پاکستان اقتصادی گہتری ءُ نجی شعبہ ءِ سروکی ءَ دیمروئی ءِ نوکیں دور ءَ داخل بوھگ ءَ انت، مزن وزیر شہباز شریف ءَ پاکستان ءُ بحرین ءِ مہکمیں سیادی ءَ را اقتصادی کمک ءِ تہ ءَ بدل کنگ ءِ جزم ءِ درشان

منامہ۔27نومبر  (اے پی پی): مزن وزیر محمد شہباز شریف ءَ پاکستان ءُ بحرین ءِ نیام ءَ مھکمیں سیادی ءَ را اقتصادی کمک ءِ تہ ءَ بدل کنگ ءِ جزم ءِ درشان کنان ءَ بحرین ءِ سرمایہ کار آناں پاکستان ءِ جتا جتائیں شوبگ آنی تہ ءَ سرمایہ کاری ءِ دعوت داتگ۔ آئی ءَ گوشت کہ پاکستان اقتصادی گہتری ءُ جندی شوبگ ءِ سروکی ءَ دیمروئی ءِ نوکیں دور ءِ تہ ءَ داخل بوھگ ءَ انت۔ کشت ءُ کشاری، آئی ٹی، کان کنی، توانائی ءُ اے دگہ شوبگاں سرمایہ کاری ءِ نوکیں دروازگ پچ بوتگ انت۔ بحرین ءِ سرمایہ کار پاکستان ءَ بیا انت ءُ مئے گوما شریک بہ بنت۔ ما سرمایہ کاری، مشترکہ منصوبہ ءُ کاروباری تعاون ءِ ھاتر ءَ درستیں ممکنہ آسراتی ءِ ھاتر ءَ دات کنیں۔ پاکستان ءَ مردمی قوت، وسیلگ، ایمرجنگ مارکیٹ، اسٹریٹجک لوکیشن ءُ ورنا آنی مزنیں طاقت است انت۔ پاکستان ءُ خلیج کوآپریشن کونسل ءِ نیام ءَ آزاد تجارتی معاہدہ گڈی سیم سر ءَ انت ۔ من ءَ اے گپ ءِ سر ءَ دلجمی اِنت کہ اے معاہدہ ءَ چہ تجارتی سیادی نوکیں بالاد ءَ سر بنت۔ آئی ءَ اے ھیالانی درشانی پنچ شمبے ءِ روچ ءَ ادا بزنس کمیونٹی ءِ مراگش ءَ گوں تران کنان ءَ کت۔ مزن وزیر ءَ گوشت کہ من بحرین ءِ حکومت ءُ الس ءِ شگر ءُ منت وار آں کہ منا سک باز گرم ءُ دل ءِ وش اتک کتگ۔ مارا وتی بحرین برات ھاسیں رنگ ءَ بحرین ءِ شاہ ءُ ولی عہد ءُ مزن وزیر ءِ مہمان داری ءَ چہ سیت چست کتگ۔ مارا ھما وڑ ءَ وش آتک کنگ بوتگ کہ مئے دیم ءَ مدام یات مانیت۔ انچو سما بیت کہ ما بحرین ءَ آیگ ءَ پد وتی لوگ ءَ اتکگیں۔ مزن وزیر ءَ گوشت کہ بحرین ءُ پاکستان دو برات ءِ ملک اَنت مئے سیادی بازیں دہائی آنی بنیات اَنت۔ اے سیادی دود ءُ ربیدگی، مذہبی، یکے دومی ءِ شرپ ءُ اعتماد ءِ سرا بندوک انت ءُ اے مئے سیادی ءِ ستون انت۔ مزن وزیر ءَ گوشت کہ دوئیں ملک آنی نیام ءَ اسٹریٹجک کمک ءَ دہائی ءَ چہ است انت بلے مرچی آ اے سیادی ءَ را گیش پراھی کنگ ءِ واستہ اتکگ۔ مزن وزیر ءَ گوشت کہ آئی ءَ شاہ حمد بن امیر الخلیفہ، ءُ ولی عہد ءُ مزن وزیر ءَ را گوشتگ کہ پاکستان کشت ءُ کشاری، آئی ٹی، اے آئی، فنانس ءُ ایندگر درستیں شوبگ آنی تہ ءَ براتیں ملک بحرین ءِ گوما سرجمیں اقتصادی کمک ءَ را دیمروئی دیگ ءِ واستہ تیار اِنت۔ ما یکے دومی ءِ گوما کمک کنگ ءِ وتی کوشست، زانت، تجربگ ءُ عزم ءِ وسیلگ ءَ اے شوبگ آنی تہ ءَ یکوئی ءِ ھاترا دیم ءَ اتک کن ایں ۔ مزن وزیر ءَ گوشت کہ منی تر ءُ تاب ءِ مول ءُ مراد اقتصادی شوبگ آنی تہ ءَ نوکیں پڑ ءِ آرگ اِنت۔ من بحرین ءِ بادشاہ ءُ ولی عہد ءُ مزن وزیر ءِ پاکستان ءِ گوما بے دروریں عزم ءِ واستہ سک باز منت وار آں ۔ مزن وزیر ءَ گوشت کہ مئے گند ءُ نند آنی چاگرد ءِ وڑ ءَ یک ھاندانی مچی ءِ رنگ ءَ بوتگ ءُ اے گند ءُ نند سک بکسد مند ءُ پائدگ مند بوتگ اَنت۔ اے بنیاد ءَ من گشت کناں کہ ادا من مہمان نہ آں۔ بلکیں من وتی لوگ ءِ مردمانی گند ءُ نند ءَ اتکگ آں، وتی نیول برات ءُ گہاراں۔ مزن وزیر ءَ گوشت کہ پاکستان ءَ آبادی ءِ گیشتریں بہر ورنا آں چہ جوڑ بوتگ، ورنا مئے مھکم اَنت، مئے ورنا آنی تہ ءَ 60درسد ورنا 15 ءَ چہ 30سال ءِ نیام ءَ اَنت، ورنا آنی آبادی یک چیلنج، مزنیں نعمت ءُ موہ اِنت، انچوش کہ گشگ بیت، اے یک چیلنج ءُ یک مزنیں موہ ءِ ھم اِنت۔ ما وتی ورناہاں بااختیار جوڑ کنگ ءُ اے چیلنج ءَ را مزنیں موہ ءِ تہا بدل کنگ ءِ ھاترا دلجم ایں ۔ ما آئی ٹی، اے آئی، تکنیکی ءُ پیشہ وارانہ مہارت ءُ دگہ پڑاں آہاں تربیت دیگ ءَ اے چیلنج ءَ را یک موہ ءِ تہا بدل کنیں ءُ وتی بحری کاروباری براتانی ہمراہی ءَ اے پڑاں مزنیں قوت جوڑ بئیں۔ مزن وزیر ءَ گوشت کہ اے موہ ءَ چہ سیت چست کنگ ءِ وھد انت پرچا کہ وھد ءُ لہر کس ءِ ودار ءَ نہ انت۔ بحرین ءَ اے گپ ءِ گندگ دل ءَ وش کنت۔ مئے متحرک پاکستانی کمیونٹی کہ یک لکھ ءَ چہ گیش اِنت، مئے واستہ فخر ءِ وسیلہ اِنت۔ ہر ملک ءَ کہ من شتگ آں من گوں پاکستانی چاگرد ءَ گپ ءُ تران کتگ ءُ اودا پاکستانیانی کسہ اشکتگ کہ آہانی پاکستان ءِ مہر ہچبر کم نہ بوتگ اگاں چہ آہاں وتی مہارت ءُ محنت پہ دگہ ملک ءُ دود ءُ ربیدگانی دیمروئی ءَ ندر کتگ۔ مزن وزیر ءَ گوشت کہ پاکستانی پجار ھچ وڑیں جغرافیائی دمگ ءَ گوں بندوک نہ انت۔ ہر جاہ کہ بہ بنت ہمے پجار ہمے پاکستانیانی دلانی تہا است انت۔ ادا بحرین ءَ اے شوق ھم چہ ھچ شک ءَ ابید ھاسیں رنگے ءَ گندگ بیت۔ من مزنیں پاکستانی آں بحرین ءُ پاکستان ءِ دوئیں ھاتر ءَ وتی ھزمت ءِ ھاتر ءَ سلام پیش کناں۔ آ پاکستان ءِ مزنیں سفیر اَنت ءُ من ءَ ایشانی سر ءَ پھر اِنت کہ آ پاکستان ءِ راجی اقتصادی دیمروئی ءَ وتی کرد ءَ پیلو کن اَنت۔ مزن وزیر ءَ گوشت کہ بحرین ءَ نندوکیں پاکستانی آنی محنت ءُ کوشست آنی وسیلگ ءَ ریمیٹنس ءِ رنگ ءَ کمائی بوتگیں زرّ گوستگیں مالی سال ءِ ساھت ءَ 484ملین ڈالر بوتگ۔ اے گپ سک ارزشت دار اِنت۔ من بحرین ءِ بادشاہ ءِ منت واراں کہ آئی ءَ پاکستان ءِ واستہ دل ءِ جہلانکی ءَ کمک کتگ۔ مزن وزیر ءَ گوشت کہ منی پاکستانی برات ءُ گھار آناں دزبندی کنگ بیت کہ آ نہ ایوک ءَ پاکستان ءِ بلکینگ ءَ بحرین ءِ ھم مزنیں سفیر جوڑ بہ بنت، پرچا کہ پاکستان ءُ بحرین یک جان ءُ دو بدن اَنت ءُ مئے دل یکجاھی ءَ دھڑکگ ءَ اَنت۔ من ءَ یقین اِنت کہ شما وتی مزنیں ھزمتاں گوں وتی بحرین برات ءُ گہاراں وتی سر ءَ ناز کن اِت۔ پاکستان ءُ منی ملک ءِ دروازگ پہ شما مدام پچ مان اَنت ۔ مزن وزیر ءَ گوشت کہ بحرین ءِ ولی عہد ءُ مزن وزیر ءِ مزنیں سروکی ءُ رہشونی ءِ چیر دستی ءَ بحرین اقتصادی دیمروئی، فکری نوآبادیاتی ءُ انسانی مرکز ءِ دیمروئی ءِ چراگ ءِ رنگ ءَ دیم ءَ اتکگ۔ پاکستان بحرین ءِ دیمروئی ماڈل ءَ چہ سک باز الہام زرتگ۔ آئی ءَ گوشت کہ پاکستان یک انچیں ملکے کہ ایشی ءِ تہ ءَ مزنیں موہ، ھنر، وسیلگ ءُ صارف آنی گیش بوھوکیں کساس ءِ گوما دیمروئی کنوکیں مارکیٹ است انت، کہ ستراتیژیک ءِ رد ءَ جاہ منندیں بحرین ءِ مہارت، کاروباری زانت ءُ گلوبل نقطہ نظر پاکستانی مارکیٹ آنی واستہ مزنیں موہ ءِ دات کنت۔ آئی ءَ گوشت کہ پاکستان ءَ ڈھانچہ ءِ گہتری ءِ عمل گوزگ ءَ انت ایشی ءَ اقتصادی گہتری، ڈیجیٹل جدید کنگ ءُ جندی شوبگ ءَ را بااختی جوڑ کنگ ءِ تہ ءَ پائدگ مندیں کرد پیلو کتگ۔ ما ریڈ ٹیپ ءِ رکاوٹاں سرجمی ءَ دور کتگ، وتی ضوابط ءَ را مھکم کتگ، زرعی کاروبار، آئی ٹی، کان کنی، توانائی ءُ انفراسٹرکچر ءِ وڑیں نوکیں شعبہ آناں دراجیں مدت ءِ بھر زوری ءِ واستہ پچ کتگ۔ مزن وزیر ءَ گوشت کہ بحرین ءِ نائب مزن وزیر، وزیر ءِ ھزانگ، وزیر ءِ صنعت، وزیر ءِ درئی کار ءُ بحرین ءِ کاروبار آنی سرمایہ کار پاکستان ءَ بیا اَنت۔ ما گوں شما کار کنگ لوٹیں ما چہ تئی مزنیں تجربہ ءُ مہارت ءَ نپ چست کنیں۔ تو وتی شور ءُ سلاہ ءُ زانت ءَ گوں پاکستان ءِ صنعت ءُ کشت ءُ کشاری ءَ را توانائی دنت۔ مزن وزیر ءَ گوشت کہ پاکستان ءُ خلیج کوآپریشن کونسل ءِ نیام ءَ آزاتیں تجارتی منگ نامہ وتی گُڈّی بھر ءَ اِنت ءُ امیت اِنت کہ زوت آئی ءِ سر ءَ دستخط کنگ بیت۔ اے معاہدے ءَ چہ پاکستان ءُ جی سی سی ءِ ملک ھاسیں رنگ ءَ بحرین ءِ نیام ءَ تجارت دیمروئی بیت ۔ مزن وزیر ءَ گوشت کہ من ایوک ءَ پاکستان ءِ مزن وزیر ءِ بستار ءَ نہ ایوک ءَ پاکستان ءِ مزن وزیر ءِ بستار ءَ گوں شمارا گشتانک دیان آں بلکیں یک انچیں راج ءِ سی ای او ءِ بستار ءَ ھم گوں تران کنگ ءَ آں کہ آ بحرین ءِ کاروباری مردم آنی گوما شریک بوھگ ءِ واستہ تیار اِنت ءُ یکجائی منصوبگ آنی واستہ ہر وڑیں کمک ءِ پجارینگ ءِ واستہ تیار اِنت ءُ بحرین ءِ سرمایہ کاری منصوبگ آناں آسراتی دنت ءُ دوئیں نیمگ ءَ چہ فائدگ مندیں سفر ءِ تہ ءَ کمک کنت۔ مزن وزیر ءَ گوشت کہ منی یک نامداریں گپے است کہ اگاں تو ترندی ءَ روگ لوٹ ئے گڈا ترندی ءَ رو ءُ اگاں تو دور روگ لوٹ ئے گڈا یکجاہ سفر کن، ما پاکستان ءُ بحرین ءَ را یکیں رژنائی ءَ گندیں، چاہے تو بحرین سرمایہ کارے بہ بئے کہ پاکستان ءِ تہ ءَ توانائی ءَ گندگ ءَ ئے یا پاکستانی کاروباری مردمے بہ بئے کہ بحرین ءِ مزنیں دیمروئی ءَ شریک بوھگ ءَ اِنت اے وھد ءَ من بحرین ءَ شریک بہ بئے۔ بامردیں تعاون ءِ سرا کار کنگ ءَ انت۔ بحرین ءِ ھزانگ ءِ وزیر شیخ سلمان بن خلیفہ الخلیفہ ءَ گوشت کہ مزن وزیر محمد شہباز شریف ءِ ھست بوھگ مئے سیادی آنی نوک کنگ اِنت، پاکستانی نسل ءِ پد ءَ نسل ءِ شہری آں بحرین ءِ دیمروئی ءِ واستہ مزنیں کرد پیلو کتگ ءُ مرچی بازیں پاکستانی بادشاہی بحرین ءَ را وتی دومی ھوم لیک اَنت۔ آئی ءَ گوشت کہ پاکستان ءُ بحرین ءِ سیادی راجدپتر ءَ گوں بندوک انت، حبیب بینک، یونائیٹڈ بینک ءُ نیشنل بینک کہ پاکستانی مالیاتی ادارگ انت، نیم کرن ءَ چہ گیش مئے مالیاتی شوبگ ءَ ھاسیں کرد پیلو کنگ ءَ انت۔ آئی ءَ گوشت کہ خلیج کمک کونسل ءَ مزنیں بدلی یے بوھگ ءَ اِنت، اے دمگ نوآبادیاتی، پائیداری ءُ ٹیکنالوجی ءِ برتری ءِ مرکز جوڑ بوھگ ءَ اِنت، بحرین ءِ بادشاہی ءَ را اے بدلی ءِ تہ ءَ سروکیں کرد پیلو کنگ ءِ سر ءَ فخر اِنت، بحرین یک انچیں چاگرد ءِ جوڑ کنگ ءَ اِنت کہ ایشی ءِ تہ ءَ نبشتہ کاری ءِ توانائی، کاروباری گامگیج ءُ آیوکیں وھد ءِ وشھالی ءِ تب ءُ مئیل جوڑ کنگ بوھگ ءَ اِنت۔ مالیاتی خدمات ءِ واستہ بحرین ءِ نوکیں نظام ءَ جوانیں کارکن ءُ نوکیں ٹیکنالوجی است انت، بحرین ءِ نوکیں نظام ءَ پاکستانی بینک ءُ نوکیں لیکہ ءِ ھاتر ءَ دمگی ءُ جھان ءِ تک ءَ جوانیں پلیٹ فارم ءِ وسیلگ ءَ دات کنت۔ آئی ءَ گوشت کہ بحرین وژن 2020 ءَ را دیم ءَ برگ ءَ اِنت ءُ وژن 2050 ءِ بنیات ایر کنگ ءَ اِنت، ما پاکستان ءَ را یک مشترکہ اقتصادی آیوکیں وھد ءِ گوما یک شریک ءِ رنگ ءَ گندیں۔