ملک ءَ ایندگر ھاٹیگ ءِ رسانک در آنی تہ ءَ گیشی بوھگ ءَ اِنت، ایش کم قیمت ءَ بنت، بنجاھی وزیر ھاٹیگ

اسلام آباد۔27نومبر  (اے پی پی): توانائی ءِ وفاقی وزیر سرداد اویس احمد خان لغاری ءَ گشتگ کہ ملک ءَ توانائی ءِ متبادل وسیلگ گیش بوھگ ءَ انت کہ آ ھم کم ھرچ انت، اولی رند ءَ پاکستان ءِ توانائی ءِ شوبگ ءَ آیوکیں وھد ءِ ھاتر ءَ پالیشی جوڑ کنگ بوھگ ءَ انت، گہتری ءِ عمل جاری انت، ایشی ءِ آسر زوت . جوڑ کنگ بوھگ ءَ انت، سرکلر ڈیبٹ ءِ جیڈھ ءِ گیواری ءِ ھاترا کوشست کنگ بوھگ ءَ انت، توانائی ءِ شوبگ ءَ نجکاری ءِ عمل ھم گہتری ءِ بھر انت، گوستگیں وھد ءَ آئی پی پی پی ءِ گوما بوتگیں معاہدہ شفاف نہ بوتگ انت، نجی شوبگ ءَ را گیش ءَ چہ گیش آسراتی دیگ بوھگ ءَ انت، توانائی ءِ شوبگ ءَ گیش گہتری ءِ گنجائش است انت۔ اے ھیالانی درشانی آئی ءَ ادا پاکستان بزنس کونسل ءِ پریس ءَ گوں تران کنان ءَ کت۔ وفاقی وزیر ءَ گوشت کہ ملک ءِ معیشت مھکم بوھگ ءَ اِنت، حکومت الس آناں آسراتی پجارینگ ءِ واستہ ھمک رنگ ءِ کوشست کنگ ءَ اِنت، نیٹ میٹرنگ سسٹم ءَ را گہتر کنگ ءِ ضلورت اِنت، معیشت ءِ گہتری ءِ واستہ مشکلیں پیسلہ کنگ لوٹ ایت، ڈسٹری بیوشن کمپنی آنی کارکردگی ءَ را گہتر کنگ بوھگ ءَ اِنت، توانائی ءِ شوبگ ءَ ھاسیں گہتری کنگ بوھگ ءَ اَنت۔ آئی ءَ گوشت کہ ما گرین انرجی ءِ سر ءَ کار کنگ ءَ ایں، پاکستان ءَ کلین انرجی ءِ دیمروئی ءِ واستہ گامگیج کنگ بوھگ ءَ انت، پاکستان ءَ توان ءِ شوبگ ءَ سک باز موہ است انت، اولی رند ءَ توان ءِ شوبگ ءَ سرجمیں منصوبگ بندی ءِ گوما گہتری کنگ بوتگ، توان ءِ شوبگ ءَ نجکاری ءِ عمل ھم گہتری ءِ بھر انت۔ آئی ءَ گوشت کہ توان ءِ شوبگ ءَ گہتری آرگ بوھگ ءَ انت، صنعت ءَ را بجلی ءِ شرح ءَ سبسڈی دیگ بوھگ ءَ انت، پاکستان دگنیا ءَ شمسی توان ءِ شوبگ ءَ گیش ءَ چہ گیش پیشرفت کنگ ءَ انت، بجلی ءِ شوبگ میاں اوستمانی معیار ءِ رد ءَ تکنیکی رد ءَ مھکم نہ انت، روپیہ ءِ تیل ءِ نرخ آنی تہ ءَ کمی ءُ قدر ءِ کمی ءَ چہ بجلی ءِ شوبگ نزور بوتگ۔ آئی ءَ گوشت کہ وزارت توانائی ءَ 28 ھاسیں گہتری ءِ نشاندہی کتگ، ءُ آیوکیں لھتیں ماھ آنی تہ ءَ توانائی ءِ مقابلہ ءِ مارکیٹ بندات بیت۔ وفاقی وزیر ءَ بجلی ءِ شوبگ ءِ آجوئی ءَ را حکومت ءِ مزنیں گہتری ءِ رنگ ءَ پیش کنان ءَ گوشت کہ سرکلر قرضہ ءِ تہ ءَ مزنیں کمی آرگ بوتگ، آئی پی پیزا ءِ گوما معاہدہ آنی سر ءَ دوبر گپ ءُ تران کنگ بوتگ، وھدیکہ ناکارہ بجلی گس آناں زوت بند کنگ ءِ سر ءَ کار برجاہ اِنت۔ عویس لغاری ءَ گوشت کہ پاکستان ءَ قابل تجدید توان ءِ بھر 55درسد ءَ سر بیت، نیٹ میٹرنگ ءِ کانود آنی تہ ءَ بدلی ءُ ڈسکو آناں نجی کنگ ءُ مارکیٹ ءَ گوں براہ راست رابطہ ءِ پجاری ءِ سر ءَ کار برجاہ اِنت۔ وفاقی وزیر ءَ گوشت کہ آیوکیں وھد ءَ حکومت بجلی ءِ براہ راست خریدار نہ بیت، وزارت ءَ ریگولیٹری فریم ورک آنی سر ءَ جوان چار ءُ تپاسی ءِ عمل بندات کتگ، ءُ بجلی ءِ شوبگ ءَ گورننس، شفافیت ءُ مالیاتی برجائی ءِ واستہ نوکیں گامگیج کنگ بوھگ ءَ انت۔