مزن وزیر شہباز شریف ءِ وژن ءِ چیر دستی ءَ لسٹڈ کمپنیانی واستہ کاروبار دوستیں گہتری ءِ سرا عمل کنگ بوھگ ءَ انت، ہارون اختر خان

اسلام آباد۔27نومبر  (اے پی پی): ریگولیٹری گہتری ءِ ذیلی کمیٹی ءِ مزن تک ءِ دیوان صنعت ءُ پیداوار ءِ بابت ءَ مزن وزیر ءِ ھاسیں کمکار ہارون اختر خان ءِ سروکی ءَ برجم دارگ بوت، ایشی ءِ تہ ءَ لسٹڈ کمپنی آنی ھوالگ ءَ گہتری ءِ گامگیج آنی سر ءَ چار ءُ تپاسی کنگ بوت۔ دیوان ءَ اسکاٹ جیکب ءَ ھوار ایس ای سی پی، اسٹیٹ بینک آف پاکستان ءُ بورڈ آف انویسٹمنٹ ءِ نمائندگاں بہر زرتگ ات۔ کمیٹی ءَ لسٹڈ کمپنی آنی واستہ گہتری ءِ حکمت عملی ءِ سر ءَ چار ءُ تپاسی کت ءُ پاکستان ءِ نزوریں اسٹاک مارکیٹ ءِ کارکردگی، کسانیں کچ ءُ کساس ءِ لسٹڈ کمپنی آنی کمیں کساس ءُ جی ڈی پی ءِ تہ ءَ کمیں کرد ءِ سر ءَ جیڈھ ءِ درشانی کت۔ ہارون اختر خان ءَ اے موہ ءِ سر ءَ گوشت کہ مزن وزیر شہباز شریف ءِ ہدایت ءِ رد ءَ ریگولیٹری سسٹم ءَ را کاروبار دوست جوڑ کنگ ءُ بے ضلورتیں بندش آناں دور کنگ ءِ واستہ گامگیج چست کنگ بوتگ۔ آئی ءَ گوشت کہ مزن وزیر شہباز شریف ءِ وژن سرمایہ کار آنی دلبڈی بحال کنگ ءُ اقتصادی چست ءُ ایر آناں دیمروئی دیگ اِنت، اے وژن نوں پیلو بوھگ ءَ اِنت ءُ اے گہتریی گامگیج کاروبار ءُ سرمایہ کاری ءَ را دیمروئی دنت۔ آئی ءَ گیش گوشت کہ گہتری میاں اوستمانی معیار آنی رد ءَ کنگ بنت، کہ کمیں ضوابط ءُ مزنیں کارکردگی ءِ ماڈل آنی سر ءَ بنیات ءَ انت تانکہ پد ءُ رند  ءِ  نظام ءَ را مھکم کنگ بہ بیت ءُ کاروباری ادارگ آناں گیش لچک ءُ لچکاری ءِ پھجارینگ بہ بیت۔ آئی ءَ گوشت کہ گہتری ءَ چہ کاروبار آنی سر ءَ ریگولیٹری دباؤ کم بیت ءُ گہتریں ریگولیٹری تعمیل ءِ سر ءَ عمل کنگ ءَ کمک رسیت۔ آئی ءَ گوشت کہ کمیں بندش آنی گوما جھان ءِ تک ءَ منگ بوتگیں ہائی پرفارمنس ماڈل آناں وتی کنگ ءَ چہ ما لسٹڈ کمپنی آنی ڈھانچہ ءِ جیڈھ آناں گیواری کنگ ءَ ایں ۔ ہارون اختر خان ءَ گوشت کہ سرمایہ کاری ءَ را دیمروئی دیگ ءِ واستہ ریگولیٹری سسٹم ءَ را آسان کنگ ءُ جوان جوڑ کنگ بوھگ ءَ انت۔ آئی ءَ گوشت کہ اے گہتری برجائی اقتصادی دیمروئی ءَ را ھیال ءَ دارگ ءَ جندی شوبگ ءِ گوما شور ءُ سلاھ ءَ جوڑ کنگ بوتگ اَنت۔ آئی ءَ گوشت کہ میاں اوستمانی معیار ءِ رد ءَ گہتریی گامگیج پاکستان ءِ سرمایہ مارکیٹ ءِ فریم ورک ءَ را مھکم کنت، کارپوریٹ سیکٹر ءِ نوکیں لوٹ آنی رد ءَ آرگ ءُ کاروبار ءِ واستہ جوانیں چاگرد پجاری کنت۔