پٹرولیم ءِ وزیر علی پرویز ملک ءَ کویت ءِ سفیر نصر عبدالرحمن جاسر المتیری ءَ گوں گند ءُ نند کتگ، دوئیں ملک آنی نیام ءَ برجاھیں کمک ءُ آیوکیں شریکداری ءِ آسر آنی سر ءَ گپ ءُ تران

اسلام آباد۔27نومبر  (اے پی پی): پاکستان ءُ کویت ءَ توان ءِ شوبگ ءَ نوکیں موہ آنی پٹ ءُ پول کنگ ءُ دو نیمگی سیادی ءَ را گیش مھکم کنگ ءِ سر ءَ تپاک کتگ ۔ پنچ شمبے ءِ روچ ءَ پٹرولیم ءِ وفاقی وزیر علی پرویز ملک ءَ کویت ءِ سفیر نصر عبدالرحمن جاسر المتیری ءَ گوں گند ءُ نند کتگ، ایشی ءِ ساھت ءَ دوئیں ملک آنی نیام ءَ برجاھیں کمک ءُ آیوکیں وھد ءَ شریکداری ءِ ھاتر ءَ ھاسیں رنگ ءَ پٹرولیم ءِ شوبگ ءِ سر ءَ گپ ءُ تران کتگ۔ پٹرولیم ءِ وزیر ءَ کویت ءِ سفیر ءَ را گرمیں وش اتک کت ءُ دوئیں ملک آنی نیام ءَ سیادی ءَ را مھکم کنگ ءِ واستہ آئی ءِ جوانیں ءُ جوڑیشت ءِ کرد ءَ را ساڑات ءُ آئی ءَ را پاکستان ءِ راستیں دوست گوشت۔ آئی ءَ گوشت کہ دوئیں ملک آنی نیام ءَ سیادی وت مہ وتی دل یکیمی، شرپ ءُ شرپ ءُ توان ءُ پٹرولیم ءِ شوبگ ءَ دہائی آنی تعاون ءِ سر ءَ انت۔ علی پرویز ملک ءَ یک رندے پدا گوشت کہ پاکستان دو نیمگی کمک ءَ را گیش پراھی کنگ ءِ واستہ جزمیگ انت۔ آئی ءَ جھان ءِ توان ءِ ضلورت آنی بدل بوھگ ءِ درگت ءَ پٹرولیم ءِ شوبگ ءَ شریکداری ءَ را گیش مھکم کنگ ءِ ارزشت ءِ سر ءَ زور پر دات۔ کویت ءِ سفیر ناصر عبدالرحمن جاسر المتیری ءَ گوشت کہ پاکستان استحکام ءُ دیمروئی ءِ نیمگ ءَ جنزان انت، کویت ایشی ءَ را جوانیں رنگ ءَ چاریت۔ آئی ءَ گوشت کہ پاکستان ءِ ھاسیں پیشرفت ھما دژمن آناں پد ءَ جتگ کہ آ اے برجائی ءَ را ھراب کنگ ءِ کوشست ءَ ھوار اَنت۔ آئی ءَ اے گپ ءِ سر ءَ زور پر دات کہ کویت پاکستان ءِ گوما اوشتاتگ ءُ لوٹ ایت کہ پاکستان ءَ توامیں دیم ءَ دیم ءَ بہ رؤت۔ دوئیں نیمگاں دمگی ھمگرنچی ءِ برجاہ دارگ، توانائی ءِ شوبگ ءَ نوکیں موہ آناں شوھازگ ءُ دوئیں ملک آنی نیام ءَ راجدپتری سیادی آناں گیش مھکم کنگ ءِ سر ءَ تپاک کتگ۔