حکومت دود ءُ ربیدگ ءِ شوبگ ءَ را مھکم کنگ ءُ راجی دیمروئی ءِ تہ ءَ زالبول آنی فعال بھر زوری ءِ واستہ دلبڈی دیگ ءِ واستہ جزم اِنت، راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی مراگش ءَ گوں تران

اسلام آباد۔26نومبر  (اے پی پی):راجی ورثہ ءُ دود ءُ ربیدگ ءِ وفاقی وزیر اورنگزیب خان کھچی  ءَ گوشت کہ حکومت دود ءُ ربیدگ ءِ شوبگ ءَ را مھکم کنگ ءُ راجی دیمروئی ءِ تہ ءَ زالبول آنی سرگرمیں بھر زوری ءِ واستہ دلبڈی دیگ ءِ واستہ جزم انت۔ وزارت راجی ورثہ ءُ دود ءُ ربیدگ زالبول آنی وانگ ءُ زانگ، ہنر ءُ توانائی ءِ تہ ءَ ہر وڑیں کمک کنگ ءَ انت ءُ اے رجحان آیوکیں وھد ءَ ھم برجاہ مانیت۔ دود ءُ ربیدگ ءُ میراث ءِ دیمروئی ءِ تہ ءَ زالبول آنی کرد سک باز ارزشتی اِنت ءُ حکومت زالبول آنی دیمروئی ءِ واستہ نوکیں گامگیج آنی تہ ءَ دیم ءَ روان کنت۔ اے ھیالانی درشانی آئی ءَ ڈریم پاکستان، سندھو ویلفیئر ٹرسٹ ءُ گروئنگ وومن ءِ نیام ءَ مفاہمت نامہ ءِ سر ءَ دستخط کنگ ءِ مراگش ءَ گوں تران کنان ءَ کت۔ چار شمبے ءِ روچ ءَ ادا ’’ودوکیں زالبول پاکستان ءَ را پدا جوڑ کن اَنت‘‘ ءِ سرھال ءَ یک شرپداریں مراگش ءِ ھم برجم دارگ بوت۔ اے موہ ءِ سر ءَ وفاقی وزیر ءَ گیش گوشت کہ پاکستانی چاگرد نیک راھی، خیرات ءُ اجتماعی وشھالی ءِ ارزشت آنی تہ ءَ دگنیا ءِ تہ ءَ مزنیں جاگہ ​​ءِ واھند اِنت۔ پی این سی

اے ءُ لوک ورسا دود ءُ ربیدگ ءِ سرپدی ءُ چاگرد ءِ دیمروئی ءِ منصوبگ آنی واستہ کمک کنگ ءَ تیار انت۔ آئی ءَ گوشت کہ انوگیں وھد ءَ وزارت ءِ چیر دستی ءَ برجم داشتگیں لوک میلہ ءَ زالبولیں ازمکار ءُ مہمان آنی کساس مردین آنی کساس ءَ چہ گیش بوتگ ایشی ءَ چہ زالبول آنی ازم ءُ دود ءُ ربیدگ ءِ تہ ءَ دلگوشی ءِ درشان انت۔ اے مراگش ءَ ایسوسی ایٹڈ پریس آف پاکستان ءِ منیجنگ ڈائریکٹر محمد عاصم خوچی ءَ ھاسیں رنگ ءَ بہر زرتگ ات۔ اے موہ ءِ سر ءَ آئی ءَ دود ءُ ربیدگی تنوع ءِ دیمروئی ءِ تہ ءَ تنظیم ءِ کرد ءِ ساڑات ءُ پاکستانی ورثہ ءِ جتا جتائیں رنگ آناں پدر کنگ ءُ سرجمیں ملک ءَ زالبول آنی دیمروئی ءِ واستہ اے پی پی ءِ سرجمیں کمک ءِ دل یکیمی دات۔ اے موہ ءِ سر ءَ گروئنگ وومن فاؤنڈر سی ای او رومانا چوہدری ءَ وتی ادارگ ءِ کارکردگی ءِ سر ءَ چمشانک دات ءُ زالبول آنی واستہ نوکیں منصوبگ آنی جار جت ءُ گوشت کہ گروئنگ وومن ءَ جتا جتائیں پڑ آنی تہ ءَ زالبول آناں عملی تربیت داتگ، ایشی ءِ تہ ءَ چہ 30 ءَ چہ 35 درسد زالبول آناں کار ءِ بندوبست ھم کنگ بوتگ۔ چیئرمین ڈریم پاکستان ایڈووکیٹ منیر عثمانی ءَ بہر زوروک، میڈیا ءِ نمائندگ ءُ سول سوسائٹی ءِ منت گپت ءُ پروگرام ءِ مول ءُ

مراد ءُ ایشی ءِ جتا جتائیں تک ءُ پہنات آنی بابت ءَ سرپد کت ءُ زالبول آنی چاگردی ءُ اقتصادی شمولیت ءِ واستہ تنظیم ءِ کوشست آنی سر ءَ چمشانک دات۔ سی ای او سندھو ویلفیئر ٹرسٹ ڈاکٹر افشان ملک ءَ زالبول آنی محنت، کوشست ءُ کامیابی آناں ساڑات۔ آئی ءَ ٹرسٹ ءِ کارکردگی، زالبول آنی وشھالی ءِ واستہ جاری منصوبگ ءُ آیوکیں منصوبگ آنی بابت ءَ گپ ءُ تران کت۔ سادات گروپ ءِ چیئرمین سید سادات شاہ ءَ ورنا ھاسیں رنگ ءَ زالبولیں سروک آنی ھزمت آنی سر ءَ شگر ءُ منت گپت۔ آئی ءَ زالبول آنی دیمروئی ءِ واستہ وتی ادارگ ءِ نیمگ ءَ چہ ھرچ وڑیں کمک ءِ دل یکیمی دات ءُ گوشت کہ زالبول آنی ھوار کنگ یک مھکمیں چاگرد ءِ بُن ھشت اِنت۔ اے موہ ءِ سر ءَ ٹریننگ اینڈ بزنس انکیوبیشن سینٹر، زالبول آنی واستہ مفت طبی آسراتی ءُ ریلیف سپورٹ ءِ سر ءَ دستاویزی فلم پیش کنگ بوتگ کہ ایشی ءِ تہ ءَ زالبول آناں چاگردی ءُ معاشی رنگ ءَ آزات کنگ ءِ تہ ءَ یکے دومی ءِ کمک ءِ سر ءَ چمشانک دیگ بوتگ۔ فوکل پرسن مزن وزیر یوتھ پروگرام فار وومن انیشیٹیو اسلام آباد ءَ ھم مراگش ءِ سوبمندیں برجم دارگ ءِ ھاتر ءَ جارچین آنی منت گپت ءُ زالبول آنی واستہ برجاھیں حکومتی گامگیج ءُ موہ آنی سر ءَ چمشانک دات۔ اے مراگش ءَ زند ءِ جتا جتائیں تک ءُ پھناتانی نامداریں مردم، زالبولیں رہشون، چاگردی کارندہ ءُ رسانکدر ءِ نمائندگاں بہر زرتگ۔ مراگش ءِ گڈسرا مراگش ءَ ھواریں مردماں جارچینانی کوشست ساڑات ءُ اے رنگیں کارانی برجاہ دارگ ءِ ضلورت ءِ سر ءَ زور پر دات۔