٹوھیں رنگ ءَ  گوں جاور مٹ  ءَ انت۔ اے جاوراں مئے سلاہ بندیں اُرداں گیشتر ھمگرنچ، ھمکاری ءُ مول ءُ مراد ءِ رد ءَ یکجاہ بوھگی اِنت۔ انٹر سروسز پبلک ریلیشنز ءِ رد ءَ آئی ءَ اے ھیالانی درشانی پنچ شمبے ءِ روچ ءَ جوائنٹ اسٹاف ہیڈکوارٹر  ءَ آئی ءِ شرپ ءَ برجم داشتگیں برو پہ ھیری مراگش ءَ گوں تران کنان ءَ کت۔ جنرل ساحر شمشاد مرزا ءَ گوشت کہ مئے کش ءُ گور ءِ دنیا ٹوھیں جاور گوں  ترند گامی ءَ   مٹ بوھگ ءَ انت۔ اے بدلی مئے اندری ءُ درائیں چیلنجانی سرا گہتریں اثرات کشگ ءَ انت۔ اے اثر ہائبرڈ مقابلہ ءَ بگر داں جنگ ءَ انت۔ آئی ءَ گوشت کہ اے جاور آنی تہ ءَ مئے سلاہ بندیں اُرد آناں گیش ھمگام، کمک ءُ یکیں مول ءُ مراد ءِ گوما کنگ لوٹ ایت۔ جنرل ساحر شمشاد مرزا ءَ گوشت کہ من سلاہ بندیں اُرد آنی نیام ءَ ھمگرنچی، یکجائی حکمت عملی ءُ کمک ءَ را یک ھاسیں ضلورت ءِ رنگ ءَ لیک آں ءُ واھشت نہ لیک آں ۔ آؤکیں بدلی آنی دیم ءَ دارگ ءِ ھاترا یک ناگزیریں تنظیمی اصلاحاتے ۔ جنرل ساحر شمشاد مرزا ءَ اے موہ ءِ سر ءَ زور پر دات ءُ گوشت کہ من اے گپ ءَ المی لیک آں کہ سرجمیں توانمند ءُ جوانیں رنگ ءَ لیسیں سلاہ بندیں اُرد نظام ءِ واستہ عملی ضلورت اِنت۔ مئے لشکراں گوں یک ھمگرنچیں رھبندے ءَ آیوکیں جنگانی واستہ تیار بوھگی اِنت۔ من ھم وتی نیکیں واھگ ءُ دعا ءِ درشان کناں کہ دراھیں فورسز ھاسیں رنگ ءَ جوائنٹ اسٹاف ءِ بنجاہی کارگس ءَ بہ کناں۔ جنرل ساحر شمشاد مرزا ءَ گوشت کہ اے ڈھانچہ چون جوڑ بہ بیت بلے ایمانداری ءُ جزم ءِ گوما وتی نوکیں ذمہ واری آں پیلو بہ کنت۔