وزیر مملکت فہد  ہارون ءَ لبنان ءِ سفیر عبدالعزیز عیسیٰ ءَ گوں گند ءُ نند

اسلام آباد۔27نومبر  (اے پی پی): وزیر ءِ مملکت ءُ مزن وزیر ءِ ڈیجیٹل میڈیا ءِ ھاسیں کمکار فہد ہارون ءَ پاکستان ءَ وتی کارگس ءَ لبنان ءِ سفیر عبدالعزیز عیسیٰ  ءَ گوں گند ءُ نند کت۔ اے موہ ءِ سر ءَ آہاں ڈیجیٹل میڈیا، براڈکاسٹ میڈیا ءُ دمگ ءِ رابطہ ءِ بدل بوؤکیں رجحان آنی بابت ءَ مزنیں تبادلہ ءِ برجم دارگ بوت۔ پنچ شمبے ءِ روچ ءَ جاڑی بوتگیں پریس ریلیز ءِ رد ءَ فہد ہارون ءَ ڈیجیٹل ٹرانسفارمیشن ءِ تہ ءَ پاکستان ءِ تجربگ آنی سر ءَ چمشانک دات ءُ جدت ءِ دیمروئی، ذمہ وار آن لائن شمولیت ءِ دیمروئی ءُ نوکیں ءُ ھمگرنچیں میڈیا ءِ چاگرد ءِ کمک ءِ واستہ حکومت ءِ گامگیج آنی بابت ءَ سرپدی دات۔ آئی ءَ شریکیں ملک آنی گوما گپ ءُ تران ءِ پچیں چینل آناں برجائی ءِ ارزشت ءِ سر ءَ ھم زور پر دات کہ جھان ءِ میڈیا ءِ رھبند آنی تہ ءَ دیمروئی برجاہ اِنت۔ دوئیں نیمگ ءَ وت مہ وتی مفاد ءِ جیڈھ آنی سر ءَ ھیال آنی درشان کنگ ءِ موہ ءَ را ساڑات۔