پاکستان ءِ میاں اوستمانی مالیاتی ادارگ آنی گوما شریکداری ءِ تہا امارات ءِ مزنیں کمک ستا کرزیں انت، وزیر خزانہ محمد اورنگزیب

اسلام آباد۔27نومبر  (اے پی پی): وفاقی وزیر برائے مالیات ءُ ریونیو، سینیٹر  محمد اورنگزیب ءَ گوشت کہ امارات ءِ پاکستان ءِ شریکداری ءِ تہ ءَ میاں اوستمانی مالیاتی ادارگ آنی گوما تجارت، سرمایہ کاری، مالیاتی برجائی، بین حکومتی کمک ءُ بینکنگ ءِ پڑ ءَ شریکداری ءِ تہ ءَ مزنیں کمک ستا کرز اِیت۔ امارات۔ اے ھیالانی درشانی وزیر ءِ ھزانگ ءَ پنچ شمبے ءِ روچ ءَ پاکستان ءَ امارات ءِ نوکیں سفیر سالم ایم سالم البواب الزابی  ءَ گوں تران کنان ءَ کت اَنت۔ آئی ءَ امارات ءِ نوکیں سفیر ءِ منت گپت کہ آئی ءَ وتی سفارتی زمہ واری ءِ سر ءَ زورگ ءَ پد پاکستان ءَ را گرمیں وش اتک کتگ۔ پاکستان ءُ امارات ءِ الس ءِ نیام ءَ گہتریں سفارتی سیادی ءِ بابت ءَ آئی ءَ گوشت کہ امارات ءَ پاکستانی پیشہ ور کار کنگ ءَ بوتگ انت۔ آئی ءَ بازیں وھد ءَ چہ بینکنگ، فنانس، دفاع ءُ سرکاری انتظامیہ ءَ ھوار جتا جتائیں شوبگ آنی تہ ءَ مزنیں کردے پیلو کتگ۔ آئی ءَ اے گپ ءِ سر ءَ زور پر دات کہ دو نیمگی سیادی ءَ را گیش مھکم کنگ ھاسیں رنگ ءَ اسٹریٹجک، اقتصادی ءُ ثقافتی شوبگ آنی تہ ءَ آئی ءِ سفارتی اولیت ءِ رنگ ءَ مانیت۔ وزیر ھزانگ ءَ نوکیں سفر ءِ پجار کنان ءَ گوشت کہ پاکستان امارات ءِ گوما وتی براتی سیادی آناں گیش گہتر کنگ ءِ واستہ جزمیگ انت۔ آئی ءَ امارات ءِ تجارت، سرمایہ کاری، حوالہ جات، بین حکومتی کمک ءُ میاں اوستمانی مالیاتی ادارگ آنی گوما پاکستان ءِ شریکداری ءِ تہ ءَ مزنیں کمک ءِ ساڑات۔ وزیر خزانہ ءَ دوئیں ملک آنی حکومت آنی نیام ءَ استیں مزنیں تک ءِ رابطہ آناں ھم دیریں ءُ مھکمیں سیادی آنی نشانی لیک اتگ۔ وزیر ءِ ھزانگ ءَ گوشت کہ پاکستان ءِ اقتصادی دیمروئی ءِ ریشگ تجارت ءَ را دیمروئی دیگ ءُ دراجیں مدت ءِ سرمایہ کاری ءِ را وتی نیمگ ءَ رازیگ کنگ ءِ سر ءَ دلگوشی دیگ ءَ انت ءُ روایتی کمک ءَ چہ دیم ءَ روگ ءَ انت۔ آئی ءَ بندرگاہ، دیمروئی بینکنگ، رسد ءُ بنیاتی ڈھانچہ ءِ شوبگ آنی تہ ءَ امارات ءِ جاری سرمایہ کاری ءِ توسیپ کت ءُ امارات ءِ وت واجہیں فنڈز، نجی شعبہ ءُ کثیر القومی کمپنی آناں گیش ھوار بوھگ ءِ واستہ دلبڈی دات۔ آئی ءَ آئی ٹی، اے آئی، فن ٹیک، زراعت، کان کنی، رسد ءُ ہائیر ایجوکیشن ءِ تہ ءَ کمک ءِ مزنیں گنجائش ءِ سر ءَ ھم زور پر دات۔ امارات ءِ سفیر ءَ وزیر ءِ ھزانگ ءَ را گوشت کہ اقتصادی کمک ءِ تہ ءَ گیشی آئی ءِ اولی ترجی آنی تہ ءَ یک اِنت۔ آئی ءَ دو نیمگی تجارتی کساس ءَ را گیش کنگ، امارات ءَ پاکستانی کاروبار ءُ ٹیکنالوجی کمپنی آنی ھست بوھگ ءَ را گیش کنگ ءُ پاکستان ءَ گیش امارات ءِ سرمایہ کار آناں را وتی نیمگ ءَ رازیگ کنگ ءِ تہ ءَ سک باز دلگوشی ءِ درشانی کت۔ آئی ءَ کشت ءُ کشاری، بنیاتی ڈھانچہ، کان کنی، بندرگاہ، مالیاتی ازمت ءُ ورچوئل اثاثہ آں ھوار جتا جتائیں شوبگ آنی تہ ءَ برجاھیں کار آنی ھم ھال دات۔ صفرا ءَ پاکستانی شہری آنی واستہ امارات حکومت ءِ نیمگ ءَ چہ ویزہ ءِ آسراتی ءِ تہ ءَ ھاسیں گہتری آنی بابت ءَ ھم سرپدی دات۔ آئی ءَ گوشت کہ روچ ءِ تہ ءَ 500 ءِ نزیک ءَ ویزہ ءِ کارروائی کنگ بوھگ ءَ اِنت ءُ آن لائن ویزہ ءِ کارروائی، پاسپورٹ آنی سر ءَ مہر جنگ ءِ ای ویزا، پاکستانی ادارگ آنی گوما گہتریں سسٹم ٹو سسٹم رابطہ آنی سر ءَ عمل کنگ بوھگ ءَ اِنت تانکہ کاروباری مردم ءُ ایندگر مسافر آنی واستہ سفر گیش آسراتی بہ بیت۔ پاکستان ءَ جوڑ بوتگیں امارات ءِ ویزا سینٹر ءَ چہ ھم کارروائی ءِ ترندی ءَ کمک رسیت۔ وزیر خزانہ ءَ اے گامگیج ءِ دیم ءَ آرگ ءِ وھد ءَ گوشت کہ امارات جھان ءِ سرمایہ کاری، تجارتی نمائش ءُ ٹیکنالوجی ایکسپوز آنی واستہ مزنیں مرکز اِنت ءُ اے درگت ءَ کاروباری سیادی آناں دیمروئی دیگ ءِ واستہ جوانیں سفری آسراتی سک باز المی اَنت۔ گند ءُ نند ءَ دوئیں ملک آنی نیام ءَ دفاعی کمک، وانگ ءُ زانگ ءِ تبادلہ ءُ راجدپتری فوجی سیادی آنی سر ءَ ھم گپ ءُ تران کنگ بوت۔ امارات ءِ سفیر ءَ وتی مدت ءِ ساھت ءَ اے سیادی ءَ را گیش مھکم کنگ ءِ جزم ءِ درشان کت۔ وزیر خزانہ ءَ سفیر ءَ را پاکستان ءِ گہتری ءِ اقتصادی اشارہ آنی بابت ءَ سرپدی دات، ایشی ءِ تہ ءَ زرّ ءِ مھکمیں ذخیرہ، مہنگائی ءِ تہ ءَ کمی، کرنسی ءِ جاور ھال آنی تہ ءَ گہتری ءُ ھاسیں رنگ ءَ امارات ءَ چہ زرّ ءِ دیم دیگ ءِ تہ ءَ گیشی ھوار اِنت۔ آئی ءَ اے گپ پدر کت کہ پاکستان نوں نجی شوبگ ءِ سروکی ءَ سرمایہ کاری ءِ سروکی ءَ دیمروئی ءِ ایجنڈا ءِ نیمگ ءَ روگ ءَ اِنت۔ گند ءُ نند ءِ تہ فرانس ءِ صدر ءَ وت مہ وتی مفاد ءِ درستیں پڑ آنی تہ ءَ ھاسیں رنگ ءَ تجارت، سرمایہ کاری، مالیات، ٹیکنالوجی، دفاع ءُ مردم آنی نیام ءَ رابطہ آنی تہ ءَ کمک ءَ را گیش گہتر کنگ ءِ وتی عزم ءِ دوبر پدر کت۔ دوئیں اے گپ ءِ سر ءَ تپاک کت کہ دوئیں براتیں ملک آنی نیام ءَ استیں بے دروریں موہ آناں چہ یکجائی ءَ نپ چست کنگ ءِ واستہ نزیکیں کمک ءِ رندگیری برجاہ بیت۔