مزن وزیر شہباز شریف ءَ ہانگ کانگ ءِ ماڑی ءِ آچ روکی ءَ جانی ءُ مال ءِ تاوان ءِ سرا غم ءِ درشانی کتگ، چینی صدر  ءُ راج ءِ گوما دلپدردی درشان

اسلام آباد۔27نومبر  (اے پی پی): مزن وزیر محمد شہباز شریف ءَ ہانگ کانگ ءِ یک مزنیں ماڑی ءِ تہ ءَ بوتگیں تباہ کنوکیں آچ روکی ءِ تہ ءَ جانی ءُ مال ءِ تاوان ءِ سر ءَ دلپدردی ءُ رنج ءُ گم ءِ درشانی کتگ ءُ چین ءِ صدر شی جن پنگ ، چینی راج ءِ گوما دلپدردی ءِ درشانی کتگ۔ پنچ شمبے ءِ روچ ءَ سوشل نیٹ ورکنگ سائٹ ’’ایکس‘‘ ءَ سر کنان ءَ مزن وزیر ءَ گوشت کہ اے تباہ کنوکیں آچ روکی ءِ وئیل ءَ جانی ءُ مال ءِ تاوان ءِ سر ءَ سک باز رنج ءُ گم ءِ آماچ آں ۔ ما چینی صدر شی جن پنگ، چینی راج ءُ بیران بوتگیں مردمانی گوما دلپدردی درشان کن ایں ۔ مئے دعا ءُ ھمدردی گوں غم ءِ آماچیں ھانداناں اِنت، ما ھم ٹپیانی زوتیں جان سلامتی ءُ زدگیں مردمانی دلیری ءُ رکینگ ءِ دعا ءَ کنیں۔ مزن وزیر ءَ گوشت کہ اے مشکل ءِ ساھت ءَ پاکستان حکومت ھاسیں رنگ ءَ ھانگ کانگ ءِ ھاسیں انتظامی دمگ پاکستان ءُ چین ءِ گوما سرجمیں یکوئی ءِ درشان ءَ کنت ءُ مدام یکجائی ءَ اوشتات کنت۔