وفاقی داخلہ ءِ وزیر محسن نقوی ءَ بحرینی ہمکار جنرل شیخ راشد بن عبداللہ آل خلیفہ  ءَ گوں گند ءُ نند کتگ، دمگی ایمنی ءِ بابت ءَ گپ ءُ تران کتگ، دوئیں مفادات ءِ جیڈھ آنی بابت ءَ گپ ءُ تران

منامہ۔27نومبر  (اے پی پی): وفاقی تہی کار ءُ انسداد ناشرکاری ءِ وزیر محسن نقوی ءَ بحرین ءِ ہمکار جنرل شیخ راشد بن عبداللہ آل خلیفہ  ءَ گوں گند ءُ نند کتگ، ایشی ءِ تہا دو نیمگی سیادی، دمگی سلامتی ءُ وت مہ وتی مفاد ءِ جیڈھ آنی بابت ءَ ھیال ءُ لیکہ ءِ درشانی کتگ۔ وزارت داخلہ ءِ جارکش ءِ رد ءَ دوئیں داخلہ ءِ وزیر آں انسداد ناشرکاری ءِ شوبگ ءَ کمک ءَ را گیش مھکم کنگ، کانود ءِ برجائی ءِ ادارگ آنی گنجائش آناں گیش کنگ ءُ ھال ءُ اھوال ءِ تبادلہ ءَ را گیش جوان جوڑ کنگ ءِ سر ءَ تپاک کتگ۔ وزیر تہی کار محسن نقوی ءَ وتی بحریہ ءِ ھمکار ءِ گرمیں مہمان داری ءِ سر ءَ دل ءِ جہلانکی ءَ چہ منت واری ءِ درشان کت ءُ ایمنی ءُ برجائی ءِ شوبگ آنی تہ ءَ پاکستان ءِ گوما کمک ءَ را گیش کنگ ءِ واستہ آئی ءِ جزم ءَ را ساڑات۔ محسن نقوی ءَ گوشت کہ پاکستان ءُ بحرین ءِ نیام ءَ براتی سیادی وت مہ وتی بیسہ ءُ شرپ ءِ مھکمیں بنیات آنی سر ءَ ایر انت، خطہ ءِ امن ءُ ایمنی ءِ واستہ دوئیں ملک آنی ادارگ آنی نیام ءَ نزیکیں رابطہ کاری المی انت۔ دیوان ءَ دوئیں ملک آنی وتی شریکداری ءَ را گیش مھکم کنگ ءِ عزم ءِ پدا پدر کنگ بوت کہ دوئیں ملک آنی اُلس آنی یکوئی سیت  ءُ ایمنیں آیوکیں وھد ءِ واستہ۔