مزن وزیر ءِ تجارت ءِ ھوالگ ءَ ھاسیں کمکار رانا احسان افضل خان  ءِ  ” بیوٹی ویسٹ افریقا 2025″   نمائش ءَ پاکستان پویلین ءِ بنگیج

لاگوس۔27نومبر  (اے پی پی): مزن وزیر ءِ ھاسیں کمکار برائے تجارت رانا احسان افضل خان ءَ لاگوس ءَ "بیوٹی ویسٹ افریقا 2025”  نماش ءَ پاکستان پویلین ءِ  بنگیج کتگ۔  ھاسیں کمکار ءَ پاکستانی نمائش کنوک ءُ نائیجیریا ءِ صنعت ءِ کلیدی اسٹیک ہولڈر آنی گوما شپ ءِ ورگ ءِ ھم میزبانی کت۔ پاکستان پویلین ءِ بنگیج ءَ چہ پیسر رانا احسان افضل  ءَ  نائجیرین انویسٹمنٹ پروموشن کمیشن (این آئی پی سی)  ءِ  ایگزیکٹو سیکرٹری/سی ای او   عائشہ ریمی  ءَ گوں گند ءُ نند کت۔ گند ءُ نند ءِ تہ ءَ نائیجیریا ءِ سرمایہ کاری ءِ ندارگ ءُ مینوفیکچرنگ، ایگرو پروسیسنگ، آئی ٹی سروسز ءُ رسد ءِ وڑیں شوبگ آنی تہ ءَ پاکستانی بھر زوری ءِ تہ ءَ گیشی ءِ موہ آنی سر ءَ دلگوشی دیگ بوتگ۔ دوئیں نیمگ ءَ این آئی پی سی ءُ پاکستان ءِ ھاسیں سرمایہ کاری آسراتی کونسل ءِ نیام ءَ ادارگی کمک ءَ را گیش مھکم کنگ ءِ سر ءَ ھم چار ءُ تپاسی کت تانکہ زانتکاری ءِ تبادلہ ءَ را گہتر کنگ، کارروائی آناں جوان کنگ ءُ سرمایہ کار آناں رسائی ءَ را آسراتی دیگ بہ بیت۔ رانا احسان ءَ گوشت کہ 23 ​​پاکستانی کاسمیٹکس مینوفیکچررز آنی ڈل ٹی ڈی اے پی ءِ نیمگ ءَ چہ بیوٹی ویسٹ افریقہ (بی ڈبلیو اے) 2025 ءَ سپانسر کنگ بیت۔ 2025 ءَ تاں آن لائن فروخت ءِ تہا 439 ملین ڈالر پیدا کنگ ءِ توقع انت، ایشی ءَ چہ گیش سرمایہ کاری ءِ ہم توقع انت۔ مزن وزیر ءِ ھاسیں کمکار ءَ وکٹوریا آئی لینڈ ءِ ریڈیسن بلو اینکریج ءَ پاکستان ہائی کمیشن ءِ کمرشل سیکشن ءِ نیمگ ءَ برجم داشتگیں راجی ورکنگ ڈنر ءِ تہ ءَ ھم بھر زوری کت۔ پاکستانی نمائش کنوکیں مردمانی ہمراہی ءَ نائیجیریا ءِ نامداریں خریدار، مزنیں بینکار، یک مزنیں کسٹم کلیئرنگ ایجنٹ ءُ نائیجیریا ءِ مینوفیکچررز ایسوسی ایشن ءِ کاسمیٹکس اینڈ ڈرگس چیپٹر ءِ چیئرمین ہم بوتگ انت۔ نائیجیریا ءِ اسٹیک ہولڈرز ءَ کاسمیٹکس ءِ درآمد، پروڈکٹ رجسٹریشن ءِ عمل، پد ءُ رند ءِ کوالٹی، ءُ بینکنگ ءِ طریقہ کار ءِ بابت ءَ تر ءُ تاب کنوکیں کمپنی آناں سرپدی دات کہ ایشی ءَ چہ پاکستانی کاروباری ادارگ آناں بنجاہی مارکیٹ ءِ آپریشنل لینڈ اسکیپ ءِ بابت ءَ ارزشتی ایں زانشت  ءِ دات کنت۔